2 SAMUEL 14:16 - Bibəl ta Sar̄

¹⁶ Adə̄ deē ń sāā tə̄ɓājí kə ngōnə̄ḿ kɔ̄ɔ́ kem ɓē ń Nə́ɓā adə̄ gír deē yān gə̄ tə́ ní, ḭ̄ ā ī-ndigə taājí kə ngōnə̄ḿ kem jī kɔ́ɔ̄ tə́ yā kəya̰jí dɔɔ́.

Bible sar

¹⁶ Adə̄ deē ń sāā tə̄ɓājí kə ngōnə̄ḿ kɔ̄ɔ́ kem ɓē ń Nə́ɓā adə̄ gír deē yān gə̄ tə́ ní, ḭ̄ ā ī-ndigə taājí kə ngōnə̄ḿ kem jī kɔ́ɔ̄ tə́ yā kəya̰jí dɔɔ́.

2 SAMUEL 14:16 Referans Kwoze

1 SAMUEL 26:19

Kɔ́ɔ̄ ɓē gə̄, m̄-rāāī ɓɔ́, ōō najə̄ ń mā nge kəla yāí m-ā m-ə́daī ní: Ré i Kɔ́ɔ̄ɓē n ra seí ta rāām̄ yá̰á̰ kə́ beē anī, ādə̄ un usə yá̰a̰ ndējə̄ kə́ kotə majə. Ba ré i de gə̄ anī, ādə̄ Kɔ́ɔ̄ɓē ndɔ̄ĺdə́. Tɔdɔ̄ ɓōólaā tə̄ɓāmə̄n̄ kɔ̄ɔ́, ɔgə̄mə̄n̄ ndi dɔ nang ń Kɔ́ɔ̄ɓē adə̄ deē yān gə̄ tə́ ní. Adə̄ to i tītə̄ kə́ ədamə̄n̄ na kə m-āw̄ kə m̄-rāā ɓesə̄ gə̄ beé.

NDŪ NAJƏ̄ 32:9

Tɔdɔ̄ yá̰a̰ yā Kɔ́ɔ̄ɓē i gír deē yān gə̄, tá Jakob i yá̰a̰ kənge yān.

2 SAMUEL 14:15

Kɔ́ɔ̄ ɓē gə̄, ré m̄-reē m-ə́daī yá̰a̰ gə̄ ń toō malang ní ɓáa, kumən na de gə̄ rāāmə̄n̄ adə̄ m̄-ɓōĺ. Adə̄ m̄-gír̄ kemḿ tə́ m-ə́da na kə m̄-reē kə m-ə́daī na majanī ā ī-rāā yá̰á̰ ń m-ə́daī ní.

2 SAMUEL 20:19

Dɔ nang kə́ Israel tə́ ní yá̰á̰ kə́ reē kə lápə́yaá tɔȳ gotə yá̰a̰ gə̄ malang i ɓē yājí ō, yá̰á̰ kə́ kadə̄ deē ənī kemən adə̄n tɔȳ gotə yá̰a̰ gə̄ malang i ɓē yājí ō. Banī ḭ̄ ī-sāā nujə ɓē kə́ bo kə́ dan madə̄ gə̄ tə́ dɔ nang kə́ Israel tə́. Yá̰á̰ ń i yá̰a̰ yā Kɔ́ɔ̄ɓē ní ī-sāā nujəń i tām̄ rí tə́?

PĀ GƏ̄ 72:12

Ni a gān̄g dɔ de kə́ nge rɔ̄ tō ndoō ń a ɓāŕ yá̰á̰ ní ō, dɔ de kə́ ndoō ń de kə́ nge rāā seneé gətóó ní ō.

Gōsə̄ najə̄ gə̄ 16:10

Mban̄g a ɔr̄ najə̄ i kə ndū ko̰o̰ ɓē yā Nə́ɓāá, ni a ndóm̄ loo gān̄g sarya tə́ alé.