2 SAMUEL 18:2 - Bibəl ta Sar̄

² Dabid kēgə̄ áskar gə̄ naā tə́ gír loo mətá: Kə́rēý gə̄ i jī Joab kə́ ngōn̄ Seruya tə́ ō, ngé kə́rēý gə̄ i jī Abisai kə́ ngōkó̰o̰ Joab tə́ ō, gotə gə̄ i jī Itai ń i de kə́ Gat ní tə́ ō. Gō tə́ anī mban̄g əda áskar gə̄ ní na nəkɔ́ n-a n-aw̄ rɔ̄ɔ̄ tə́ sedə́ ō.

Bible sar

² Dabid kēgə̄ áskar gə̄ naā tə́ gír loo mətá: Kə́rēý gə̄ i jī Joab kə́ ngōn̄ Seruya tə́ ō, ngé kə́rēý gə̄ i jī Abisai kə́ ngōkó̰o̰ Joab tə́ ō, gotə gə̄ i jī Itai ń i de kə́ Gat ní tə́ ō. Gō tə́ anī mban̄g əda áskar gə̄ ní na nəkɔ́ n-a n-aw̄ rɔ̄ɔ̄ tə́ sedə́ ō.

2 SAMUEL 18:2 Referans Kwoze

NGÉ SARYA 7:16

Jedeo̰ kə̄gə̄ de kə́ ɓú mətá gə̄ ní gír loo mətá. Adə̄də́ tōw̄ gə̄ ō, jóó kə́ kem karī gə̄ ō, hor ngel̄ kə́ yā tə́la kem jóo gə̄ ní tə́ ō malang.

PĀ GƏ̄ 3:6

m̄-to kə̄ nang tə́ ō m̄-ɓīī ō. m̄-ndól̄ anī m-á̰a̰ kadə̄ tɔ́gə́ḿ i Kɔ́ɔ̄ɓē.

2 SAMUEL 17:11

Adə̄ gír̄ yāḿ mā n toó: Ɔ́ý ngé rɔ̄ɔ̄ gə̄ kə́ Israel tə́ malang, ə́lá gír Dan bátə́ Beer Seba, ādə̄ kutədə́ asən̄ naā kə kutə nán̄g ngárə̄ḿnjēý kə́ ta bā tə́ ō, īkɔ́ āw̄ sedə́ ta rɔ̄ɔ̄ tə́ ō.

1 SAMUEL 11:11

Teē kə kōŕneé anī Saul kēgə̄ ngé rɔ̄ɔ̄ yān gə̄ gír loo mətá adə̄ udən̄ kem gérger yā madə̄ ba̰ā̰də́ gə̄ tə́ pá tá loo tīī. Tɔ̄lə̄n̄ Amon gə̄ bátə́ dan kadaá. Ngé gə̄ ń oyn̄ aĺ ní tḭ̄ḭ̄n̄ naā kógə̄ḿ kógə̄ḿ malang adə̄ de kə́ əhɔn̄ naā jōó gətóo.

NGÉ SARYA 9:43

Ɓáa ni-ḭḭ dɔɔ́ ɔy deē yān gə̄, kēgə̄də́ gír loo mətá, ba aw̄ ɓɔ̄ɔ̄ rɔ̄n bembeé. Dan ń a̰a̰ de gə̄ a teēn̄ kem ɓēé kə̄ ndágá anī, teē sedə́ tétə́ gēé ba ənīdə́ rɔ̄ɔ̄.

NGÉ SARYA 7:19

Jedeo̰ nin̄ kə de kə́ ɓú gə̄ ń i seneé ní reē ugə̄n̄ kadə gérger tə́ i ta kəla gír ngɔ̄m̄ loo kə́ dan ndɔ̄ tɔyɔ́ tə́. Ngé ngɔ̄m̄ loo gə̄ mbélə̄n̄ gír naā i ngɔr ɓáý. Jedeo̰ nin̄ kə de gə̄ ń seneé ní kɔ̄rə́n̄ tōw̄ ō, tɔ̄ɔ̄n̄ jóo gə̄ ń ətōn̄ ní ō.

2 SAMUEL 23:18

Abisai kə́ ngōkó̰o̰ Joab i ngōn̄ Seruya. Ni i ngol ngé rɔ̄ɔ̄ gə̄ kə́ nin̄ i kutə mətá kem ɓūtə̄ yādə́ tə́. Ndɔ̄ kógə̄ḿ tə́ anī, ni tɔ̄l̄ madə̄ ba̰ā̰ gə̄ ɓú mətá kə nənga yānneé, adə̄ rīn ɓār̄ dan ngé rɔ̄ɔ̄ kə́ kutə mətá gə̄ tə́.

1 MBAN̄G GƏ̄ 2:28

Najə̄ ní əsō mbī Joab tə́, tām̄ kété Joab ndigə i najə̄ yā Adonia, ba i Absalom n ni ndigə najə̄ yān aĺ ní, adə̄ ni-aw̄ ɓɔ̄ɔ̄ rɔ̄n kem kújə tandā yā Kɔ́ɔ̄ɓē tə́, ba nam̄ gajə kə́ dɔ loo tun̄ yá̰á̰ tə́.

2 SAMUEL 8:16

Ngol ngé rɔ̄ɔ̄ gə̄ i Joab ngōn̄ Seruya. Kɔdə̄ mbēr̄ yā mban̄g i Yosapat ngōn̄ Ahilud.

2 SAMUEL 21:17

Banī Abisai ń rī kó̰o̰n na i Seruya ní dḭḭ̄ mban̄g, adə̄ ni tɔ̄l̄ Pilistin ní. Loo ń noō tə́ áskar gə̄ ənīn̄ ndūdə́ adə̄n̄ Dabid ədan̄ na n-aw̄n̄ sedə́ ta rɔ̄ɔ̄ tə́ to̰ alé, tá kadə̄ ɓē ko̰o̰ udəń kɔ̄ɔ́ Israel tə́ alé.