2 SAMUEL 15:12 - Bibəl ta Sar̄

¹² Dan ń Absalom a tun̄ yá̰a̰ anī əla gō Ahitopel nge kadə̄ Dabid kɔjə̄ tə́ kem ɓē yān tə́ Gilo. Adə̄ kutə de gə̄ yā Absalom a reē i kə̄ dɔ madə̄ tə́ ō, koō naā ní tɔ́gən aw̄ i kum kə́ kété kété ō.

Bible sar

¹² Dan ń Absalom a tun̄ yá̰a̰ anī əla gō Ahitopel nge kadə̄ Dabid kɔjə̄ tə́ kem ɓē yān tə́ Gilo. Adə̄ kutə de gə̄ yā Absalom a reē i kə̄ dɔ madə̄ tə́ ō, koō naā ní tɔ́gən aw̄ i kum kə́ kété kété ō.

2 SAMUEL 15:12 Referans Kwoze

PĀ GƏ̄ 41:9

ədan̄ na: Mo̰y ń rāān noó i mo̰y kə́ majaĺ ngá̰ý, ré ənīī ḭ̄ deē nang tə́ anī ā ḭ́ḭ dɔɔ́ to̰ alé!

2 SAMUEL 15:31

Reē ədan̄ Dabid na Ahitopel i dan ngé koō naā gə̄ tə́, adə̄ ni na i gō Absalom tə́. Anī Dabid əda na: m̄-rāāī ɓɔ́ Kɔ́ɔ̄ɓē, ī-rāā ādə̄ kɔjə̄ yā Ahitopel tél kɔjə̄ kə́ to mbóo ro karī.

JOJUE 15:51

Gosen ō, Holon ō, Gilo ō, adə̄ ɓē i kutə gidə i kógə̄ḿ naā tə́ kə ngán ɓē gə̄ ń ndin̄ kə gō gidií ní.

2 SAMUEL 17:23

Dan ń Ahitopel a̰a̰ kadə̄ de gə̄ tetən̄ rɔ̄də́ gō kɔjə̄ yān tə́ aĺ anī, əndā síŕdí gidə kərō yān tə́ ba ḭḭ dɔ tə́ aw̄ ɓēé. Ni ɔjə de kə́ ta kújə yān tə́ gə̄ yá̰a̰ gə̄ kə́ kadə̄ rāān̄ rāān̄, ba gō tə́ anī ənī kəlā oy kɔ̄ɔ́. Dubə̄nən̄ i kem bəlo ɓádə́ ń dubə̄n bɔbə̄n tū tə́ kété ní tə́.

2 SAMUEL 17:14

Absalom ō, de kə́ dəngam gə̄ kə́ Israel tə́ ō, ədan̄ na: Kɔjə̄ ń Husai adə̄ ní majə tɔȳ yā Ahitopel. Tɔdɔ̄ Kɔ́ɔ̄ɓē ndigə rāā kadə̄ kɔjə̄ kə́ majə yā Ahitopel to karī kɔ̄ɔ́, yā rāań kadə̄ yá̰á̰ kə́ to kum kaȳ aĺ əsō dɔ Absalom tə́.

TITƏ 1:16

Nin̄-ədan̄ na n-gerə̄n̄ Nə́ɓā, banī yá̰a̰ rāādə́ ɔjə kadə̄ nin̄-gerə̄n̄ Nə́ɓā alé rɔ̄kum. Nin̄ i de kə́ majaĺ ngá̰ý gə̄ ō, de kə́ ngé dɔ ngan̄g gə̄ ō, asən̄ rāā yá̰á̰ kógə̄ḿ kə́ majə aĺ ō.

JA̰A̰ 13:18

M-ɔ̄r̄ i najə̄ yāsí sḭḭ̄ malang alé, m̄-ger̄ ngé gə̄ ń m̄-gə̄rādə́ ní. Banī i gáŕ kadə̄ najə̄ ń toō ń ndangən̄ kem makətūbə̄ tə́ ní udə gírí: Deē ń əsa yá̰a̰ seḿ ní, ɔr̄ gándən əɓamə̄ń.

