2 SAMUEL 16:21 - Bibəl ta Sar̄

²¹ Ahitopel əda Absalom na: Āw̄ ī-ɓīī kə də̄yá̰ gidə ndogə̄ yā bɔbí gə̄ ń əya̰də́ kadə̄ a̰a̰n̄ gō kem kújə́ ní. Tītə̄ ń noō ɓáa ngán Israel gə̄ malang a gerə̄n̄ kadə̄ ḭ̄ ī-rāā i yá̰á̰ kə́ nel bɔbí aĺ ngá̰ý, adə̄ bɔbí asə tə́gā tan dɔí tə́ to̰ aĺ ō, de kə́ gōí tə́ gə̄ malang a əngen̄ tɔ́gə ō.

Bible sar

²¹ Ahitopel əda Absalom na: Āw̄ ī-ɓīī kə də̄yá̰ gidə ndogə̄ yā bɔbí gə̄ ń əya̰də́ kadə̄ a̰a̰n̄ gō kem kújə́ ní. Tītə̄ ń noō ɓáa ngán *Israel gə̄ malang a gerə̄n̄ kadə̄ ḭ̄ ī-rāā i yá̰á̰ kə́ nel bɔbí aĺ ngá̰ý, adə̄ bɔbí asə tə́gā tan dɔí tə́ to̰ aĺ ō, de kə́ gōí tə́ gə̄ malang a əngen̄ tɔ́gə ō.

2 SAMUEL 16:21 Referans Kwoze

2 SAMUEL 20:3

Dabid tél aw̄ gogə́ kem kújə yān kə́ Jerusalem tə́. Ni ɓōkə́ də̄yá̰ gidə ndogə̄ yān kə́ kutə gə̄ ń əya̰də́ kadə̄ ngɔ̄mə̄n̄ kem kújə yān ní kem kújə́ kə́rēý tə́, ba əndā ngé ngɔ̄m̄ loo gə̄ tadə́ tə́ adə̄ ngɔ̄mə̄n̄də́ majə. Ni-a̰a̰ gōdə́ majə banī aw̄ rɔ̄də́ to̰ alé. Utə̄n̄ tadə́ kújú bátə́ ndɔ̄ yodə́ tə́. Nin̄ ndin̄ i tītə̄ dəyá̰ kə́ ngaa koy gə̄ beé.

2 SAMUEL 15:16

Adə̄ mban̄g teē kə njaneé naā tə́ kə kojə yān gēé malang, ba i də̄yá̰ gidə ndogə̄ yān gə̄ n ni əya̰də́ kutə kógə̄ḿ kadə̄ a̰a̰n̄ gō kem kújə́ ní.

JAKARI 8:13

Ɓē ko̰o̰ gə̄ kə́ Juda tə́ ō, kə́ Israel tə́ ō, dan nápar de gə̄ tə́ ní, sḭḭ̄ i gír de gə̄ kə́ ndɔ̄lə́n̄də́ kadə̄ gotə gír de kə́ rang gə̄ a̰a̰n̄. Banī ngɔlaā ní, m-ájə́sí. Adə̄ ā ī-téliī i gír de gə̄ kə́ tɔ́rə̄n̄ tadə́ dɔdə́ tə́, kadə̄ gotə gír de kə́ rang gə̄ a̰a̰n̄. I beé ní, ī-ɓōlíī to̰ alé, banī ə́hɔī rɔ̄sí tɔgə!

2 SAMUEL 2:7

Ba ngɔlaā ní ə́hɔī rɔ̄sí tɔgə, ādə̄ sḭḭ̄ i de kə́ dəngam gə̄. Rɔ̄kum, kɔ́ɔ̄sí Saul oy, ba i mā n Juda gə̄ əndāmə̄n̄ mban̄g kadə̄ m-ó̰o̰ ɓē dɔdə́ tə́ ní.

