2 SAMUEL 16:23 - Bibəl ta Sar̄

²³ Dan ń noō tə́ ní de gə̄ a oōn̄ kɔjə̄ yā Ahitopel i tītə̄ loo koō najə̄ kə́ teē ta Nə́ɓā tə́ beē. Dabid ō, Absalom ō, a oōn̄ kɔjə̄ yān gə̄ malang ń a adə̄ ní i tītə̄ ń noō ō.

Bible sar

²³ Dan ń noō tə́ ní de gə̄ a oōn̄ kɔjə̄ yā Ahitopel i tītə̄ loo koō najə̄ kə́ teē ta Nə́ɓā tə́ beē. Dabid ō, Absalom ō, a oōn̄ kɔjə̄ yān gə̄ malang ń a adə̄ ní i tītə̄ ń noō ō.

2 SAMUEL 16:23 Referans Kwoze

2 SAMUEL 15:12

Dan ń Absalom a tun̄ yá̰a̰ anī əla gō Ahitopel nge kadə̄ Dabid kɔjə̄ tə́ kem ɓē yān tə́ Gilo. Adə̄ kutə de gə̄ yā Absalom a reē i kə̄ dɔ madə̄ tə́ ō, koō naā ní tɔ́gən aw̄ i kum kə́ kété kété ō.

2 SAMUEL 17:23

Dan ń Ahitopel a̰a̰ kadə̄ de gə̄ tetən̄ rɔ̄də́ gō kɔjə̄ yān tə́ aĺ anī, əndā síŕdí gidə kərō yān tə́ ba ḭḭ dɔ tə́ aw̄ ɓēé. Ni ɔjə de kə́ ta kújə yān tə́ gə̄ yá̰a̰ gə̄ kə́ kadə̄ rāān̄ rāān̄, ba gō tə́ anī ənī kəlā oy kɔ̄ɔ́. Dubə̄nən̄ i kem bəlo ɓádə́ ń dubə̄n bɔbə̄n tū tə́ kété ní tə́.

2 SAMUEL 17:14

Absalom ō, de kə́ dəngam gə̄ kə́ Israel tə́ ō, ədan̄ na: Kɔjə̄ ń Husai adə̄ ní majə tɔȳ yā Ahitopel. Tɔdɔ̄ Kɔ́ɔ̄ɓē ndigə rāā kadə̄ kɔjə̄ kə́ majə yā Ahitopel to karī kɔ̄ɔ́, yā rāań kadə̄ yá̰á̰ kə́ to kum kaȳ aĺ əsō dɔ Absalom tə́.

1 PIYER 4:11

Ré deē kógə̄ḿ a ɔr̄ najə̄ anī, majə kadə̄ i yá̰a̰ gə̄ ń Nə́ɓā əda ní n ni-əda de gə̄ ní. Ré deē kógə̄ḿ a rāā kə de gēé anī, majə kadə̄ i kə tɔ́gə́ ń Nə́ɓā adə̄n ní. Yā kadə̄ tū yá̰a̰ gə̄ tə́ malang ɓáa kɔsə gɔn i yā Nə́ɓā kə ta kūl̄ Jeju Kərist, ni ń kɔsə gɔn ō, ndi dɔ de gə̄ tə́ ō, i yān kə dɔ ɓāl̄ gə̄ ɓāl̄ gə̄ ní. Adə̄ i tītə̄ ń noō!

Makətūbə̄ ń Pol ndang adə̄ Rom gə̄ ní 1:22

Ədan̄ na nin̄ i ngé kum kedə̄ gə̄ banī nin̄ i mbóo gə̄.

Najə̄ kə́ Majə yā Jeju ń Luk ndang ní 16:8

Anī kɔ́ɔ̄ nge kəla kə́ sew aĺ ngeé ń toō tɔ̄yn, tɔdɔ̄ ni-rāā yá̰a̰ yān ní i kə kum kedēé ngá̰ý. Tām̄ ngáń kə́ dɔ nang tə́ laā gə̄ ní, kumdə́ edə̄ kə madə̄də́ gēé mān̄ yā ngán kə́ kum loo kə́ unjə̄ kow tə́ gə̄.

MATIYE 11:25

Dan ngeé ń noō tə́ ní Jeju ɔr̄ najə̄, əda na: Bɔbə́ḿ, ḭ̄ ń i Kɔ́ɔ̄ɓē dɔ rā̰ tə́ ō dɔ nang tə́ ō ní, m̄-ɓōkíī tɔ̄ȳ tām̄ ɓɔ̄ɔ̄ ń ī-ɓɔ̄ɔ̄ dɔ yá̰a̰ gə̄ ń toō kɔ̄ɔ́ tām̄ yā ngé kum kedə̄ gə̄ tə́ ō, ngé ger̄ yá̰a̰ gə̄ tə́ ō, ba ī-teē kum de kə́ dūú gə̄ dɔ tə́ ní.

