2 SAMUEL 14:3 - Bibəl ta Sar̄

³ Ā āw̄ rɔ̄ mban̄g tə́ ba ā ə́dan yá̰á̰ ń m-ā m-ɔ́jiī toó. Loo ń noō tə́ Joab ɔjə dəyá̰ ní najə̄ ń kadə̄ əda mban̄g ní.

Bible sar

³ Ā āw̄ rɔ̄ mban̄g tə́ ba ā ə́dan yá̰á̰ ń m-ā m-ɔ́jiī toó. Loo ń noō tə́ Joab ɔjə dəyá̰ ní najə̄ ń kadə̄ əda mban̄g ní.

2 SAMUEL 14:3 Referans Kwoze

2 SAMUEL 14:19

Anī mban̄g dəjen na ké najə̄ gə̄ ń ɔr̄ malang toó ní ké i Joab n əndā tan tə́ aĺ wa. Anī dəyá̰ ní əda mban̄g na: Kɔ́ɔ̄ ɓē gə̄, tītə̄ ń ī-ndiń kə kumií noō, i ngarā̰ kum najə̄ n ə́dá ní. Rɔ̄kum, i nge kəla yāí Joab n ədam̄ na kə m̄-rāā yá̰á̰ ń m̄-rāā toó ní ō, i nəkɔ́ n əndā najə̄ gə̄ ń toō malang taḿ tə́ kadə̄ m-ɔ̄r̄ ō ní.

Teē Ngán Israel gə̄ 4:15

Kə ɔr̄ najə̄ seneé, kə əndā najə̄ gə̄ ń kadə̄ əda ní tan tə́. Ba na nəkɔ́ Kɔ́ɔ̄ɓē na i naā tə́ sedə́ ō, na n-a n-ɔjədə́ yá̰á̰ ń kadə̄ rāān̄ ní ō.

JEREMI 1:9

Kɔ́ɔ̄ɓē əla jīn ɔdəń taḿ. Ni ədam̄ na: Ń toō m-ə̄ndā najə̄ yāḿ taí tə́.

IJAI 59:21

Kɔ́ɔ̄ɓē əda najə̄ kə́ rang dɔ tə́ ɓáý: Ba mā ɓáa, ndūḿ ń m-ə̄nī m-ādə̄ ngé gə̄ ń noō ní n toó: Ndílə́ḿ i dɔsí tə́ ō, m-ə̄ndā najə̄ yāḿ tasí tə́ ō. Nin̄ i tām̄ yāsí tə́ ō, tām̄ yā ngáńsí gə̄ tə́ ō, i tām̄ yā ngán kaasí gə̄ tə́ ō, ngɔlaā ō njɔ́ḿ kə̄ no tə́ ō. M-ā m̄-tél yā taādə́ jīsí tə́ kɔ̄ɔ́ aĺ i kə́ bátə́ gə̄ tə́. I mā Kɔ́ɔ̄ɓē n m-ə́da na najə̄ ń noō i rɔ̄kum ní.

IJAI 51:16

M-ə̄ndā dɔ rā̰ loo ran tə́ ō, m-ə̄ndā dɔ nang ba m-ə́da Siyo̰ na: Ḭ̄ i gír de gə̄ yāḿ ō. m̄-ə̄ndā najə̄ yāḿ taí tə́ ō, m̄-rāā ndíl jīḿ dɔí tə́ m̄-ngɔ̄mīneé ō.

NDŪ NAJƏ̄ 18:18

M-ā m-ə́la kə nge koō ta kə́ tītīí yā kadə̄də́. Deē ń m-ā m-ə́la seneé ní i de kə́ gír yādə́ tə́. M-ā m-ə̄ndā najə̄ yāḿ tan tə́, ba yá̰a̰ malang ń m-ā m̄-mērən kədadə́ ní, ni a ədadə́.

TƏ́DA 23:5

Anī Kɔ́ɔ̄ɓē əndā najə̄ ta Balam tə́ ədan na: Ī-tél āw̄ gogə́ rɔ̄ Balak tə́ ba ɔ̄r̄ najə̄ seneé tītə̄ ń noō.

2 SAMUEL 14:4

Adə̄ dəyá̰ kə́ Tekoa ní aw̄ kɔr̄ najá kə mbangāá. Ni-əsō ɔsə non nang tə́ no mban̄g tə́, ba əda na: Kɔ́ɔ̄ ɓē gə̄, ī-dḭḭ̄m̄ tə́!

ESDRAS 8:17

kadə̄ aw̄n̄ rɔ̄ Ido ngār kə́ Kasipia tə́. M-ə́dádə́ najə̄ ń kadə̄ aw̄ ədanən̄ ō, ədan̄ ngákó̰o̰n gə̄ kə́ ngé kəla gə̄ kə́ Kasipia ní ō, kadə̄ reēn̄ kə ngé rāā kəla gə̄ kə́ tām̄ yā kújə yā Nə́ɓā yājí tə́ adə̄n̄jí.