LEBI GƏ̄ 18:8

Ā ī-ɓīī kə nə̄yá̰ bɔbí alé, tɔdɔ̄ ré ī-ɓīī seneé anī, ə́la rɔ̄sɔl̄ i dɔ bɔbí tə́.

1 KORḚNTƏ 5:1

De gə̄ malang ədan̄ na háĺ kə́ majaĺ na to dansí tə́, ba yá̰á̰ ní na majaĺ ngá̰ý al̄ naā, adə̄ de gə̄ kə́ nin̄ i Jipə aĺ gə̄ gə̄gē na rāān̄ háĺ kə́ tītə̄ ń noō alé. Tɔdɔ̄ ənīn̄ gotə najə̄ yāsí, ədan̄ na deē kógə̄ḿ dansí tə́ na aw̄ bátə́ sāā nə̄yá̰ bɔbə̄n loo kaya tə́!

1 MBAN̄G GƏ̄ 2:22

Ī-dəje Abisag kə́ Sunem tām̄ yā Adonia tə́ i tām̄ yā rí tə́? Dan ń ni i nga tɔ́gə́ḿ ní, yá̰á̰ ń kadə̄ ī-dəje tām̄ yān tə́ ní i ko̰o̰ ɓē, i tām̄ yān tə́ ō, tām̄ yā Abiatar nge tun̄ yá̰á̰ tə́ ō, Joab ngōn̄ Seruya tə́ ō!

1 MBAN̄G GƏ̄ 2:17

Adonia tél ədan na: Mban̄g Salomo̰ ndigə ndílí ngá̰ý ní, m̄-rāāī ɓɔ́ ba ə́dan ādə̄ adə̄m̄ Abisag kə́ Sunem kadə̄ tél dəyá̰ jīḿ.

2 SAMUEL 12:11

Najə̄ ń Kɔ́ɔ̄ɓē əda ní n toó: M-ā m̄-rāā kadə̄ yá̰á̰ kə́ to kum kaȳ aĺ əsō dɔí tə́. Yá̰á̰ kə́ majaĺ ní a ḭḭ i dan de gə̄ kə́ gír kojə yāí īkɔ́ tə́. M-ā m̄-taā nə̄yá̰í gə̄ jīí tə́ yā kadə̄ ngeeí kə́rēý kə́ ngɔr ngá̰ý kadə̄ ɓīī sedə́ kadaá.

1 SAMUEL 27:12

Akis ənī kemən mámák adə̄ Dabid. Ni gír̄ kemən tə́ na: Dabid rāā ngán Israel gə̄ ń i deē yān gə̄ ní yá̰á̰ kə́ tōr̄ ngá̰ý, adə̄ nin̄ a̰a̰n̄ loo tə́gā tadə́ dɔn tə́ to̰ alé, adə̄ a rāā i kəla yāḿ mā kə́ njɔ́ḿ gə̄ tə́.

1 SAMUEL 13:4

Israel gə̄ malang oōn̄ kadə̄ Saul tɔ̄l̄ nge ko̰o̰ ɓē yā Pilistin gə̄, adə̄ wōn̄g na rāā Pilistin gə̄ kə Israel gēé ngá̰ý. Loo ń noō tə́ Israel gə̄ malang ɔsən̄ dɔdə́ naā tə́ rɔ̄ Saul tə́ Gilgal.

LEBI GƏ̄ 20:11

Ré dəngam ɓīī kə nə̄yá̰ bɔbə̄n anī, əla i rɔ̄sɔl̄ dɔ bɔbə̄n tə́. A tɔ̄lə̄n̄ dəngam ní ō, dəyá̰ ní ō. Mósə́də́ a na̰y i dɔdə́ nin̄ kɔ́ gə̄ tə́.

TA KƏLA 38:16

Ni ger̄ kadə̄ i umən kə́ dəyá̰ aĺ tā ní, aw̄ rɔ̄n tə́ kadə róbə́ tə́ ba ədan na kadə̄ kə n-sāān. Anī dəyá̰ ní dəjen na ké a adə̄n i rí yā sāānəń wa.