JEREMI 8:9

Rɔ̄ ngé kum kedə̄ gə̄ sɔl̄də́, gerə̄n̄ yá̰á̰ kə́ yā rāā alé, əsōn̄ kum gūmbə̄ tə́. Dan ń nin̄ kídə̄n̄ najə̄ yā Kɔ́ɔ̄ɓē ní, yá̰a̰ ger̄ yādə́ kə́ ngá̰ý i rí?

JEREMI 4:22

Rɔ̄kum, gír deē yāḿ gə̄ i de kə́ mbóo gə̄. Nin̄ ger̄mə̄n̄ alé. I ngán kə́ sapə gə̄, asən̄ ger̄ kum yá̰á̰ kógə̄ḿ alé. Nin̄ ɔlən̄ tū rāā yá̰á̰ kə́ majaĺ tə́, ba gerə̄n̄ rāā majə alé.

KOHELET 10:1

Nīń kón̄g rāā adə̄ yibə̄ kə́ otə majə yā kɔdə̄ yibə̄ otə majaĺ ō, rāā adə̄ yibə̄ kə́ kem kūú nujə malang kɔ̄ɔ́ ō. Adə̄ mbóó kə́ sḛ́ý beē ɔr̄ tɔ́gə kum kedə̄ ō kɔsə gɔn ō kɔ̄ɔ́.

PĀ GƏ̄ 28:2

Ōō ndūḿ ń m̄-rāāīneé ɓɔ́ dan ń m-ə́gań kɔŕ kə̄ dɔí tə́, m-ɔ́yń jīḿ kə̄ dɔɔ́ kum kə̄ loo kə́ táĺ ngá̰ý yāí ń, ī-ndi kemeé tə́ ní.

PĀ GƏ̄ 19:7

Ni teē ta ngóy dɔ rā̰ kə́ dām̄ kə́rēý tə́, njə̄rā bátə́ ugə̄ ta ngóy dɔ rā̰ kə́ dām̄ kə́ noō tə́ ō, yá̰á̰ kə́ kəngān ɔdən aĺ gətóo ō.

Makətūbə̄ yā Job 28:28

Gō tə́ anī əda deē ndul na: Yá̰á̰ ń i kum kedə̄ ní, i ɓōĺ ndíĺ Kɔ́ɔ̄ɓē! Yá̰á̰ ń i ger̄ yá̰á̰ ní, i ka̰a̰ yá̰á̰ kə́ majaĺ a ka̰ȳ kɔ̄ɔ́ ta tə́!

Makətūbə̄ yā Job 5:12

Yá̰a̰ gə̄ ń ngé kum kedə̄ ngá̰ý gə̄ rāān̄ loo mundə̄ tə́ ní, ni nujəń kɔ̄ɔ́. Yá̰a̰ gə̄ ń nin̄ sāān̄ rāā ní nujə jīdə́ tə́ kɔ̄ɔ́.

1 SAMUEL 30:8

Dabid dəje Kɔ́ɔ̄ɓē na: Ré m̄-sōn̄g gō ngé ɓogə gə̄ ń noō anī m-ā m-ə́ngédə́ a? Anī Kɔ́ɔ̄ɓē ədan na: Ī-sōn̄g gōdə́ na ā ə́hɔ́də́ ō ā ī-gān̄g dɔ deē yāí gə̄ ō.

TƏ́DA 27:21

Jojue a aw̄ rɔ̄ Eleajar nge tun̄ yá̰á̰ tə́ kadə̄ túgə̄ wə̄lā urim tām̄ yān tə́ ta kum Kɔ́ɔ̄ɓē tə́. Ni ō, ngán Israel gə̄ malang ō ní a teēn̄ ō, tél a udən̄ gogə́ ō, i kə gō ndū ń wə̄lā a ɔjə ní.

2 SAMUEL 15:31

Reē ədan̄ Dabid na Ahitopel i dan ngé koō naā gə̄ tə́, adə̄ ni na i gō Absalom tə́. Anī Dabid əda na: m̄-rāāī ɓɔ́ Kɔ́ɔ̄ɓē, ī-rāā ādə̄ kɔjə̄ yā Ahitopel tél kɔjə̄ kə́ to mbóo ro karī.

2 SAMUEL 17:1

Gō tə́ sḛ́ý anī Ahitopel əda Absalom na: Ādə̄m̄ ta róbə ādə̄ m-ɔ́y de gə̄ dūbú kutə gidə i jōó m̄-ngɔ̄dəń gō Dabid ndɔ̄ɔ́ laā nəkɔ́ ń toō.