2 SAMUEL 18:22 - Bibəl ta Sar̄

²² Ahimas kə́ ngōn̄ Sadok tél əda Joab ɓáý to̰ na ká i rí n a rāā yā rāań yá̰a̰ gə̄gē anī, ə́ya̰m̄ ādə̄ m-ā̰ȳ ngɔ̄də̄ m-āw̄ gō de kə́ Kus ń toō tə́. Banī Joab dəjen na: Ngōnə̄ḿ, najə̄ kə́ majə kə́ yā kadə̄ ə́ngé yá̰á̰ gírí gətóo, ba ī-sāā ka̰ȳ ngɔ̄də̄ i tām̄ yā rí tə́?

Bible sar

²² Ahimas kə́ ngōn̄ Sadok tél əda Joab ɓáý to̰ na ká i rí n a rāā yā rāań yá̰a̰ gə̄gē anī, ə́ya̰m̄ ādə̄ m-ā̰ȳ ngɔ̄də̄ m-āw̄ gō de kə́ *Kus ń toō tə́. Banī Joab dəjen na: Ngōnə̄ḿ, najə̄ kə́ majə kə́ yā kadə̄ ə́ngé yá̰á̰ gírí gətóo, ba ī-sāā ka̰ȳ ngɔ̄də̄ i tām̄ yā rí tə́?

2 SAMUEL 18:22 Referans Kwoze

EPEJƏ 5:4

Ɔ̄rī najə̄ kə́ to rɔ̄sɔl̄ gə̄ aĺ ō, kə́ to ngonjə̄ gə̄ aĺ ō, ī-tāmī mbóo aĺ ō. Najə̄ gə̄ ń noō i najə̄ kə́ majə gə̄ alé. Majə kadə̄ ī-ndadī i Nə́ɓā tá.

Makətūbə̄ ń Pol ndang adə̄ Rom gə̄ ní 1:28

Dan ń nin̄-mbātə́n̄ ger̄ Nə́ɓā ní, Nə́ɓā əya̰də́ kə ger̄ yá̰a̰ aĺ yādə́ adə̄ nin̄-rāān̄ yá̰á̰ ń sɔɔ̄ kadə̄ nin̄-rāān̄ aĺ ní.

2 SAMUEL 18:21

Gō tə́ anī Joab əda deē kógə̄ḿ kə́ Kus na: Ḭ̄, yá̰á̰ ń á̰a̰ā̰ ní āw̄ ə́da mban̄g. De kə́ Kus ní əsō ɔsə non nang tə́ no Joab tə́ ba a̰ȳ ngɔ̄də̄ aw̄.

2 SAMUEL 18:23

Ahimas tél əda ɓáý to̰ na: Ká i rí n a rāā yā rāań yá̰a̰ gə̄gē anī, usəm̄ alé, m-a m-ā̰ȳ ngɔ̄də̄ yā kaw̄. Joab ədan na majə kə aw̄ tā. Ahimas un róbə́ kə́ teē ndágə̄ mbō kə́ Jurdḛ tə́ kə ngɔ̄dɔ̄ɔ́, adə̄ ni mān̄ no de kə́ Kus ní.

2 SAMUEL 18:29

Mban̄g dəje Ahimas na ké ngōnən Absalom to karī wa. Anī Ahimas tél ədan na: Kum mbang ń Joab əlań nge kəla yāí kə́ rang tə́ ō, əlamə̄ń tə́ ō ní, m-á̰a̰ kadə̄ de gə̄ a̰a̰n̄ yiw yiw ngá̰ý, ba m̄-ger̄ yá̰á̰ ń rāā yá̰á̰ ní alé.

1 MBAN̄G GƏ̄ 11:22

Anī Parao̰ tél dəjen na ké ndi rɔ̄n tə́ ní ké nal̄ i rí wa. Ké sāā tél kaw̄ gogə́ dɔ nang yān tə́ ní ké i tām̄ rí tə́ wa. Anī Hadad tél əda Parao̰ na n-nal̄ yá̰á̰ kógə̄ḿ alé ɓá tā ba kə əya̰n kadə̄ kə n-aw̄ nəkɔ́.