2 SAMUEL 17:10 - Bibəl ta Sar̄

¹⁰ Loo ń noō tə́ ká i de kə́ ngan̄g kə́ kemən i kem ɓɔl gə̄gē, tɔ́gən a ur̄ wak kɔ̄ɔ́. Tɔdɔ̄ Israel gə̄ malang gerə̄n̄ kadə̄ bɔbí i go̰ rɔ̄ɔ̄ ō, de gə̄ ń seneé ní i de gə̄ kə́ gerə̄n̄ rɔ̄ɔ̄ majə ō.

Bible sar

¹⁰ Loo ń noō tə́ ká i de kə́ ngan̄g kə́ kemən i kem ɓɔl gə̄gē, tɔ́gən a ur̄ wak kɔ̄ɔ́. Tɔdɔ̄ *Israel gə̄ malang gerə̄n̄ kadə̄ bɔbí i go̰ rɔ̄ɔ̄ ō, de gə̄ ń seneé ní i de gə̄ kə́ gerə̄n̄ rɔ̄ɔ̄ majə ō.

2 SAMUEL 17:10 Referans Kwoze

HEBƏRO 11:34

tɔ̄lə̄n̄ kəngā hor gə̄ ō, teēn̄ ta yo kaskar tə́ ō, loo ń mo̰y rāādə́ ní əngen̄ rɔ̄ ngan̄g ō, rāān̄ go̰ loo rɔ̄ɔ̄ tə́ ō, tə̄ɓān̄ ɓūtə̄ áskar kə́ tə̄rā gə̄ ō.

IJAI 19:1

Najə̄ yā ɓē kə́ Ejiptə. Kɔ́ɔ̄ɓē n toó: Ni-reē dɔ nang kə́ Ejiptə tə́, al̄ i dɔ kil̄ man̄ kógə̄ḿ kə́ ngɔ̄də̄ ngá̰ý tə́. Nə́ɓā kə́ rɔ̄kum aĺ gə̄ kə́ dɔ nang kə́ Ejiptə tə́ ndewn̄ non tə́ ō, tɔ́gə de kə́ Ejiptə gə̄ ur̄ wak kɔ̄ɔ́ ō.

IJAI 13:7

I tām̄ najə̄ ń toō tə́ n jī de gə̄ malang ur̄ wak ní, tɔ́gə de gə̄ teē kɔ̄ɔ́.

PĀ KƏ́ MAJƏ 3:7

I təpóy yā mban̄g Salomo̰. Go̰ rɔ̄ɔ̄ gə̄ kə́ dan go̰ rɔ̄ɔ̄ gə̄ kə́ Israel tə́ kutə mehḛ́ gīrə̄n̄ gidə əlan̄ ta naā tə́.

Gōsə̄ najə̄ gə̄ 28:1

Deē ń rāā yá̰á̰ kə́ majaĺ ní, ká ré deē ngɔ̄dən aĺ gə̄gē anī ni a a̰ȳ i mbée. Banī de kə́ súmūú taā kem rɔ̄n mámák tītə̄ balsáa ɓɔl beé.

2 SAMUEL 23:20

Benaya kə́ Kabəseel ń i ngōn̄ Yoyada kə́ ngōn̄ go̰ rɔ̄ɔ̄ kógə̄ḿ ní, rāā yá̰á̰ kə́ to ɓōĺ gə̄ i ngá̰ý. I ni n tɔ̄l̄ go̰ rɔ̄ɔ̄ kə́ jōó gə̄ kə́ Moab ní ō, risə gō ɓɔl tə́ aw̄ tɔ̄lən kem bəlo taā man̄ tə́, ndɔ̄ ń néjə a dəseń tun tun tə́ ní ō.

2 SAMUEL 1:23

Saul nin̄ kə Jonatan, de gə̄ rāān̄ tɔdɔ̄də́ ngá̰ý. Dan ń nin̄ ndin̄ kə kumdə́, aké ndɔ̄ yodə́ tə́ ní, yá̰á̰ kógə̄ḿ gān̄gdə́ naā tə́ alé. Nin̄ ɔlən̄ tɔȳn̄ kə̄rō gə̄ ō, ngangə̄n̄ tɔȳn̄ ɓɔl gə̄ ō.

