2 SAMUEL 15:18 - Bibəl ta Sar̄

¹⁸ Ngé kəla yān gə̄ malang mānə̄n̄ ta kumən tə́: Kereti gə̄ ō, Peleti gə̄ ō, Gat kə́ ɓú mehḛ́ gə̄ ń reēn̄ gōn tə́ ní ō. Nin̄ malang mānə̄n̄ ta kum mban̄g tə́.

Bible sar

¹⁸ Ngé kəla yān gə̄ malang mānə̄n̄ ta kumən tə́: Kereti gə̄ ō, Peleti gə̄ ō, Gat kə́ ɓú mehḛ́ gə̄ ń reēn̄ gōn tə́ ní ō. Nin̄ malang mānə̄n̄ ta kum mban̄g tə́.

2 SAMUEL 15:18 Referans Kwoze

2 SAMUEL 8:18

Ngol ngé ngɔ̄m̄ dɔ ngār gə̄ ń i Kereti gə̄ kə Peleti gə̄ ní i Benaya ngōn̄ Yoyada. Ngán Dabid gə̄ nin̄ i ngé tun̄ yá̰a̰ gə̄ ō.

1 YÁ̰A̰ GƏ̄ 18:17

Benaya ngōn̄ Yoyada i ngol Kereti gə̄ ō, Peleti gə̄ ō ń nin̄ i ngé ngɔ̄m̄ dɔ mban̄g Dabid gə̄ ní ō, ngán Dabid gə̄ i de kə́ bo kə́ ngɔr ngá̰ý gə̄ kə́ rɔ̄ Dabid tə́ gə̄ ō.

1 MBAN̄G GƏ̄ 1:38

Anī Sadok kə́ nge tun̄ yá̰a̰ ō, Natan kə́ nge koō ta ō, Benaya kə́ ngōn̄ Yoyada ō, naā tə́ kə Kereti gə̄ kə Peleti gə̄ ń i ngé ngɔ̄m̄ dɔ mban̄g gə̄ ní ō, aw̄n̄ rɔ̄ Salomo̰ tə́. Nin̄ əndān̄ Salomo̰ dɔ kərō rapáy yā mban̄g Dabid tə́, ba aw̄n̄ seneé ta kəɓa man̄ kə́ Gihon tə́.

2 SAMUEL 20:23

Joab i ngol ngé rɔ̄ɔ̄ gə̄ malang kə́ Israel tə́. Benaya ngōn̄ Yehoyada i ngol Kereti gə̄ ō, Peleti gə̄ ō.

2 SAMUEL 20:7

Deē yā Joab gə̄ ō, Kereti gə̄ ō, Peleti gə̄ ō, go̰ rɔ̄ɔ̄ gə̄ malang ō, aw̄n̄ kə Abisai. Nin̄ teēn̄ kem ɓē kə́ Jerusalem tə́ ba sōngə̄n̄ gō Seba ngōn̄ Bikri.

1 SAMUEL 30:14

Kété ní j-aw̄ jə-ɓogə yá̰a̰ gō nang kə́ Negeb yā Kəretə gə̄ tə́ ō yā Juda gə̄ tə́ ō gō nang kə́ Negeb yā Kaleb tə́ ō. J-əla hor dɔ ɓē kə́ Sikəlag tə́ ō.

2 SAMUEL 18:2

Dabid kēgə̄ áskar gə̄ naā tə́ gír loo mətá: Kə́rēý gə̄ i jī Joab kə́ ngōn̄ Seruya tə́ ō, ngé kə́rēý gə̄ i jī Abisai kə́ ngōkó̰o̰ Joab tə́ ō, gotə gə̄ i jī Itai ń i de kə́ Gat ní tə́ ō. Gō tə́ anī mban̄g əda áskar gə̄ ní na nəkɔ́ n-a n-aw̄ rɔ̄ɔ̄ tə́ sedə́ ō.

2 SAMUEL 6:10

Ni-lōō gír kaw̄ kə sandúkə yā Kɔ́ɔ̄ɓē ɓēé looneé kɔ̄ɔ́, ba adə̄ əndān̄ kem kújə yā Obed Edom ń i de kə́ Gat ní tə́.

1 SAMUEL 27:3

Nin̄ malang ndin̄ rɔ̄ Akis tə́ kem ɓē kə́ Gat tə́ kə gír kojə yādə́ gēé. Dabid ndi kə nə̄yá̰n kə́ jōó gə̄ ń i Ahinoam kə́ Jisreel ō Abigail kə́ Karmel ń i nə̄yá̰ nge yo Nabal ní ō.

1 SAMUEL 23:13

Tā anī Dabid ɔr̄ dɔɔ́ kə deē yān gə̄ kə́ asən̄ ɓú mehḛ́ ń noō. Nin̄ teēn̄ kɔ̄ɔ́ kem ɓēé ba dáȳn̄ kə̄ loo gə̄ tə́. De gə̄ ədan̄ Saul na Dabid na teē kem ɓē kə́ Keila tə́ a̰ȳ kɔ̄ɔ́, anī Saul loo gír kaw̄ rɔ̄ tə́ kɔ̄ɔ́.

1 SAMUEL 25:13

Anī Dabid əda deē yān gə̄ na: Ādə̄ náā nəkɔ́ un kaskar yān do̰ō̰ ɓōdə̄n tə́. Anī nin̄ unən̄ kaskar yādə́ gə̄ tṵ́ṵ̄n̄ ɓōdə̄də́ gə̄ tə́. Dabid nəkɔ́ un kaskar yān do̰ō̰ ɓōdə̄n tə́ ō. De gə̄ ń aw̄n̄ seneé ní asən̄ ɓú sɔ́, ba de gə̄ ń ndin̄ ta yá̰a̰ mbā gə̄ tə́ ní asən̄ ɓú jōó.

1 SAMUEL 30:1

Dabid nin̄ kə deē yān gēé ugə̄n̄ kem ɓē kə́ Sikəlag tə́ i kə ndɔ̄ kə́ nge ko̰ mətá. Ba kété pá tá kadə̄ nin̄ ugə̄n̄ ní, Amalek gə̄ aw̄ ɓogən̄ de gə̄ kə́ dɔ nang kə́ Negeb tə́ ō de gə̄ kə́ kem ɓē kə́ Sikəlag tə́ ō. Nin̄ nujən̄ ɓē sák sák kɔ̄ɔ́ ō əlan̄ hor dɔ tə́ ō.

1 SAMUEL 30:9

Dabid nin̄ kə deē yān kə́ ɓú mehḛ́ gēé aw̄n̄. Nin̄ ugə̄n̄ ta man̄ kə́ Besor tə́.

2 SAMUEL 15:17

Mban̄g nin̄ kə de kə́ gōn tə́ gēé teēn̄ kə njadə́ ba aw̄ dəban̄ kadə kújə́ kə́ ta ngóy ɓē tə́ tə́.

1 SAMUEL 27:4

Dan ń Saul oō kadə̄ Dabid a̰ȳ aw̄ ɓɔ̄ɔ̄ rɔ̄n kem ɓē kə́ Gat tə́ ní anī, ni-lōō gír ndəlen tə́.