2 SAMUEL 17:8 - Bibəl ta Sar̄

⁸ Īkɔ́ ī-ger̄ bɔbí ō, deē yān gə̄ ō majə. Nin̄ i go̰ rɔ̄ɔ̄ gə̄ malang, tá wōn̄g rāādə́ tītə̄ dā̰ úrsə kə́ tḭ̄ḭ̄ ta ngōnən bembeé beé. Bɔbí i nge rɔ̄ɔ̄ adə̄ a to kə gotə de gēé alé.

Bible sar

⁸ Īkɔ́ ī-ger̄ bɔbí ō, deē yān gə̄ ō majə. Nin̄ i go̰ rɔ̄ɔ̄ gə̄ malang, tá wōn̄g rāādə́ tītə̄ dā̰ úrsə kə́ tḭ̄ḭ̄ ta ngōnən bembeé beé. Bɔbí i nge rɔ̄ɔ̄ adə̄ a to kə gotə de gēé alé.

2 SAMUEL 17:8 Referans Kwoze

OJEE 13:8

m̄-teē dɔsí tə́ i tītə̄ dā̰ úrsə. kə́ deē ɔy ngánən gə̄ kɔ̄ɔ́ beē. m̄-rə́yā̰ ngɔgərɔsí naā tə́. M-ə́sásí tītə̄ ɓɔl kə́ dəyá̰ kə́ a əsa yá̰a̰ beé ō, dā̰ kə́ bembeé gə̄ a gángə̄n̄sí naā tə́ bét bét ō.

1 SAMUEL 16:18

Anī nge kəla kógə̄ḿ əda na: J-ədaī kə̄ laā aĺ ní m̄-ger̄ deē kógə̄ḿ noō, deē ní i ngōn̄ Jese kə́ Betlehem. Ni i gōsə̄ kə́ ugə kənde majə ngá̰ý. I de kə́ nge wur kil ō, go̰ rɔ̄ɔ̄ ō. Najə̄ kɔrə̄n to ngáā ō, i de kə́ majə deē ō, Kɔ́ɔ̄ɓē i naā tə́ seneé ō.

DANIEL 7:5

Dā̰ kə́ nge ko̰ jōó to tītə̄ dā̰ úrsə. Ni-ɔr̄ tan dɔɔ́ sḛ́ý beē ō, əhɔ kə̄ngā nganjə yá̰a̰ gə̄ mətá tan tə́ kə ngāngəneé ō. Ədanən̄ na kə ḭḭ kə əsa dā̰ ngá̰ý!

Gōsə̄ najə̄ gə̄ 17:12

Kəsō ta kó̰o̰ dā̰ úrsə kə́ ɔyn̄ ngánən gə̄ kɔ̄ɔ́ tə́ i só tə́ tɔȳ kəsō ta de kə́ mbóó kə́ kɔ̄r̄ yān gə̄ ḭḭn seneé tə́.

Gōsə̄ najə̄ gə̄ 28:15

De kə́ nge kem ndul kə́ ndi dɔ gír de kə́ ngé ndoō gə̄ tə́ to i tītə̄ ɓɔl kə́ a nōō ō, dā̰ úrsə kə́ a ḭḭ bal ō.

2 MBAN̄G 2:24

Anī ni mbel a̰a̰də́ ba ndɔ̄ĺdə́ kə rī Kɔ́ɔ̄ɓēé. Loo ń noō tə́ dā̰ úrsə gə̄ jōó teēn̄ kem ku kāgə̄ gə̄ tə́ əhɔn̄ ngán gə̄ ní kutə sɔ́ gidə i jōó, rə́yā̰n̄də́ naā tə́.

2 SAMUEL 23:18

Abisai kə́ ngōkó̰o̰ Joab i ngōn̄ Seruya. Ni i ngol ngé rɔ̄ɔ̄ gə̄ kə́ nin̄ i kutə mətá kem ɓūtə̄ yādə́ tə́. Ndɔ̄ kógə̄ḿ tə́ anī, ni tɔ̄l̄ madə̄ ba̰ā̰ gə̄ ɓú mətá kə nənga yānneé, adə̄ rīn ɓār̄ dan ngé rɔ̄ɔ̄ kə́ kutə mətá gə̄ tə́.

2 SAMUEL 23:16

Anī ngé rɔ̄ɔ̄ kə́ mətá gə̄ ní udən̄ kem gérger yā Pilistin gə̄ tə́ ba ɔdən̄ man̄ kə́ kem bəlo taā man̄ ndi kə́ ta róbə́ kə́ yā kudəń kə̄ kem ɓē kə́ Betlehem tə́ ní reēn̄neé adə̄nən̄. Ba Dabid mbātə́ ka̰ȳ man̄ ní. Ni ɓōkə́ nang tə́ ndējə̄ Kɔ́ɔ̄ɓē

2 SAMUEL 15:18

Ngé kəla yān gə̄ malang mānə̄n̄ ta kumən tə́: Kereti gə̄ ō, Peleti gə̄ ō, Gat kə́ ɓú mehḛ́ gə̄ ń reēn̄ gōn tə́ ní ō. Nin̄ malang mānə̄n̄ ta kum mban̄g tə́.

1 SAMUEL 23:23

Āwī á̰a̰ī loo gə̄ ń a ɓɔ̄ɔ̄ rɔ̄n tū tə́ ní malang. Ré ī-gerī kə gōó majanī ī-tél ī-reē ɔ́jəmī. Loo ń noō tə́ m-ā m-āw̄ sesí. Ré ni i dɔ nang ń noō tə́ anī m-ā m̄-sāān dan gír kojə yā Juda gə̄ tə́ malang yā teē dɔn tə́.

1 SAMUEL 17:50

Dabid tetə Goliat rɔ̄ɔ̄ i kanjə̄ kaskar jīn tə́. Ni-tetən rɔ̄ɔ̄ i kə bējēé ō, kə kɔkərɔɔ́ ō. Ni-ənda Pilistin ní tɔ̄lən i tītə̄ ń noō.

NGÉ SARYA 18:25

Nin̄ tél ədanən̄ na: Ādə̄ deē oō kōōí to̰ alé. Na sōgə́ wōn̄g rāā de kə́rēý gə̄ anī a rɔ̄ɔ̄n̄sí. Loo ń noō tə́ ā ī-tḭ̄ḭ̄ ta rɔ̄í ō, ā ī-tḭ̄ḭ̄ ta de gə̄ kə́ kem kújə yāí tə́ gə̄ ō.

2 SAMUEL 17:9

N toō ni ɓɔ̄ɔ̄ rɔ̄n kɔ̄ɔ́ kem bəlo mbal̄ kə́rēý tə́, aláa ni i loo kə́rēý tə́. Adə̄ ré deē yājí gə̄ oyn̄ ta kəla gír rɔ̄ɔ̄ tə́ anī, de gə̄ a oōn̄ i láẃ ngá̰ý ō, a ədan̄ na de gə̄ na oyn̄ dan de gə̄ ń unən gō Absalom tə́ ní ō.

EJEKIEL 19:2

Kété ní, kó̰ó̰sí i ɓɔl kə́ dəyá̰ dan ɓɔl kə́ rang gə̄ tə́. Ni to i dan ngán ɓɔl gə̄ tə́. Ni-ul̄ ngánən gə̄.