2 SAMUEL 18:9 - Bibəl ta Sar̄

⁹ Ugə̄ dan loo kə́rēý tə́ anī Absalom əɓa bus kə̄ dɔ ngé rɔ̄ yā Dabid gə̄ tə́. Kərō ń ni-ndi dɔ tə́ ní i kərō rapáy. Kərō ní udə gír kāgə̄ kógə̄ḿ kə́ bo kə́ ta jīn gə̄ súndə̄n̄ naā ngá̰ý tə́. Ta jīn gə̄ ní əhɔn̄ dɔ Absalom adə̄ dɔn nga̰ā̰ mbo̰ō̰də́ tə́. Anī kərō rapáý ń Absalom ndi dɔ tə́ ní teē gírən tə́ aw̄ kɔ̄ɔ́, adə̄ Absalom naā ɓōdə̄ loo tə́ dɔɔ́ rənge.

Bible sar

⁹ Ugə̄ dan loo kə́rēý tə́ anī Absalom əɓa bus kə̄ dɔ ngé rɔ̄ yā Dabid gə̄ tə́. Kərō ń ni-ndi dɔ tə́ ní i kərō rapáy . Kərō ní udə gír kāgə̄ kógə̄ḿ kə́ bo kə́ ta jīn gə̄ súndə̄n̄ naā ngá̰ý tə́. Ta jīn gə̄ ní əhɔn̄ dɔ Absalom adə̄ dɔn nga̰ā̰ mbo̰ō̰də́ tə́. Anī kərō rapáý ń Absalom ndi dɔ tə́ ní teē gírən tə́ aw̄ kɔ̄ɔ́, adə̄ Absalom naā ɓōdə̄ loo tə́ dɔɔ́ rənge.

2 SAMUEL 18:9 Referans Kwoze

2 SAMUEL 14:26

Ni a dəsā dɔn i ta ngó̰y ɓāl̄ tə́ kə dɔ ɓāl̄ gə̄. I dan ń nənga dɔn a ɔȳn ngá̰ý ní n a dəsā ní. Kɔȳ nənga dɔn tɔȳ kəlōo jōó kə gō yá̰a̰ mbɔ̄jə́ kɔȳ yá̰a̰ yā mbangāá.

Gōsə̄ najə̄ gə̄ 30:17

Ré deē kógə̄ḿ mbóo kə bɔbə̄neé ō, mbātə́ koō najə̄ ta kó̰o̰n ō anī, ká̰ā̰ gə̄ a tə́gān̄ kumən ō, kə̄rō gə̄ a əsan̄ kumən ō.

Makətūbə̄ yā Job 31:3

Nujə sák sák i tām̄ yā de kə́ nge rāā háĺ tə́ aĺ a? Kɔ́l a əsō i gō ngé rāā yá̰a̰ majaĺ gə̄ tə́ aĺ a?

GALATƏ 3:13

Dan ń Kərist tél de kə́ ndɔ̄ĺ i dɔn tə́ kum gotəjí ní, ni-ɔr̄jí kɔ̄ɔ́ gír ndɔ̄ĺ yā ndū najə̄ tə́. Tɔdɔ̄ i kə́ ndang na: Deē ń naānən̄ dɔɔ́ tū kāgə̄ tə́ ní, ndɔ̄ĺ i dɔn tə́.

MARK 7:10

Tɔdɔ̄ Moijə əda na kə ī-rɔȳ bɔbí ō, kó̰ó̰í ō, tá əda ɓáý to̰ na deē ń ndɔ̄ĺ bɔbə̄n aláa kó̰o̰n ɓáa, kə tɔ̄l̄nən̄ kɔ̄ɔ́.

JEREMI 48:44

Nge ka̰ȳ ta yá̰á̰ kə́ to ɓōĺ ngá̰ý tə́ a əsō kem bəlo kə́ bo tə́ ō, deē ń al̄ bəlo kə́ bo teē ní, réng a əhɔn ō. A̰á̰ā̰, m-ā m-ādə̄ yá̰á̰ kə́ tōr̄ a əsō dɔ Moab tə́ ɓāl̄ ń m-ā m-ādə̄ a ɔjəm̄neé gíŕ yá̰a̰ rāān gə̄ ní. Najə̄ ń Kɔ́ɔ̄ɓē əda ní n noó.

