2 SAMUEL 17:14 - Bibəl ta Sar̄

¹⁴ Absalom ō, de kə́ dəngam gə̄ kə́ Israel tə́ ō, ədan̄ na: Kɔjə̄ ń Husai adə̄ ní majə tɔȳ yā Ahitopel. Tɔdɔ̄ Kɔ́ɔ̄ɓē ndigə rāā kadə̄ kɔjə̄ kə́ majə yā Ahitopel to karī kɔ̄ɔ́, yā rāań kadə̄ yá̰á̰ kə́ to kum kaȳ aĺ əsō dɔ Absalom tə́.

Bible sar

¹⁴ Absalom ō, de kə́ dəngam gə̄ kə́ Israel tə́ ō, ədan̄ na: Kɔjə̄ ń Husai adə̄ ní majə tɔȳ yā Ahitopel. Tɔdɔ̄ Kɔ́ɔ̄ɓē ndigə rāā kadə̄ kɔjə̄ kə́ majə yā Ahitopel to karī kɔ̄ɔ́, yā rāań kadə̄ yá̰á̰ kə́ to kum kaȳ aĺ əsō dɔ Absalom tə́.

2 SAMUEL 17:14 Referans Kwoze

2 SAMUEL 15:34

Ba ré ī-tél āw̄ gogə́ kem ɓēé ba ə́da Absalom na: Kɔ́ɔ̄ ɓē gə̄, mā i nge kəla yāí. Kété m̄-rāā kəla m-ādə̄ bɔbí, banī ngɔlaā mā i nge kəla yāí. Anī ā ə́nge ta róbə bā ta kɔjə̄ gə̄ yā Ahitopel yā rāań seḿ.

IJAI 8:10

Ī-númī yá̰á̰ kə́ yā rāā gə̄ tā a nujənə̄ń kɔ̄ɔ́. Ī-tɔ́tī naā dɔ loo rāān yāsí gə̄ tə́ tā a to alé. Ɔ̄rī najə̄ kə́ sɔɔ̄ dɔ yá̰á̰ kə́ yā rāā ba najə̄ kɔr̄sí ní a udə gírí alé. Tɔdɔ̄ Nə́ɓā i naā tə́ sejí.

Gōsə̄ najə̄ gə̄ 21:30

Kum kedə̄ yā deē, aláa ger̄ najə̄ yā deē, aláa najə̄ kə́ gír̄ yā de kə́ tetə Kɔ́ɔ̄ɓē rɔ̄ɔ̄ gətóo.

Gōsə̄ najə̄ gə̄ 19:21

Yá̰a̰ gə̄ ń deē núm̄ kemən tə́ yā rāā ní i ngá̰ý, banī i yá̰á̰ ń kem Kɔ́ɔ̄ɓē gḛy rāā ní ngóy n a udə gírí ní.

2 SAMUEL 15:31

Reē ədan̄ Dabid na Ahitopel i dan ngé koō naā gə̄ tə́, adə̄ ni na i gō Absalom tə́. Anī Dabid əda na: m̄-rāāī ɓɔ́ Kɔ́ɔ̄ɓē, ī-rāā ādə̄ kɔjə̄ yā Ahitopel tél kɔjə̄ kə́ to mbóo ro karī.

1 KORḚNTƏ 3:19

Tɔdɔ̄ kum kedə̄ yā de kə́ dɔ nang tə́ laā gə̄ i yá̰á̰ kə́ to mbóo ta kum Nə́ɓā tə́. Tām̄ ndangən̄ kem makətūbə̄ yā Nə́ɓā tə́ na: Nə́ɓā əhɔ ngé kum kedə̄ gə̄ kə ngam yādə́ nin̄ kɔ́ gɔ̄ɔ́.

Najə̄ kə́ Majə yā Jeju ń Luk ndang ní 16:8

Anī kɔ́ɔ̄ nge kəla kə́ sew aĺ ngeé ń toō tɔ̄yn, tɔdɔ̄ ni-rāā yá̰a̰ yān ní i kə kum kedēé ngá̰ý. Tām̄ ngáń kə́ dɔ nang tə́ laā gə̄ ní, kumdə́ edə̄ kə madə̄də́ gēé mān̄ yā ngán kə́ kum loo kə́ unjə̄ kow tə́ gə̄.

NŌŌ RƆ̄ 3:37

I náā n ɔr̄ najə̄ anī, yá̰a̰ rāā yá̰á̰ ní? Kɔ́ɔ̄ɓē i nge ń adə̄ ndūn ní aĺ a?

2 SAMUEL 16:23

Dan ń noō tə́ ní de gə̄ a oōn̄ kɔjə̄ yā Ahitopel i tītə̄ loo koō najə̄ kə́ teē ta Nə́ɓā tə́ beē. Dabid ō, Absalom ō, a oōn̄ kɔjə̄ yān gə̄ malang ń a adə̄ ní i tītə̄ ń noō ō.

TA KƏLA 32:28

Deē ní dəjen na ké rīn na i rí wa. Anī Jakob tél ədan na rīn na i Jakob.