Gōsə̄ najə̄ gə̄ 21:27

Yá̰a̰ tun̄ yā ngé kem ndul gə̄ i yá̰á̰ kə́ to yḛr kum, tɔdɔ̄ nin̄-tunə̄n̄ yá̰á̰ ní i kə ngamaá kemdə́ tə́.

1 YÁ̰A̰ GƏ̄ 27:33

Ahitopel i nge kadə̄ mban̄g kɔjə̄ kə́rēý to̰, Husai i madə̄ ta mban̄g. Ni i Arki deē.

1 MBAN̄G GƏ̄ 21:12

Nin̄ ənīn̄ mbēr̄ kadə̄ de gə̄ ndin̄ ɓō tām̄ yā Nə́ɓā tə́ ō, əndān̄ Nabot kété no ngé kán̄ naā gə̄ tə́ malang ō.

1 MBAN̄G GƏ̄ 21:9

Najə̄ gə̄ ń ni ndang kem makətūbūú ní n toó: Ə̄nīī mbēr̄ kadə̄ de gə̄ ndin̄ ɓō tām̄ yā Nə́ɓā tə́, ba ə̄ndāī Nabot no ngé kán̄ naā gə̄ tə́ malang.

TƏ́DA 23:30

Balak rāā yá̰á̰ ń Balam ədan ní. Gō tə́ anī ni tɔ̄l̄ man̄g kógə̄ḿ ō, bal batə̄ kógə̄ḿ ō, ba tun̄ kə dɔ loo tun̄ yá̰a̰ gēé.

TƏ́DA 23:14

Balak aw̄ kə Balam bátə́ teē seneé loo ngɔ̄m̄ loo kə́ dɔ mbal̄ Pisga tə́. Ni-rāā loo tun̄ yá̰á̰ gír sīrí, ba tɔ̄l̄ man̄g kógə̄ḿ ō, bal batə̄ kógə̄ḿ ō, ba tun̄ kə dɔ loo tun̄ yá̰a̰ gēé.

TƏ́DA 23:1

Balam əda Balak na: Ī-rāā loo tun̄ yá̰a̰ gə̄ gír sīrí ādə̄m̄ loo ń toō tə́ ō, ī-reē kə man̄g gə̄ sīrí ō, bal batə̄ gə̄ sīrí ō.

2 SAMUEL 16:15

Absalom udə kem ɓē kə́ Jerusalem tə́ kə ɓūtə̄ de kə́ dəngam gə̄ malang kə́ Israel tə́. Ahitopel i seneé ō.

2 SAMUEL 23:34

Elipelet ngōn̄ Ahasəbai kə́ ngōn̄ deē kógə̄ḿ kə́ Maaka ō, Eliam ngōn̄ Ahitopel kə́ Gilo ō,

PĀ GƏ̄ 41:10

Madə̄ taḿ ń m-ə̄ndā kemḿ dɔn tə́ ngá̰ý ō, m-ādə̄ əla jīn gōḿ tə́ kem kārāá ō ní, ɔr̄ njan əɓamə̄ń.

Gōsə̄ najə̄ gə̄ 15:8

Yá̰a̰ tun̄ yā ngé kem majaĺ gə̄ i yá̰á̰ kə́ yḛr ta kum Kɔ́ɔ̄ɓē tə́, banī ndɔ̄ȳ yā de kə́ súmūú gə̄ nelə̄n.

JEREMI 6:20

Usəm̄ i rí dɔ kajaja kə́ kḭḭ Saba tə́ ō, dɔ tə̄ɓā kə́ kotə majə kə́ kḭḭ dɔ ɓē kə́ sa̰y ngá̰ý tə́ ō? m̄-gḛy yá̰a̰ tun̄ yāsí kə́ róō horoó gə̄ alé, yá̰á̰ ndējə̄ yāsí gə̄ nelə̄m alé.