2 SAMUEL 15:16 - Bibəl ta Sar̄

¹⁶ Adə̄ mban̄g teē kə njaneé naā tə́ kə kojə yān gēé malang, ba i də̄yá̰ gidə ndogə̄ yān gə̄ n ni əya̰də́ kutə kógə̄ḿ kadə̄ a̰a̰n̄ gō kem kújə́ ní.

Bible sar

¹⁶ Adə̄ mban̄g teē kə njaneé naā tə́ kə kojə yān gēé malang, ba i də̄yá̰ gidə ndogə̄ yān gə̄ n ni əya̰də́ kutə kógə̄ḿ kadə̄ a̰a̰n̄ gō kem kújə́ ní.

2 SAMUEL 15:16 Referans Kwoze

PĀ GƏ̄ 3:1

Pā yā Dabid, i dan ń a̰ȳń kɔ̄ɔ́ no ngōnən Absalom tə́ ní.

2 SAMUEL 20:3

Dabid tél aw̄ gogə́ kem kújə yān kə́ Jerusalem tə́. Ni ɓōkə́ də̄yá̰ gidə ndogə̄ yān kə́ kutə gə̄ ń əya̰də́ kadə̄ ngɔ̄mə̄n̄ kem kújə yān ní kem kújə́ kə́rēý tə́, ba əndā ngé ngɔ̄m̄ loo gə̄ tadə́ tə́ adə̄ ngɔ̄mə̄n̄də́ majə. Ni-a̰a̰ gōdə́ majə banī aw̄ rɔ̄də́ to̰ alé. Utə̄n̄ tadə́ kújú bátə́ ndɔ̄ yodə́ tə́. Nin̄ ndin̄ i tītə̄ dəyá̰ kə́ ngaa koy gə̄ beé.

Makətūbə̄ ń Pol ndang adə̄ Rom gə̄ ní 12:2

Ī-lōōī ndájə̄ hál de kə́ dɔ nang tə́ gə̄. Banī ādī Nə́ɓā tūr̄ kemsí ō, adə̄sí kur̄ dɔ kə́ kijə ō. Loo ń noō tə́ ā ásiī ka̰a̰ yá̰á̰ ń Nə́ɓā ndigə ní yā ger̄. Adə̄ i yá̰á̰ kə́ majə ō, nel̄ Nə́ɓā ō, kə́ majə ɔtə kə taá ō.

2 SAMUEL 12:11

Najə̄ ń Kɔ́ɔ̄ɓē əda ní n toó: M-ā m̄-rāā kadə̄ yá̰á̰ kə́ to kum kaȳ aĺ əsō dɔí tə́. Yá̰á̰ kə́ majaĺ ní a ḭḭ i dan de gə̄ kə́ gír kojə yāí īkɔ́ tə́. M-ā m̄-taā nə̄yá̰í gə̄ jīí tə́ yā kadə̄ ngeeí kə́rēý kə́ ngɔr ngá̰ý kadə̄ ɓīī sedə́ kadaá.

1 SAMUEL 25:42

Abigail ḭḭ láẃ al̄ dɔ kərō yān tə́ ō ngé kəla yān kə́ dəyá̰ gə̄ mí dānə̄nən̄ ō. Ni-un gō ngámbang kəla gə̄ yā Dabid ba tél nə̄yá̰n.

1 SAMUEL 25:27

Ī-taā kadə̄ karī gə̄ ń m̄-reēń kadī tə́ ní, ī-nə̄ɓō balsáa yāí gə̄.

NGÉ SARYA 4:10

Barak ɓāŕ Nepətali gə̄ ō, Jabulo̰ gə̄ ō, adə̄ əngen̄ naā kem ɓē kə́ Kedes tə́. De gə̄ kutə ndigən̄ kaw̄ seneé. Debora nəkɔ́ aw̄ seneé ō.

2 SAMUEL 15:15

Ngé kəla gə̄ yā mban̄g tél ədan̄ mban̄g na: Ká kɔ́ɔ̄jí mban̄g ndigəń i rāā rí gə̄gē, jḭḭ ngé kəla yān gə̄ jə-ndi dɔ rɔ̄jí tə́ kɔ̄ɔ́ yā rāā yá̰á̰ ní.

2 SAMUEL 15:17

Mban̄g nin̄ kə de kə́ gōn tə́ gēé teēn̄ kə njadə́ ba aw̄ dəban̄ kadə kújə́ kə́ ta ngóy ɓē tə́ tə́.

2 SAMUEL 12:2

Nge kənge yá̰á̰ ngá̰ý ní batə̄ yān gə̄ i ngá̰ý ō, man̄g yān gə̄ i ngá̰ý ō.

2 SAMUEL 19:10

De gə̄ malang kə́ gír ɓē yā Israel tə́ gə̄ a kɔ̄lə̄n̄ i naā. Nin̄ ədan̄ na: Mban̄g Dabid ɔr̄jí kɔ̄ɔ́ jī madə̄ ba̰ā̰jí gə̄ tə́, ni-taājí jī Pilistin gə̄ tə́ əya̰jí dɔɔ́. Ngɔlaā ni teē kem ɓēé a̰ȳ i najə yā Absalom tə́.