2 SAMUEL 15:8 - Bibəl ta Sar̄

⁸ Tɔdɔ̄ dan ń m̄-ndi Gesur dɔ nang kə́ Aram tə́ ní, m-ə̄nī ndūḿ m-ādə̄ Kɔ́ɔ̄ɓē m-ə́da na ré Kɔ́ɔ̄ɓē tél reē seḿ gogə́ Jerusalem anī, m-ā m̄-tun̄ yá̰a̰ yā kadə̄n kem ɓē kə́ Hebron tə́.

Bible sar

⁸ Tɔdɔ̄ dan ń m̄-ndi Gesur dɔ nang kə́ Aram tə́ ní, m-ə̄nī ndūḿ m-ādə̄ Kɔ́ɔ̄ɓē m-ə́da na ré Kɔ́ɔ̄ɓē tél reē seḿ gogə́ Jerusalem anī, m-ā m̄-tun̄ yá̰a̰ yā kadə̄n kem ɓē kə́ Hebron tə́.

2 SAMUEL 15:8 Referans Kwoze

1 SAMUEL 1:11

Ni-ənī ndūn əda na: Kɔ́ɔ̄ɓē kə́ bo kə́ tɔ́gən i ngá̰ý, ré á̰a̰ kum tō ndoō yāḿ mā nge kəla yāí ō, əga kemií dɔḿ tə́ ō, dɔí ndígə̄naləḿ aĺ ō, adə̄ ādə̄m̄ ngōn̄ kə́ dəngam anī, m-ā m-ɔ̄r̄ kamə̄n tayā tām̄ yāí tə́ kə dɔ ndɔ̄ gə̄ malang ń a ndiń kə kumneé ní ō, deē a əndā nə́nga dɔn tə́ yā dəsāń dɔn aĺ ō.

JEREMI 42:20

Sḭḭ̄ kɔ́ gə̄ ī-gólī rɔ̄sí, tɔdɔ̄ sḭḭ̄ ə́lamī rɔ̄ Kɔ́ɔ̄ɓē Nə́ɓā yāsí tə́ ə́daī na: Ɔ̄r̄ najə̄ kə Kɔ́ɔ̄ɓē Nə́ɓāá tām̄ yājí tə́, ə́dájí yá̰a̰ malang ń Kɔ́ɔ̄ɓē Nə́ɓā yājí əda ní kə ta njaá na j-a jə-rāā.

IJAI 28:15

Sḭḭ̄ ə́daī na: J-ənī ndūjí j-adə̄ naā kə yoó. J-əndā jījí gír makətūbə̄ tə́ j-adə̄ naā kə de kə́ ɓádá gēé. Dan ń yá̰á̰ kə́ a nujə loo a rāā yā rāā yá̰a̰ anī, a reē loojí alé. Tām̄ sor̄ i yá̰á̰ kə́ j-a jə-ndi gírí, yá̰á̰ kə́ gōtə́ aĺ i loo ɓɔ̄ɔ̄ rɔ̄ yājí.

KOHELET 5:4

Ə̄nī ndūí aĺ i só tə́ tɔȳ kadə̄ ə̄nī Ndūí kanjə̄ rāā yá̰á̰ ní.

PĀ GƏ̄ 56:12

M-ə̄ndā kemḿ dɔ tə́, m̄-ɓōĺ to̰ alé. De gə̄ a rāān̄ i rí seḿ?

2 SAMUEL 14:32

Anī Absalom tél ədan na: I tām̄ kəla ń m-ə́la gōí tə́ kadə̄ ī-reē anī ī-mbātə́ reē ní. m̄-sāā i kəlaī rɔ̄ mban̄g tə́ kadə̄ ī-dəjen na ké m-ā̰ȳ m-āw̄ Gesur ba m̄-tél dɔ tə́ m̄-reē i tām̄ yā rí tə́ wa? Ndiḿ gogə́ Gesur i só tə́. Ngɔlaā m̄-gḛy kaw̄ rɔ̄ mban̄g tə́. Ba ré najə̄ i dɔḿ tə́ anī ādə̄ mban̄g tɔ̄lə̄m̄.

2 SAMUEL 14:23

Joab ḭḭ dɔɔ́ aw̄ Gesur, aw̄ reē kə Absalomoó gogə́ kem ɓē kə́ Jerusalem tə́.

1 SAMUEL 16:2

Samuel əda na: M-ā m-āw̄ i ba̰ý? Ré Saul oō anī a tɔ̄lə̄m̄. Kɔ́ɔ̄ɓē əda Samuel na: Ā ə́hɔ mandə man̄g jīí tə́, ba ā ə́da na ī-reē na i tun̄ yá̰á̰ yā kadə̄ Kɔ́ɔ̄ɓē.

JOJUE 24:15

Ba ré rāā kəla yā Kɔ́ɔ̄ɓē nel̄sí aĺ anī, ī-gə̄rāī ɓesə̄ gə̄ ń ī-ndigiī rāādə́ ní ɓōólaā. Ré i ɓesə̄ gə̄ ń kaasí gə̄ a rāān̄ dan ń ndinə̄ń gidə bā Opəratə tə́ ní n nel̄sí sedə́ anī, ī-gə̄rāīdə́ ō, ré i ɓesə̄ gə̄ yā Amor gə̄ ń ī-ndiī dɔ nang yādə́ tə́ toō n nel̄sí sedə́ anī, ī-gə̄rāīdə́ ō. Banī mā ō, de kə́ kem ndogə̄ yāḿ tə́ gə̄ ō, j-a jə-rāā i kəla yā Kɔ́ɔ̄ɓē.

2 SAMUEL 3:3

Ngōnən kə́ nge ko̰ jōó i Kilab, ojən i kə Abigail kə́ Karmel ń i nə̄yá̰ nge yo Nabal ní. Ngōnən kə́ dəngam kə́ nge ko̰ mətá i Absalom ojən i kə Maaka kə́ ngōn̄ Talmai ń i mban̄g kə́ Gesur ní.

2 SAMUEL 15:9

Mban̄g tél əda Absalom na: Āw̄ kə kem sɔlɔ́. Anī ni-aw̄ Hebron.