Gōsə̄ najə̄ gə̄ 20:20

Deē ń ndɔ̄ĺ bɔbə̄n aláa kó̰o̰n ní, hor lámba yān a oy kum loo kə́ risə til tə́.

2 SAMUEL 18:14

Joab əda deē ní na n-a n-udə yā ra kə̄ tan tə́ alé. Ni ɔy kāgə̄ kə́ ta katə gə̄ mətá, aw̄ tɔ́səń Absalom ń naā dɔɔ́ rənge ta jī kāgə̄ tə́ ba oy aĺ ɓáý ní dɔ kújə́ mósən tə́.

2 SAMUEL 17:23

Dan ń Ahitopel a̰a̰ kadə̄ de gə̄ tetən̄ rɔ̄də́ gō kɔjə̄ yān tə́ aĺ anī, əndā síŕdí gidə kərō yān tə́ ba ḭḭ dɔ tə́ aw̄ ɓēé. Ni ɔjə de kə́ ta kújə yān tə́ gə̄ yá̰a̰ gə̄ kə́ kadə̄ rāān̄ rāān̄, ba gō tə́ anī ənī kəlā oy kɔ̄ɔ́. Dubə̄nən̄ i kem bəlo ɓádə́ ń dubə̄n bɔbə̄n tū tə́ kété ní tə́.

NDŪ NAJƏ̄ 27:20

Deē ń ɓīī kə nə̄yá̰ bɔbə̄neé ní, ndɔ̄ĺ i dɔn tə́, tɔdɔ̄ un i kūbə̄ ń bɔbə̄n seĺ dɔ nə̄yá̰n tə́ ní kɔ̄ɔ́. Loo ń noō tə́ de gə̄ malang a ədan̄ na: A̰á̰ā̰ ādə̄ i tītə̄ ń noō.

NDŪ NAJƏ̄ 27:16

Deē ń kídə̄ bɔbə̄n ō, kó̰o̰n ō ní, ndɔ̄ĺ i dɔn tə́. Loo ń noō tə́ de gə̄ malang a ədan̄ na: A̰á̰ā̰ ādə̄ i tītə̄ ń noō.

NDŪ NAJƏ̄ 21:23

loo a tíbə dɔ nīnə́n tə́ alé. I gáŕ kadə̄ ī-dubə̄ kɔ̄ɔ́ ndɔ̄ nəkɔ́ ń noō tə́. Tɔdɔ̄ nīń kə́ beé i yá̰á̰ kə́ a ɔr ndɔ̄ĺ yā Nə́ɓā yā reēń dɔ ɓē tə́. Ī-lōō reē kə majaĺ dɔ ɓē ń Kɔ́ɔ̄ɓē Nə́ɓā yāí adī tə́ ní.

MATIYE 27:5

Judas ɓōkə́ nar ní kem kújə́ yā Kɔ́ɔ̄ɓē tə́, ba teē aw̄ ənī kəlā.

2 SAMUEL 13:29

Ngé kəla gə̄ rāān̄ yá̰á̰ ń Absalom ədadə́ ní, adə̄ nin̄ tɔ̄lə̄n̄ Amnon. Loo ń noō tə́ gotə ngán mban̄g gə̄ ḭḭn̄ dɔɔ́ malang. Nin̄ alə̄n̄ gidə kərō rapáy yādə́ gə̄ tə́ ba a̰ȳn̄ naā.

2 SAMUEL 18:8

Rɔ̄ ní i kə̄ loo gə̄ tə́ malang gō nang ngeé ń noō tə́. De gə̄ ń ku tɔ̄ldə́ ní kutədə́ tɔȳ de gə̄ ń oyn̄ yo kaskar ní.

2 SAMUEL 18:10

Deē kógə̄ḿ a̰a̰n anī aw̄ əda Joab na n-a̰a̰ Absalom na naā ta jī kāgə̄ kógə̄ḿ tə́ dɔɔ́ rənge.