2 SAMUEL 15:30 - Bibəl ta Sar̄

³⁰ Dabid un róbə́ kə́ əta tan ta kaw̄ kə̄ dɔ mbal̄ kāgə̄ olibə gə̄ tə́ i kə nōó kumən tə́. Ni do̰ō̰ kūbə̄ ta kumən tə́ ō, njə̄rā i njan karī ō. De gə̄ malang ń dānə̄nən̄ ní do̰ō̰n̄ kūbə̄ ta kumdə́ tə́ ō, njə̄rān̄ i kə nōó ō.

Bible sar

³⁰ Dabid un róbə́ kə́ əta tan ta kaw̄ kə̄ dɔ mbal̄ *kāgə̄ olibə gə̄ tə́ i kə nōó kumən tə́. Ni do̰ō̰ kūbə̄ ta kumən tə́ ō, njə̄rā i njan karī ō. De gə̄ malang ń dānə̄nən̄ ní do̰ō̰n̄ kūbə̄ ta kumdə́ tə́ ō, njə̄rān̄ i kə nōó ō.

2 SAMUEL 15:30 Referans Kwoze

ESTER 6:12

Gō tə́ anī Mardose tél aw̄ gogə́ ta kújə yā mban̄g tə́. Haman tél aw̄ gogə́ ɓēé kə nāgá. Rɔ̄n ur̄ wak kɔ̄ɔ́. Ni seĺ yá̰a̰ ta kumən tə́ kɔ̄ɔ́ yā kutə̄ń dɔ rɔ̄sɔl̄ yān.

2 SAMUEL 19:4

Nin̄ udən̄ kem ɓēé i jəke tītə̄ ngé rɔ̄ɔ̄ gə̄ kə́ rɔ̄ɔ̄ tetədə́ adə̄ a̰ȳn̄ naā kə rɔ̄sɔlɔ̄ɔ́ beē.

EJEKIEL 24:23

Ta kūbə̄ ń ə́ndaīń dɔsí ní a to dɔsí tə́ beé ō, sākə̄rā yāsí gə̄ ī-tə́laī njasí tə́ ní, a ton̄ njasí tə́ beē ō, ā ī-nōōī rɔ̄sí aĺ ō, ā ī-nōōī kə man̄ kumsí aĺ ō.

EJEKIEL 24:17

Ī-lōō kɔjə wur tōr̄ yāí kadə̄ deē a̰ā̰ ō, ī-lōō rāā yá̰a̰ kāgə̄ ɓē kə́ ɔjə dɔ yo ō. Banī ə́nda dɔí kə ta kūbūú ō, ādə̄ sākə̄rā yāí to njaí tə́ ō, ī-lōō seĺ yá̰a̰ ta kumií tə́, ko̰o̰ mur̄ yo ō.

1 KORḚNTƏ 12:26

Ré ngōn̄ rɔ̄jí kógə̄ḿ i mo̰y anī, gotə rɔ̄jí malang i mo̰y ō. Ré rɔȳn̄ ngōn̄ rɔ̄jí kə́rēý anī, gotə rɔ̄jí gə̄ malang rāān̄ rɔ̄nel̄ seneé ō.

Makətūbə̄ ń Pol ndang adə̄ Rom gə̄ ní 12:15

Ī-rāāī rɔ̄nel̄ kə ngé gə̄ ń rɔ̄də́ nel̄də́ ní ō, ī-nōōī kə ngé gə̄ ń a nōōn̄ ní ō.

KƏLA RĀĀ 1:12

Loo ń noō tə́ ngámbang kəla gə̄ ḭḭn̄ dɔ ngán mbal̄ ń a ɓārə́n̄ na i ngōn̄ mbal̄ kāgə̄ olibə gə̄ ní tə́ ba tél aw̄n̄ gogə́ Jerusalem. Kḭḭ dɔ mbal̄ ní tə́ kaw̄ kə̄ kem ɓēé asə kilometər kógə̄ḿ beē ngóy.

Najə̄ kə́ Majə yā Jeju ń Luk ndang ní 22:39

Loo ń noō tə́ a, ni-teē aw̄ dɔ mbal̄ kāgə̄ olibə gə̄ tə́, tītə̄ ń a rāān̄ dejə ní, adə̄ ngé ndóō yá̰a̰ yān gə̄ unən̄ gōn.