1 SAMUEL 18:17

Saul əda Dabid na: Ngōnə̄ḿ kə́ dəyá̰ kə́ ngatɔ́gə́ ń toō rīn na i Merab. I ni n m-ā m-ādī seneé kadə̄ ī-taān ní. Banī ə́hɔ rɔ̄í tɔgə loo rāā kəla yāḿ tə́ ba ī-rɔ̄ɔ̄ rɔ̄ɔ̄ gə̄ yā Kɔ́ɔ̄ɓē. Saul gír̄ kemən tə́ kété na: Jə-lōōī tɔ̄lən kə jījí ba ādə̄ i Pilistin gə̄ tá tɔ̄l̄nən̄.

NDŪ NAJƏ̄ 1:28

Ní ké kə ə́laī dɔsí i rá ta wa. Tɔ́gə́sí kə́ kadə̄ āwīneé na gətóo, tām̄ ngákó̰ó̰sí gə̄ na ədan̄sí adə̄ gān̄g na tɔ́gə de kə́ dɔ nang ní tə́ gə̄ na tɔȳ yāsí ō, de gə̄ ní na ngālən tɔȳn̄sí ō, ɓē yādə́ gə̄ na i ɓē kə́ bo ngá̰ý gə̄ ō, ndogə̄ mbal̄ kə́ gidə ɓē yādə́ gə̄ tə́ na i kə́ ngāl̄ ngá̰ý kum kə̄ dɔɔ́ gə̄ ō, na n-a̰a̰n̄ ngán Anak gə̄ dɔ nang ní tə́ ō.

Teē Ngán Israel gə̄ 15:15

ngār kə́ Edom gə̄ ndin̄ i kə sōlōó kekəre ō, ɓōĺ rāā ngār kə́ dɔ nang kə́ Moab tə́ gə̄ ngá̰ý ō, tɔ́gə Kanaan gə̄ ur̄ wak kɔ̄ɔ́ ō.

TA KƏLA 49:9

Ngōnə̄ḿ Juda, ḭ̄ i ɓɔl kə́ əhɔ dā̰ əsan, ba tél a aw̄ kə̄ gogə́ loo ton tə́. Ɓɔl tétə̄ kejən ba to nang tə́ anī, i náā-n asə rāān kadə̄ ḭḭ dɔɔ́?

2 SAMUEL 17:9

N toō ni ɓɔ̄ɔ̄ rɔ̄n kɔ̄ɔ́ kem bəlo mbal̄ kə́rēý tə́, aláa ni i loo kə́rēý tə́. Adə̄ ré deē yājí gə̄ oyn̄ ta kəla gír rɔ̄ɔ̄ tə́ anī, de gə̄ a oōn̄ i láẃ ngá̰ý ō, a ədan̄ na de gə̄ na oyn̄ dan de gə̄ ń unən gō Absalom tə́ ní ō.

PĀ GƏ̄ 89:19

Nge ń i der yājí ō mban̄g yājí ō ní, ndi i kə ta kūl̄ Kɔ́ɔ̄ɓēé ō, kə ta kūl̄ kə́ táĺ yā Israel ō.

EJEKIEL 21:15

Ɔlən̄ tan i yā tɔ̄ləń de gə̄, Usən̄ kaskar ní i yā kadə̄ ndə́lē pipir.

1 SAMUEL 16:18

Anī nge kəla kógə̄ḿ əda na: J-ədaī kə̄ laā aĺ ní m̄-ger̄ deē kógə̄ḿ noō, deē ní i ngōn̄ Jese kə́ Betlehem. Ni i gōsə̄ kə́ ugə kənde majə ngá̰ý. I de kə́ nge wur kil ō, go̰ rɔ̄ɔ̄ ō. Najə̄ kɔrə̄n to ngáā ō, i de kə́ majə deē ō, Kɔ́ɔ̄ɓē i naā tə́ seneé ō.