2 SAMUEL 17:11 - Bibəl ta Sar̄

¹¹ Adə̄ gír̄ yāḿ mā n toó: Ɔ́ý ngé rɔ̄ɔ̄ gə̄ kə́ Israel tə́ malang, ə́lá gír Dan bátə́ Beer Seba, ādə̄ kutədə́ asən̄ naā kə kutə nán̄g ngárə̄ḿnjēý kə́ ta bā tə́ ō, īkɔ́ āw̄ sedə́ ta rɔ̄ɔ̄ tə́ ō.

Bible sar

¹¹ Adə̄ gír̄ yāḿ mā n toó: Ɔ́ý ngé rɔ̄ɔ̄ gə̄ kə́ *Israel tə́ malang, ə́lá gír Dan bátə́ Beer Seba, ādə̄ kutədə́ asən̄ naā kə kutə nán̄g ngárə̄ḿnjēý kə́ ta bā tə́ ō, īkɔ́ āw̄ sedə́ ta rɔ̄ɔ̄ tə́ ō.

2 SAMUEL 17:11 Referans Kwoze

PĀ GƏ̄ 9:16

Nápar de kə́ rang gə̄ əsōn̄ kem bəlo ń nin̄ kɔ́ gə̄ ndērə̄n̄ tə́ ní, əlan̄ njadə́ kum gūmbə̄ ń nin̄ kɔ́ gə̄ əyān̄ ní tə́.

NGÉ SARYA 20:1

Ngán Israel gə̄ malang teēn̄ gidə kógə̄ḿ kánə̄n̄ naā ta kum Kɔ́ɔ̄ɓē tə́ kem ɓē kə́ Misəpa tə́. Ḭḭn̄ i kə̄ dɔ ɓē yādə́ gə̄ tə́ malang n reēn̄ ní. Ḭḭn̄ i ɓē gə̄ ń əla gír Dan bátə́ teēń Beer Seba ní ō, ḭḭn̄ i dɔ nang kə́ Galaad tə́ ō.

JOJUE 11:4

Adə̄ mban̄g gə̄ teēn̄ kə ɓūtə̄ ngé rɔ̄ɔ̄ yādə́ gēé malang. I kósə de kə́ dum̄ tə́da, tām̄ nin̄ ton̄ tītə̄ kum nán̄g ngárə̄ḿnjēý. Sə́nda yādə́ gə̄ i ngá̰ý ō, púsə́ sə́nda yādə́ i ngá̰ý ō.

1 MBAN̄G GƏ̄ 20:10

Ben Hadad əla əda na: Ré bumbə́rú kə́ Samari asə kadə̄ de gə̄ malang ń dānə̄mə̄n̄ ní əngen̄ asə kem jīdə́ kógə̄ḿ kógə̄ḿ anī, ādə̄ nə́ɓā gə̄ rāāmə̄n̄ yá̰á̰ kə́ tōr̄ kə́ beē ba tél rāāmə̄n̄ nge kə́ beē.

1 MBAN̄G GƏ̄ 4:20

De kə́ Juda tə́ gə̄ ō, kə́ Israel tə́ gə̄ ō, i ngá̰ý tītə̄ nán̄g ngárə̄ḿnjēý kə́ ta bā tə́ beē. Nin̄-əsan̄ ō, a̰ȳn̄ ō, rāān̄ rɔ̄nel̄ ō.

2 SAMUEL 24:2

adə̄ Dabid əda Joab ń i ngol ngé rɔ̄ɔ̄ gə̄ ń ra kadən tə́ ní na kə njə̄rān̄ kə gō gír ɓē gə̄ malang kə́ Israel tə́, kə əlan̄ gír Dan bátə́ Beer Seba. Kə tə́dan̄ de gə̄ malang kadə̄ n-gerə̄ń kutədə́.

2 SAMUEL 12:28

ba ɔ́y gotə de gə̄ ń nayn̄ ní, ī-reē ī-gīrəń gidə ɓē, ba ī-tetən rɔ̄ɔ̄, na sōgə́ ré i mā n m̄-tetə ɓē ní rɔ̄ɔ̄ anī, i rīḿ mā n a ɓār̄ dɔ tə́ ní.

TA KƏLA 13:16

M-ā m̄-rāā kadə̄ ngán kaaí gə̄ i ngá̰ý tītə̄ nán̄g ngárə̄ḿnjēý, kadə̄ ré deē asə tə́dá nán̄g ngárə̄ḿnjēý təgā anī, kɔ́ɔ̄ a asə tə́dá ngán kaaí gə̄ təgā ō.

TA KƏLA 21:14

Adə̄ Abəraham teē dəloí ɓatə, un mápa ō, man̄ kem sɔlɔɔ́ ō, adə̄ Agar, əndā dɔ bɔ̄gə̄n tə́ ō, ngōn̄ ō, ba tə̄ɓān. Agar aw̄ dáȳ kem dəla loo kə́ Beer Seba tə́.

1 SAMUEL 3:20

I beé n de gə̄ malang kə́ dɔ nang kə́ Israel tə́ ń əla gír dɔ ɓē kə́ Dan tə́ bátə́ ugə̄ń Beer Seba ní gerə̄n̄neé kadə̄ Samuel i nge koō ta yā Kɔ́ɔ̄ɓē kə́ rɔ̄kum ní.

1 SAMUEL 13:5

Pilistin gə̄ ɔsən̄ dɔdə́ naā tə́ yā rɔ̄ɔ̄ Israel gə̄ ō. Púsə rɔ̄ɔ̄ yādə́ gə̄ i dūbú kutə mətá ō, ngé kal̄ sə́nda rɔ̄ɔ̄ yādə́ gē i dūbú mehḛ́ ō, kutə ngé rɔ̄ɔ̄ yādə́ kə́ ngé njə̄rā kə njadə́ gə̄ i ngá̰ý tītə̄ nán̄g ngárə̄ḿnjēý kə́ ta bā tə́ ō. Nin̄ aw̄ ndin̄ Mikəmas. Loo ń ndin̄ tū tə́ ní, ré deē ra Bet Aben anī i kə̄ dām̄ kə́ gír ɓē tə́.

2 SAMUEL 3:10

Kɔ́ɔ̄ɓē túbə əda na n-a n-taā ko̰o̰ ɓē jī de gə̄ kə́ gír kojə yā Saul tə́, na n-a n-rāā kadə̄ Dabid o̰o̰ ɓē dɔ Israel tə́ ō, dɔ Juda tə́ ō, a əla gír i Dan bátə́ Beer Seba.