Najə̄ kə́ Majə yā Jeju ń Luk ndang ní 21:37

Kadaá anī Jeju ndi kem kújə yā Kɔ́ɔ̄ɓē tə́ a ndóoń de gə̄ yá̰a̰, ba ndɔ̄ɔ́ anī ni-teē aw̄ dɔ mbal̄ ń a ɓārə́n̄ na i mbal̄ kāgə̄ olibə gə̄ tə́ ní yā ɓīī.

Najə̄ kə́ Majə yā Jeju ń Luk ndang ní 19:41

Dan ń ni-ugə̄ ngɔr ba a̰a̰ ɓē ní anī, ni-nōō tām̄ yān tə́, ba əda na:

Najə̄ kə́ Majə yā Jeju ń Luk ndang ní 19:37

Ni-əndā dɔ mbal̄ kāgə̄ olibə gə̄ ngɔr kadə̄ a risə ta kə́ ngəran tə́ nang tə́. Loo ń noō tə́ ní kósə́ ngé ndóō yá̰a̰ yān gə̄ malang rāān̄ rɔ̄nel̄ ngá̰ý, adə̄ nin̄-tɔ̄ȳn̄ Nə́ɓā kə ndūdə́ kə́ boó tām̄ yá̰á̰ kə́ yáā gə̄ malang ń a̰a̰n̄ tə́ ní,

Najə̄ kə́ Majə yā Jeju ń Luk ndang ní 19:29

Ba dan ń aw̄n̄ ngɔr kə̄ gidə ɓē kə́ Betpaje tə́ ō, kə́ Betani tə́ ō, kadə mbal̄ ń a ɓārə́n̄ na i mbal̄ kāgə̄ olibə gə̄ tə́ ní ō anī, ɔr̄ ngé ndóō yá̰a̰ yān gə̄ jōó, əladə́ ba ədadə́ na:

MATIYE 5:4

Rɔ̄nel̄ i kə ngé gə̄ ń dɔdə́ sɔl̄ ní, tɔdɔ̄ Nə́ɓā a adə̄də́ dɔ nang.

JAKARI 14:4

Ndɔ̄ ngeé ń noō tə́ ní, ni a ra dɔ ngōn̄ mbal̄ kāgə̄ olibə gə̄ tə́, kadə ɓē kə́ Jerusalem tə́ ngɔr, dām̄ kə́ gír ɓē tə́. Ngōn̄ mbal̄ kāgə̄ olibə gə̄ ní a njar danaá bang ō, wól loo kə́ bo a to ō, a ḭḭ dām̄ kə́ gír ɓē tə́ bátə́ dām̄ kə́ no ɓē tə́. Ngōn̄ mbal̄ ní núsən kógə̄ḿ a aw̄ kum kə̄ dām̄ mbɔ́r ɓē kə́ ko̰ó̰ tə́, ba núsən kə́rēý a aw̄ kum kə̄ dām̄ mbɔ́r ɓē kə́ geleé tə́.

PĀ GƏ̄ 43:5

Kə m̄-rāā rɔ̄ḿ ndoō i najə̄ rí tə́? kə m̄-nōō rɔ̄ḿ i tām̄ rí tə́? Kəndā kem dɔ Nə́ɓā tə́, ba tél ɓōkə́n tɔ̄ȳ gogə́ rang i só tə́. Ni i nge kajəḿ ō Nə́ɓā yāḿ ō,

PĀ GƏ̄ 42:3

Kəndā Nə́ɓā rāām̄, kəndā Nə́ɓā kə́ ndi kə kumneé rāām̄. I rə́ngáý tə́ n m-ā m-údə kem kújə yān tə́ yā ra ta kumən tə́ ní?

2 SAMUEL 15:29

Adə̄ Sadok nin̄ kə Abiatar télən̄ kə sandúkə madə̄ naā yā Nə́ɓāá aw̄n̄neé gogə́ Jerusalem ō, nin̄ ndin̄ kə̄ noó ō.

2 SAMUEL 19:5

Mban̄g seĺ kūbə̄ ta kumən tə́ kɔ̄ɔ́. Ni un ndūn kə̄ dɔɔ́ nōoń kə najá tan tə́, əda na: Ngōnə̄ḿ Absalom, Absalom, ngōnə̄ḿ, ngōnə̄ḿ!