TA KƏLA 35:22

Ndin̄ kə̄ noó anī Ruben aw̄ ɓīī kə Bila də̄yá̰ gidə ndogə̄ yā bɔbə̄neé, adə̄ bɔbə̄n Israel oō najə̄ ní. Ngán Jakob gə̄ i kutə gidə i jōó.

TA KƏLA 34:30

Anī Jakob əda Simeo̰ nin̄ kə Lebií na: Ə̄nīī i najə̄ dɔḿ tə́, tɔdɔ̄ ī-rāāī ādə̄ m̄-tél de kə́ majaĺ ta kum de kə́ kem ɓēé gə̄ tə́, ta kum Kanaan gə̄ tə́ ō, Periji gə̄ tə́ ō. Kutə de gə̄ yāḿ gə̄ i ngá̰ý alé, de gə̄ ń noō a ɔsən̄ dɔdə́ naā tə́ yā reē rɔ̄ɔ̄m̄. Nin̄ a tetəmə̄n̄ rɔ̄ɔ̄, adə̄ a tɔ̄l̄mə̄n̄ kə de gə̄ yāḿ gēé kadə̄ gír yāḿ a gān̄g kɔ̄ɔ́.

TA KƏLA 6:4

Dan ń noó tə́ ní de kə́ ngāl̄ ngá̰ý gə̄ ndin̄ dɔ nang tə́. I nin̄ n i go̰ rɔ̄ɔ̄ kə́ jóo gə̄ ń rīdə́ ɓār̄ ngá̰ý ní. I ngáń Nə́ɓā gə̄ ń táān̄ ngáń kə́ dəyá̰ yā de gə̄ ní n ojən̄də́ ní.

2 SAMUEL 16:20

Absalom əda Ahitopel na: Ōōī naā dɔ yá̰á̰ ń kadə̄ jə-rāāī tə́ ní.

2 SAMUEL 17:7

Husai tél əda Absalom na: Kɔjə̄ kə́ ɓōó ń Ahitopel adə̄ toó majə alé.

2 SAMUEL 10:6

Amon gə̄ a̰a̰n̄ kadə̄ Dabid əhɔdə́ kemən tə́ najə̄ yá̰á̰ ń nin̄ rāān̄ tə́ ní, adə̄ əlan̄ kəla rɔ̄ Aram gə̄ kə́ Bet Rehob tə́ ō, kə́ Soba tə́ ō, kadə̄ rɔ̄ɔ̄n̄ Dabid sedə́ ba kadə̄ n-adə̄n̄də́ nar. Adə̄ ngé rɔ̄ɔ̄ gə̄ kə́ ngé njə̄rā kə njadə́ gə̄ reēn̄ dūbú kutə jōó ō, de gə̄ yā mban̄g kə́ Maaka i dūbú kógə̄ḿ ō, de gə̄ kə́ Tob i dūbú kutə̄ gidə i jōó ō.

2 SAMUEL 13:5

Anī Yonadab əda Amnon na: Ī-to kem tə̄ráá ba ī-rāā tītə̄ kə́ ḭ̄ i mo̰y beé. Ré bɔbí reē go̰ō̰í tə́ anī, ə́dan na kə adə̄ ngōkó̰ó̰í Tamar ta róbə kadə̄ reē kə rāā yá̰a̰ kəsa kə adī kadə̄ ə́sa. Kadə̄ rāā yá̰a̰ kəsa ní i ta kumií tə́ kadə̄ á̰a̰ā̰ ō, kadə̄ nəkɔ́ Tamar reēń adī ō.

1 MBAN̄G GƏ̄ 11:25

Adə̄ Rejon i madə̄ ba̰ā̰ Israel gə̄ ɓāl̄ ko̰o̰ ɓē yā Salomo̰ tə́. Tá Hadad a rāā Israel gə̄ majaĺ dām̄ kə́rēý tə́ ɓáý to̰.