2 SAMUEL 18:27 - Bibəl ta Sar̄

²⁷ Nge kum loo ní əda na n-ger̄ de kə́ ta kə̄ga dɔ ń a̰ȳ ngɔ̄də̄ a reē ní sɔɔ̄ń ngɔ̄də̄ yān. Deē ní na i Ahimas kə́ ngōn̄ Sadok. Anī mban̄g əda na: I de kə́ majə adə̄ a reē i kə najə̄ kə́ majaá.

Bible sar

²⁷ Nge kum loo ní əda na n-ger̄ de kə́ ta kə̄ga dɔ ń a̰ȳ ngɔ̄də̄ a reē ní sɔɔ̄ń ngɔ̄də̄ yān. Deē ní na i Ahimas kə́ ngōn̄ Sadok. Anī mban̄g əda na: I de kə́ majə adə̄ a reē i kə najə̄ kə́ majaá.

2 SAMUEL 18:27 Referans Kwoze

2 MBAN̄G 9:20

Nge kum̄ loo əda na: Nge kəla aw̄ ugə̄ rɔ̄də́ tə́ ba tél alé. Deē ń a reē ní, loo njə̄rā kə púsú yān i tītə̄ loo njə̄rā kə púsú yā Yehu ngōn̄ kaa Nimsi beé. Tɔdɔ̄ a reē i kə ngɔ̄də̄ kə́ to ɓōĺ ngá̰ý.

1 MBAN̄G GƏ̄ 1:42

A ɔr̄ najə̄ ɓáý anī, Jonatan kə́ ngōn̄ Abiatar nge tun̄ yá̰a̰ reē ugə̄. Adonia ədan na: Ī-reē kə̄ laā tɔdɔ̄ ḭ̄ i de kə́ ngáā, adə̄ ī-reē i kə najə̄ kə́ majaá yā kədají.

Makətūbə̄ ń Pol ndang adə̄ Rom gə̄ ní 10:15

Ré Nə́ɓā əla deē aĺ anī, loo kadə̄ deē a ɔjədə́ najə̄ yā Kɔ́ɔ̄ɓē i ba̰ý? Tɔdɔ̄ makətūbə̄ əda na: Ka̰a̰ ngé kəda najə̄ kə́ majə loo reē tə́ i yá̰á̰ kə́ majə ngá̰ý!

IJAI 52:7

Ka̰a̰ nge kəla kə́ nge reē kə najə̄ kə́ majaá loo reē tə́ dɔ mbal̄ gə̄ tə́ i yá̰á̰ kə́ to rɔ̄nel̄ ngá̰ý! Ni-əda najə̄ yā lɔm ō, kem majə ō, kajə ō. Ni ədaī ḭ̄ Jerusalem na: Nə́ɓā yāí i mban̄g.

Gōsə̄ najə̄ gə̄ 25:25

Najə̄ kə́ majə kə́ kḭḭ dɔ ɓē kə́ sa̰y tə́ to i tītə̄ man̄ kə́ sɔl̄ majə kə́ tām̄ yā de kə́ míndən tutə tə́.

Gōsə̄ najə̄ gə̄ 25:13

Ngōmbang kə́ əda kəla kə gōó to i tītə̄ kɔ̄sə̄ kə́ sɔl̄ majə ngā nəngaá nāā sāā kōō gə̄ tə́, ni sɔl̄ majə tām̄ yā deē ń əlan tə́ ní: Ni-adə̄n tɔ́gə.

2 SAMUEL 18:26

nge kum loo ní a̰a̰ de kə́ rang kə́ a a̰ȳ ngɔ̄də̄ a reē ɓáý to̰. Ni-əga kɔŕ ədań nge ra ta róbə ndogə̄ tə́ na: De kə́ rang kə́ kə kérneé a a̰ȳ ngɔ̄də̄ a reē noō ɓáý to̰. Anī mban̄g əda na: Nge ń noō a reē i kə najə̄ kə́ majaá ō.