2 SAMUEL 15:10 - Bibəl ta Sar̄

¹⁰ Absalom əla deē yān gə̄ kadə̄ ədan̄ gír ɓē gə̄ yā Israel gə̄ malang na ré kə oōn̄ kōō tōw̄ anī, kə ədan̄ na: Absalom ndi mban̄g kem ɓē kə́ Hebron tə́.

Bible sar

¹⁰ Absalom əla deē yān gə̄ kadə̄ ədan̄ gír ɓē gə̄ yā *Israel gə̄ malang na ré kə oōn̄ kōō tōw̄ anī, kə ədan̄ na: Absalom ndi mban̄g kem ɓē kə́ Hebron tə́.

2 SAMUEL 15:10 Referans Kwoze

1 YÁ̰A̰ GƏ̄ 12:38

De kə́ gír ɓē yā Ruben tə́ gə̄ ō, yā Gad tə́ gə̄ ō, yā núsə de kə́ gír ɓē yā Manase tə́ gə̄ ō ń nin̄ i de kə́ gidə bā Jurdḛ kə́ dām̄ kə́ nú tə́ gə̄ ní, nin̄ malang i deē 120 000, kə́ yá̰a̰ rɔ̄ɔ̄ kə́ tayā tayā gēé jīdə́ tə́.

1 YÁ̰A̰ GƏ̄ 12:23

Kə dɔ ndɔ̄ gə̄ ń noō de gə̄ a reē ɓɔ̄ɔ̄n̄ rɔ̄də́ tū yā Dabid tə́ yā kɔsə kílən kə̄ dɔɔ́, adə̄ ngé rɔ̄ɔ̄ yān gə̄ bəlan̄ ngá̰ý.

1 YÁ̰A̰ GƏ̄ 11:3

Kum kɔɔ̄ kə́ Israel tə́ gə̄ malang reē əngen̄ mban̄g Dabid Hebron ō, ni-əhɔ madə̄ naā sedə́ ta kum Kɔ́ɔ̄ɓē tə́ ō. Nin̄ urən̄ yibə̄ ngār dɔn tə́ əndanən̄neé mban̄g kə́ Israel tə́ tītə̄ ń Kɔ́ɔ̄ɓē əndāń ta Samuel tə́ kété adə̄ əda ní.

2 MBAN̄G 9:13

Kə̄ ta jī tə́ beē ngol ngé rɔ̄ɔ̄ gə̄ ró̰ȳn̄ kūbə̄ yādə́ kə́ dɔ madə̄ tə́ gə̄ rɔ̄də́ tə́, lábə̄n̄ dɔ loo kə́ kḭḭ kə̄ dɔɔ́ ń deē a tə́ndā njan i dɔ loo tə́ndā nja gə̄ tə́ tá a al̄ a aw̄ń kə̄ tū tə́ ní tə́ kadə̄ Yehu ndi dɔ tə́. Nin̄ kɔ̄rə́n̄ tōw̄ gajə dā̰ ō, ədan̄ na Yehu i mban̄g ō.

1 MBAN̄G GƏ̄ 1:34

Sadok kə́ nge tun̄ yá̰a̰ ō, Natan kə́ nge koō ta ō, a urən̄ yibə̄ dɔn tə́ loo ń noō tə́ yā kəndānneé mban̄g dɔ Israel gə̄ tə́. Gō tə́ anī ī-kɔ̄ríī tōw̄ gə̄ ō, ə́daī kə ndū boó na kadə̄ dɔ mban̄g Salomo̰ ngan̄g májə́ májə́ ō.

2 SAMUEL 19:10

De gə̄ malang kə́ gír ɓē yā Israel tə́ gə̄ a kɔ̄lə̄n̄ i naā. Nin̄ ədan̄ na: Mban̄g Dabid ɔr̄jí kɔ̄ɔ́ jī madə̄ ba̰ā̰jí gə̄ tə́, ni-taājí jī Pilistin gə̄ tə́ əya̰jí dɔɔ́. Ngɔlaā ni teē kem ɓēé a̰ȳ i najə yā Absalom tə́.

2 SAMUEL 14:30

Anī Absalom əda ngé kəla yān gə̄ na: Á̰a̰ī ndɔr̄ kōō ɔ́rjə yā Joab ń i kadə yāḿ tə́ noō waḿ? Āw̄ ə́laī hor dɔ tə́ kɔ̄ɔ́. Ngé kəla gə̄ aw̄ rāān̄ yá̰á̰ ń Absalom əda ní.

2 SAMUEL 13:28

Absalom əda ngé kəla yān gə̄ na: Ə̄ndāī kumsí gír Amnon tə́ majə. Ré á̰a̰ī kadə̄ kasə rāān adə̄ rɔ̄n nelə̄n ngá̰ý ō, m-ə́dásí na: Ə́ndaī Amnon ō anī, ī-tɔ̄līin̄, ba ī-lōōī ɓōĺ. I mā n m̄-mēr̄sí tɔ̄lən ní aĺ a? I beé ní, ə́hɔī rɔ̄sí tɔgə ba ɔ́jiī kadə̄ sḭḭ̄ i de kə́ dəngam gə̄.

2 SAMUEL 5:5

O̰o̰ ɓē Hebron ɓāl̄ sīrí kə núsə dɔ gír ɓē yā Juda tə́. Gō tə́ anī o̰o̰ ɓē Jerusalem ɓāl̄ kutə mətá gidə i mətá dɔ Israel gə̄ tə́ malang ō, dɔ Juda gə̄ tə́ ō.

2 SAMUEL 2:11

Dabid o̰o̰ ɓē dɔ Juda gə̄ tə́ ɓāl̄ sīrí kə na mehḛ́. Ni-ndi i Hebron n a o̰o̰n ɓē ní.

2 SAMUEL 2:1

Gō yá̰a̰ gə̄ ń noō tə́ anī, Dabid dəje Kɔ́ɔ̄ɓē na ké kə n-aw̄ kem ɓē kógə̄ḿ kə́ dan ɓē gə̄ yā Juda tə́ wa. Anī Kɔ́ɔ̄ɓē ədan na kə aw̄. Dabid tél dəje Kɔ́ɔ̄ɓē ɓáý to̰ na ké kə n-aw̄ i kem nge kə́ rá tə́ wa. Anī Kɔ́ɔ̄ɓē tél ədan na kə aw̄ kem ɓē kə́ Hebron tə́.

2 SAMUEL 15:9

Mban̄g tél əda Absalom na: Āw̄ kə kem sɔlɔ́. Anī ni-aw̄ Hebron.

1 MBAN̄G GƏ̄ 1:11

Anī Natan əda Batəseba kó̰o̰ Salomo̰ na: Adonia ngōn̄ Hagit ndi mban̄g kanjə̄ kadə̄ kɔ́ɔ̄jí Dabid ger̄ gō ní ḭ̄ ōō aĺ a?