2 SAMUEL 15:25 - Bibəl ta Sar̄

²⁵ Tā anī mban̄g əda Sadok na: Ī-tél kə sandúkə yā Nə́ɓāá āwń gogə́ kem ɓēé. Ré Kɔ́ɔ̄ɓē ndigə rāā majə seḿ anī a tél yā reē seḿ gogə́ kadə̄ m-á̰a̰ sandúkə yān ɓáý ō, kadə̄ m-á̰a̰ loo ndi yān ɓáý ō.

Bible sar

²⁵ Tā anī mban̄g əda Sadok na: Ī-tél kə sandúkə yā Nə́ɓāá āwń gogə́ kem ɓēé. Ré Kɔ́ɔ̄ɓē ndigə rāā majə seḿ anī a tél yā reē seḿ gogə́ kadə̄ m-á̰a̰ sandúkə yān ɓáý ō, kadə̄ m-á̰a̰ loo ndi yān ɓáý ō.

2 SAMUEL 15:25 Referans Kwoze

JEREMI 25:30

Ba ḭ̄ ā ə́dádə́ najə̄ gə̄ malang ń m-ɔ̄r̄ seí ní, ā ə́dádə́ na: Kɔ́ɔ̄ɓē ndán̄g rɔ̄n kə̄ dɔ rā̰ tə́, ndūn ɓār̄ kə̄ kem kújə yān kə́ táĺ tə́. Ni ndán̄g rɔ̄n dɔ ɓē yān tə́. Ni ur kɔĺ dɔ de gə̄ malang ń ndin̄ dɔ nang tə́ ní, tītə̄ yā ngé mbə̄sā kan̄ kāgə̄ nduú kə njadə́ beē.

PĀ GƏ̄ 84:10

Nə́ɓā, á̰a̰ deē ń i der yājí ní, á̰a̰ ta kum deē ń úr yibə̄ dɔn tə́ ní.

PĀ GƏ̄ 26:8

Kɔ́ɔ̄ɓē, kújə́ ń ī-ndi kemeé ní nelə̄m̄ ō, loo ń kɔsə gɔn yāí i tū tə́ ní nelə̄m̄ ō.

Teē Ngán Israel gə̄ 15:13

Ḭ̄ ī-gān̄g dɔ gír deē yāí gə̄. Ḭ̄ ɔ́r nodə́ kə tárá ō, kə tɔ́gɔ́ ō, āwń sedə́ kum kə̄ dɔ nang kə́ táĺ ń ə̄ndā tām̄ yādə́ tə́ ní.

JEREMI 7:4

Ī-lōōī gól̄ rɔ̄sí kə najə̄ kə́ rɔ̄kum aĺ gēé ba kəda kə̄ nja naā tə́ na: Kújə yā Kɔ́ɔ̄ɓē! Kújə yā Kɔ́ɔ̄ɓē! Kújə yā Kɔ́ɔ̄ɓē, kújə ní i laā.

IJAI 38:22

Ejekias dəje najə̄ əda na: Yá̰á̰ ń ɔjə kadə̄ m-ā m̄-tél yā kaw̄ kem kújə yā Kɔ́ɔ̄ɓē tə́ ɓáý ní i rí?

PĀ GƏ̄ 122:9

m̄-sāā kadə̄ ī-ndi majə i najə̄ yā kújə yā Kɔ́ɔ̄ɓē Nə́ɓā yājí tə́.

PĀ GƏ̄ 122:1

Pā kə́ yā kaw̄ń loo kə́ táĺ tə́. I pā yā Dabid. Dan ń ədamə̄n̄ na j-awī kújə yā Kɔ́ɔ̄ɓē tə́ ní, rɔ̄ḿ nelə̄m̄ ngá̰ý.

2 SAMUEL 7:2

ni-əda Natan ń i nge koō ta yā Nə́ɓā ní na: Á̰a̰ā̰, mā m̄-ndi i kem kújə́ kə́ rāā kə kāgə̄ sédəreé tə́, banī sandúkə yā Nə́ɓā ndi i gír kújə kūbūú.

2 SAMUEL 6:17

Aw̄ əndān̄ sandúkə yā Kɔ́ɔ̄ɓē loo ń kadə̄ ndi tū tə́ ní, kem kújə tandā ń Dabid udə kə rīí tə́ ní. Gō tə́ anī Dabid ndējə̄ Kɔ́ɔ̄ɓē dā̰ kə́ róō horoó gə̄ ō, dā̰ kə́ tun̄ tām̄ yā kem kógə̄ḿ tə́ ō.

Teē Ngán Israel gə̄ 33:12

Moijə əda Kɔ́ɔ̄ɓē na kə a̰a̰, na nəkɔ́ na ədan na kə n-ɔr no gír de gə̄ ń noō, ba na ɔjən kə deē ń na a əlan kadə̄ aw̄ seneé ní alé. Tá na i nəkɔ́ n na əda na n-gerə̄n ni Moijə ō, na n-rāā kem majə seneé ō ní.

Teē Ngán Israel gə̄ 33:13

Adə̄ dan ń kemən na i kə́ majə seneé ɓá ní, kə ɔjən yá̰a̰ gə̄ ń na núm̄ yā rāā ní kadə̄ n-ger̄. Na i tītə̄ ń noō n n-a n-gerə̄nneé kə́ rɔ̄kum tə́ ō, na n-gerə̄ń kadə̄ na a rāā kem majə seneé mámák ō ní. Gír de gə̄ ń noō na i gír deē yān gə̄ ní kadə̄ dɔn kə ndígə̄nal alé.