2 SAMUEL 15:20 - Bibəl ta Sar̄

²⁰ Ḭ̄ ī-reē gōḿ tə́ i kə̄ tagə́bēé laā anī ɓōólaā kə m-āw̄ seí loo ɓá a? Loo nəkɔ́ ń kadə̄ m-āw̄ tū tə́ ní gə̄gē m̄-ger̄ aĺ kə̄ laā anī, kə m-úniī kadə̄ āw̄ sejí a? I beé alé, ī-tél āw̄ gogə́ kem ɓēé kə ngákó̰ó̰í gēé, ba ādə̄ Kɔ́ɔ̄ɓē rāā kem majə seí ō, rāā yá̰á̰ kə́ gōtə́ seí ō.

Bible sar

²⁰ Ḭ̄ ī-reē gōḿ tə́ i kə̄ tagə́bēé laā anī ɓōólaā kə m-āw̄ seí loo ɓá a? Loo nəkɔ́ ń kadə̄ m-āw̄ tū tə́ ní gə̄gē m̄-ger̄ aĺ kə̄ laā anī, kə m-úniī kadə̄ āw̄ sejí a? I beé alé, ī-tél āw̄ gogə́ kem ɓēé kə ngákó̰ó̰í gēé, ba ādə̄ Kɔ́ɔ̄ɓē rāā kem majə seí ō, rāā yá̰á̰ kə́ gōtə́ seí ō.

2 SAMUEL 15:20 Referans Kwoze

1 SAMUEL 23:13

Tā anī Dabid ɔr̄ dɔɔ́ kə deē yān gə̄ kə́ asən̄ ɓú mehḛ́ ń noō. Nin̄ teēn̄ kɔ̄ɔ́ kem ɓēé ba dáȳn̄ kə̄ loo gə̄ tə́. De gə̄ ədan̄ Saul na Dabid na teē kem ɓē kə́ Keila tə́ a̰ȳ kɔ̄ɔ́, anī Saul loo gír kaw̄ rɔ̄ tə́ kɔ̄ɔ́.

2 SAMUEL 2:6

Ādə̄ Kɔ́ɔ̄ɓē rāā kem majə sesí ō, rāā háĺ kə́ súmūú sesí ō. Mā, m-ā m̄-rāā majə sesí tām̄ yā yá̰á̰ ń ī-rāāī tə́ ní ō.

JA̰A̰ 1:17

Tɔdɔ̄ adə̄n̄jí ndū najə̄ i kə ta kūl̄ Moijə, ba kem majə ō, najə̄ kə́ rɔ̄kum ō reēn̄ i kə ta kūl̄ Jeju Kərist.

AMOS 8:12

Nin̄ a aw̄n̄ kə̄ loo gə̄ tə́ malang, a ḭḭn̄ dām̄ mbɔ́r ɓē kə́ geleé tə́ yā kaw̄ kum kə̄ no ɓē tə́. Gō tə́ anī a ḭḭn̄ dām̄ mbór ɓē kə́ ko̰ó̰ tə́ yā kaw̄ kum kə̄ gír ɓē tə́ sāā ta róbə koō najə̄ yā Kɔ́ɔ̄ɓē tə́ tə́, banī nin̄ a əngen̄ najə̄ yā Kɔ́ɔ̄ɓē alé.

Gōsə̄ najə̄ gə̄ 14:22

Ngé gír̄ rāā yá̰á̰ kə́ majaĺ gə̄ ndómə̄n̄. Ngé gír̄ rāā yá̰á̰ kə́ majə gə̄ a rāān̄ yá̰a̰ i kə kem majaá ō i kə háĺ kə́ seweé ō.

PĀ GƏ̄ 89:14

Jī kə́ kɔl watang ń toō, kə́ tɔ́gən i ngá̰ý ń toō, jī ko̰ kə́ kəla kə̄ dɔɔ́ ń toō i jīí ḭ̄.

PĀ GƏ̄ 85:10

Ngé gə̄ ń ɓōlə́n̄ ndílən ní kajə yān i rɔ̄də́ tə́ ngɔr. Kɔsə gɔn yān a rāā ɓē danjí tə́.

PĀ GƏ̄ 61:7

Ə̄nī ndɔ̄ ta madə̄ tə́ ādə̄ mban̄g, ādə̄ ɓālə̄n i ɓú nja ngá̰ý!

PĀ GƏ̄ 59:15

Nin̄ tél reēn̄ loo sɔlí ɓáý ba ndōgə̄n̄ tītə̄ bísə gə̄ ō, dáȳn̄ kem ɓēé ō.

PĀ GƏ̄ 57:3

m̄-nōō kə̄ dɔ Nə́ɓā kə́ dɔɔ́ sa̰y ngá̰ý tə́ kadə̄ ajəm̄, m̄-nōō kə̄ dɔ Nə́ɓā ń a rāā yá̰a̰ malang tām̄ yāḿ tə́ ní.

PĀ GƏ̄ 56:8

Yá̰á̰ kə́ gōtə́ aĺ ń rāān̄ asə naā beé ní a ajən̄ a? Nə́ɓā, ī-mbə́rē de gə̄ ń noō ī-tə́nādə́ kə wōngōó!

PĀ GƏ̄ 25:10

Yá̰a̰ gə̄ ń Kɔ́ɔ̄ɓē ɔjə malang ní i kem majə ō, ra dɔ ndū tə́ ō tām̄ yā ngé gə̄ ń rāān̄ yá̰á̰ ń ndū najə̄ kə́ dɔ madə̄ naā yān tə́ əda ní.

Gōsə̄ najə̄ gə̄ 3:3

Ī-ra dɔ ndūí tə́ ngándáńg ō, ī-rāā yá̰á̰ kə́ rɔ̄kum ngándáńg ō, ə̄nīdə́ mədé tə́ kɔ́ɔ́í tə́ ō, ī-ndangdə́ dan wurií tə́ ō.

2 SAMUEL 2:5

ni-əla kəla əda de gə̄ ní na: Ādə̄ Kɔ́ɔ̄ɓē rāā majə sesí, sḭḭ̄ ń ī-dubī Saul ní, tām̄ ī-rāāī i háĺ kə́ súmūú kə kɔ́ɔ̄sí.

PĀ GƏ̄ 61:8

Ɓɔ́ Nə́ɓā, ādə̄ mban̄g o̰o̰ ɓē ta kumií tə́ ngándáńg! Ī-rāā ādə̄ kem majə yāí ō ra dɔ ndūí tə́ yāí ō ngɔ̄m̄nən̄.