AMOS 9:3

Ré nin̄ aw̄ ɓɔ̄ɔ̄n̄ rɔ̄də́ dɔ mbal̄ Karmel tə́ anī, m-ā m-āw̄ yā sāādə́ ba kɔydə́. Ré nin̄ ndigən̄ kadə̄ m-á̰á̰də́ alé, adə̄ aw̄n̄ gír bā bo tə́ anī, m-ā m-ə́da lī kə́ kum bā bo tə́ kadə̄ do̰o̰də́.

PĀ GƏ̄ 9:16

Nápar de kə́ rang gə̄ əsōn̄ kem bəlo ń nin̄ kɔ́ gə̄ ndērə̄n̄ tə́ ní, əlan̄ njadə́ kum gūmbə̄ ń nin̄ kɔ́ gə̄ əyān̄ ní tə́.

2 YÁ̰A̰ GƏ̄ 25:20

Banī Amasia oō najə̄ yān alé. Nə́ɓā gḛy kadə̄ Amasia nin̄ kə ngé rɔ̄ɔ̄ yān gēé gətóon̄ kɔ̄ɔ́ i tām̄ tūr̄ kə́ nin̄ tūrə̄n̄ rɔ̄də́ kə̄ rɔ̄ nə́ɓā gə̄ yā Edom gə̄ tə́.

2 YÁ̰A̰ GƏ̄ 25:16

Dan ń a əda Amasia najə̄ ń noō ɓáý anī Amasia dəjen na ké əndānən̄ nge kadə̄ mban̄g kɔjə̄ wa. Ré gḛy kadə̄ əndanən̄ aĺ ɓáa kə lōō kaw̄ kə najə̄ ní kə̄ kété. Nge koō ta aw̄ kə najə̄ ní kə̄ kété to̰ alé banī əda na: Mā m̄-ger̄ kadə̄ Nə́ɓā gḛy rāā kadə̄ óy kɔ̄ɔ́ tām̄ ḭ̄ ī-rāā yá̰á̰ ń noō ō, ōō najə̄ yāḿ aĺ ō.

NDŪ NAJƏ̄ 2:30

Banī Sihon mban̄g kə́ Hesəbon ɔgə̄jí mān̄ dɔ nang yān tə́. I Kɔ́ɔ̄ɓē Nə́ɓā yāsí n rāā adə̄ kemən ngan̄g, yā kadə̄ ī-taāīneé dɔ nang yān ndɔ̄ ń noō tə́ ní.

Teē Ngán Israel gə̄ 9:16

Banī n-əya̰ī ādə̄ ī-ndi kə kumií i yā kadə̄ n-ɔjiīń tɔ́gən ō, kadə̄ rīn ɓārəń dɔ nang tə́ laā malang ō.

2 YÁ̰A̰ GƏ̄ 10:8

Banī Roboam əya̰ kɔjə̄ yā kum kɔɔ̄ gə̄ ń adə̄nən̄ ní kɔ̄ɔ́. Ni-dəje balsáa madə̄n gə̄ ń tɔgən̄ naā tə́ ō, a rāān̄ kəla yān ō ní kɔjə̄.

NEHEMI 4:15

Dan ń jə-ra j-a jə-rāā kəla ní, deē yājí kə́rēý gə̄ ran̄ i kə nənga gēé jīdə́ tə́. J-əla gír rāā kəla i dan ń ta gír loo unjə̄ wororo ní. Jə-rāā bátə́ kadə̄ tə́yō̰ gə̄ ndangən̄ ngururu dɔjí tə́.

PĀ GƏ̄ 9:15

Loo ń noō tə́ m-ā m̄-tə́dá yá̰a̰ malang ń ndḛḛ̄ kadə̄ m̄-ɓōkíī tɔ̄ȳ ní dan ngé kán naā gə̄ kə́ Siyo̰ tə́ rang ɓáý ō, m-ā m̄-rāā rɔ̄nelí ḭ̄ nge kajəḿ ō.

JOJUE 11:20

Tɔdɔ̄ Kɔ́ɔ̄ɓē rāā adə̄ kemdə́ ngan̄g ngóróró yā kadə̄ nin̄-dum̄nəń naā ba rɔ̄ɔ̄nneé ngán Israel gə̄, yā kadə̄ ngán Israel gə̄ bāān̄neé dɔdə́ adə̄n̄ Nə́ɓā kanjə̄ ka̰a̰ kum tó ndoō yādə́ ba tɔ̄l̄nəńdə́ kɔ̄ɔ́ malang tītə̄ ń Kɔ́ɔ̄ɓē nəkɔ́ ədań Moijə ní.

2 YÁ̰A̰ GƏ̄ 10:15

Adə̄ mban̄g oō najə̄ yā kósə de gə̄ alé. Ba i ta róbə́ ń noō n Nə́ɓā un rāań yá̰á̰ ń Kɔ́ɔ̄ɓē əndā ta Ahia kə́ Silo tə́ adə̄ əda Jeroboam kə́ ngōn̄ Nebat ní.

Makətūbə̄ yā Job 12:17

Ni-rāā ngé ger̄ yá̰á̰ ngá̰ý gə̄ adə̄ tāmə̄n̄ mbitə mbitə ō, rāā adə̄ kur̄ dɔ ngé gān̄g sarya gə̄ ndi majaĺ aĺ ō.