2 SAMUEL 18:3 - Bibəl ta Sar̄

³ Banī áskar gə̄ ní tél ədanən̄ na: Ā āw̄ sejí ta rɔ̄ɔ̄ tə́ alé! Tɔdɔ̄ ré jḭḭ j-a̰ȳ naā anī, a usə madə̄ ba̰ā̰ gə̄ alé. Ká ré i núsə́jí n oy gə̄gē anī a usədə́ alé. Banī ḭ̄ kal kógə̄ḿ beē ī-rāā rɔ̄í i de kə́ dūbú kutə gə̄ tə́ danjí tə́. Adə̄ majə kadə̄ ī-ndi i kem ɓēé tá ī-dḭḭ̄ńjí.

Bible sar

³ Banī áskar gə̄ ní tél ədanən̄ na: Ā āw̄ sejí ta rɔ̄ɔ̄ tə́ alé! Tɔdɔ̄ ré jḭḭ j-a̰ȳ naā anī, a usə madə̄ ba̰ā̰ gə̄ alé. Ká ré i núsə́jí n oy gə̄gē anī a usədə́ alé. Banī ḭ̄ kal kógə̄ḿ beē ī-rāā rɔ̄í i de kə́ dūbú kutə gə̄ tə́ danjí tə́. Adə̄ majə kadə̄ ī-ndi i kem ɓēé tá ī-dḭḭ̄ńjí.

2 SAMUEL 18:3 Referans Kwoze

2 SAMUEL 21:17

Banī Abisai ń rī kó̰o̰n na i Seruya ní dḭḭ̄ mban̄g, adə̄ ni tɔ̄l̄ Pilistin ní. Loo ń noō tə́ áskar gə̄ ənīn̄ ndūdə́ adə̄n̄ Dabid ədan̄ na n-aw̄n̄ sedə́ ta rɔ̄ɔ̄ tə́ to̰ alé, tá kadə̄ ɓē ko̰o̰ udəń kɔ̄ɔ́ Israel tə́ alé.

JAKARI 13:7

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda wáńg ní n toó: Kaskar, ī-ndól̄ dɔ ɓīī tə́, ba ī-rɔ̄ɔ̄ nge kul̄ yá̰a̰ yāḿ, ī-rɔ̄ɔ̄ madə̄ taḿ ń əhɔ rɔ̄n tɔgə ngá̰ý ní. Ī-tɔ̄l̄ nge kul̄ yá̰a̰, loo ń noō tə́ batə̄ gə̄ a aw̄n̄ kə̄ loo gə̄ tə́ ō, yá̰a̰ kul̄ kə́ dūú gə̄ kə́ dan ɓūtə̄ yá̰a̰ kul̄ tə́ ní, m-ā m-ə̄nīdə́ rɔ̄ɔ̄ ō.

NŌŌ RƆ̄ 4:20

Mban̄g ń Kɔ́ɔ̄ɓē gə̄rān á i nge rāā kadə jə-ndiī kə kumjí ní ō, ni ń j-ɔrī najə̄ yān j-ədaī na: J-a jə-ndiī dan nápar de gə̄ tə́ gír ndílən tə́ ō ní, ni i kem kújə dəngáy yādə́ gə̄ kə́ gíŕ nángāá tə́.

1 MBAN̄G GƏ̄ 22:31

Banī mban̄g kə́ Aram tāā ngol ngé púsə rɔ̄ɔ̄ gə̄ ń nin̄ i deē kutə mətá gidə i jōó ní na kə lōōn̄ rɔ̄ɔ̄ áskar gə̄ ō, ngoldə́ gə̄ ō, ba kə sɔɔ̄n̄ dɔ mban̄g kə́ Israel tə́ nəkɔ́ tá ngóy.

2 SAMUEL 17:2

M-ā m̄-teē rɔ̄n tə́ i dan ń kɔr a rāān ní. M-ā m-ə́la ɓōĺ kemən tə́. De gə̄ ń dānə̄nən̄ ní a a̰ȳn̄ naā malang kɔ̄ɔ́. Adə̄ i nəkɔ́ kə kérneé n m-ā m̄-tɔ̄lən.

2 SAMUEL 10:11

Joab əda ngōkó̰o̰n na: Ré tɔ́gə Aram gə̄ tɔȳ yāḿ anī ī-reē ī-dḭḭ̄m̄, ba ré tɔ́gə Amon gə̄ tɔȳ yāí anī m-ā m-āw̄ yā dḭḭ̄ī ō.

1 SAMUEL 18:7

Dəyá̰ gə̄ ń a ndāmə̄n̄ naā ní unən̄ pā ədan̄ na: Saul tɔ̄l̄ madə̄ ba̰ā̰n gə̄ i dūbú ba Dabid tɔ̄l̄ i dūbú kutə.