2 SAMUEL 18:18 - Bibəl ta Sar̄

¹⁸ Dan ń Absalom ndi kə kumneé ɓáý ní, adə̄ udən̄ mbal̄ kə nja dɔɔ́ kum wól yā mban̄g tə́. Tɔdɔ̄ ni gír̄ kemən tə́ na ngōn̄ kemən na gətóo adə̄ rīn na a to ta kaw̄ jóo alé. Ni əndā rīn dɔ mbal̄ kə́ kudə kə nja dɔɔ́ ní tə́. Ɓōólaā gə̄gē a ɓārə́n̄ mbal̄ ní na i yá̰a̰ kəga kem dɔ Absalom tə́.

Bible sar

¹⁸ Dan ń Absalom ndi kə kumneé ɓáý ní, adə̄ udən̄ mbal̄ kə nja dɔɔ́ kum wól yā mban̄g tə́. Tɔdɔ̄ ni gír̄ kemən tə́ na ngōn̄ kemən na gətóo adə̄ rīn na a to ta kaw̄ jóo alé. Ni əndā rīn dɔ mbal̄ kə́ kudə kə nja dɔɔ́ ní tə́. Ɓōólaā gə̄gē a ɓārə́n̄ mbal̄ ní na i yá̰a̰ kəga kem dɔ Absalom tə́.

2 SAMUEL 18:18 Referans Kwoze

DANIEL 4:30

Yá̰á̰ ní rāā mban̄g Nabukodonosor kə̄ ta jī tə́ noō: Tə̄ɓānən̄ kɔ̄ɔ́ dan de gə̄ tə́ ni a ə́sa i mu tītə̄ yā man̄g gə̄ ō, tal kə́ dɔ rā̰ tə́ əhɔ dɔ dā̰ rɔ̄n tə́ ō. Nənga dɔn ngāl̄ asə kə bel̄ kə̄rōó ō, hēl̄ jīn gə̄ kə hēl̄ njan gə̄ ngālə̄n̄ tītə̄ yā yel̄ gə̄ ō.

2 SAMUEL 14:27

Ngán Absalom kə́ dəngam gə̄ i mətá ō, ngōnən kə́ dəyá̰ i kógə̄ḿ ō. Nge kə́ dəyá̰ ní rīn na i Tamar. Ni mandə ngá̰ý.

1 SAMUEL 15:12

Ni-teē kə gír looí ɓatə aw̄ kənge Saul tə́, anī de gə̄ ədanən̄ na Saul na aw̄ Karmel kudə mbal̄ kə́ kadə̄ əgań kem de gə̄ dɔn tə́ tə́, ba na tél dɔ tə́ na aw̄ Gilgal kɔ̄ɔ́.

TA KƏLA 14:17

Dan ń Abəram tetə Kedor Laomer nin̄ kə mban̄g madə̄n gə̄ rɔ̄ɔ̄ ba a tél kum kə̄ ɓēé ní a, mban̄g kə́ Sodom teē tə́nī tan wól loo kə́ Sabe tə́ ń a ɓārə́n̄ na i wól loo yā mban̄g ní.

PĀ GƏ̄ 109:13

Ādə̄ tɔ̄lə̄n̄ ngánən gə̄ ō, ngán kaan gə̄ ō, kɔ̄ɔ́ malang. De kə́ gogə́ gə̄ ń a ojən̄də́ ní, ādə̄ rīn gətóo dandə́ tə́!

PĀ GƏ̄ 49:11

Tá de gə̄ a̰a̰n̄ de kə́ ngáā gə̄ loo koy tə́ kə de kə́ mbóó ngá̰ý ō, kə de kə́ ger̄ najə̄ aĺ ō. Nin̄ oyn̄ ba əya̰n̄ yá̰a̰ kənge yādə́ gə̄ adə̄n̄ de kə́ rang gə̄.

TA KƏLA 11:9

I tām̄ najə̄ ń noō tə́ n əndānəń rī ɓē ní na i Babel ní. Tɔdɔ̄ Kɔ́ɔ̄ɓē tə́la ta yā de kə́ dɔ nang tə́ gə̄ malang naā tə́ i loo ń noō tə́ ō, ni tə̄ndā tḭ̄ḭ̄də́ kə̄ loo gə̄ tə́ dɔ nang tə́ malang i loo ń noō tə́ ō.

TA KƏLA 11:4

Gō tə́ anī ədan̄ naā ɓáý to̰ na kə n-rāān̄ ɓē bo kógə̄ḿ ō, kújə́ kə́ ngāl̄ ɓururu kə́ dɔn ɔdə no rā̰ ō, kadə̄ rīdə́ kə ɓārəń ō, kə n-tə̄ndānəń naā kə n-tḭ̄ḭ̄n̄ kə̄ loo gə̄ tə́ dɔ nang tə́ aĺ ō.

JEREMI 22:30

Kɔ́ɔ̄ɓē ɔr̄ najə̄ i tītə̄ ń toō: Ī-ndangiī najə̄ kə́ dɔ deē ń toō tə́! I de kə́ nujə kɔ̄ɔ́. I ngōn̄ kə́ dəngam kə́ kəla rāān teēn yá̰á̰ tə́ aĺ bátə́ dan ń ndiń kə kumneé ní. Dan ngán kaaí gə̄ tə́ ní, nge kə́ kal kógə̄ḿ kə́ a asə ndi dɔ kōr̄ kāgə̄ mbang yā Dabid tə́ ō, kə́ a asə ko̰o̰ ɓē dɔ Juda tə́ ō ní gətóo.

TƏ́DA 32:42

Noba aw̄ taā ɓē kə́ Kenat kə ngán ɓē kə́ kadə tə́ gə̄ ba əndā rīn nəkɔ́ dɔ tə́ na i Noba.

IJAI 22:16

Ādə̄ ndērə̄n̄ bəlo dubīí loo ń toō tə́ laā, ādə̄ tə́gān̄ bəlo ní kum kə̄ dɔɔ́, ī-ndēr̄ loo kɔr̄ koō kə́ tām̄ yāí tə́ kem mbal̄ tə́. Ba yá̰a̰ yāí kə́ laā i rí? Ngééí gə̄ i laā a?