2 SAMUEL 13:4 - Bibəl ta Sar̄

⁴ Yonadab əda Amnon na: Ngōn̄ mban̄g i ba̰ý á kə dɔ ndɔ̄ gə̄ dəloí anī ā ī-njə̄rā i sɔ sɔ ní? Ī-ndigə kədam̄ yá̰á̰ ń rāā yá̰á̰ ní aĺ a? Anī Amnon tél əda Yonadab na: I ngōkó̰o̰ Absalom kə́ dəyá̰ ń rīn na i Tamar ní n m̄-gḛyn ngá̰ý ní.

Bible sar

⁴ Yonadab əda Amnon na: Ngōn̄ mban̄g i ba̰ý á kə dɔ ndɔ̄ gə̄ dəloí anī ā ī-njə̄rā i sɔ sɔ ní? Ī-ndigə kədam̄ yá̰á̰ ń rāā yá̰á̰ ní aĺ a? Anī Amnon tél əda Yonadab na: I ngōkó̰o̰ Absalom kə́ dəyá̰ ń rīn na i Tamar ní n m̄-gḛyn ngá̰ý ní.

2 SAMUEL 13:4 Referans Kwoze

Najə̄ kə́ Majə yā Jeju ń Luk ndang ní 12:32

Sḭḭ̄ ń ī-toī i tītə̄ ɓūtə̄ yá̰a̰ kul̄ gə̄ kə́ sḛ́ý beē ní, ī-lōōī ɓōĺ. Tɔdɔ̄ nel̄ kem Bɔbə̄sí kadə̄ adə̄sí Ɓē ko̰o̰ yān.

MISE 7:3

Rāā yá̰á̰ kə́ majaĺ ní, nin̄ ngangə̄n̄ ngá̰ý loon tə́. Ngār gə̄ adə̄ a mangən̄də́ i mbée ō, ngār sarya gə̄ a dəjen̄ i yá̰a̰ kəndā nja gə̄ ō, yá̰a̰ gə̄ ń de kə́ bo gə̄ gḛyn̄ kənge ní, nin̄ ədan̄ adə̄ kumən unjə̄ ō. Nin̄ əndān̄ rɔ̄də́ naā tə́ yā rāań yá̰a̰ yādə́ kə́ majaĺ gə̄ ō.

JEREMI 8:12

Majə kadə̄ rɔ̄də́ sɔl̄də́ tɔdɔ̄ rāān̄ yá̰á̰ kə́ majaĺ ngá̰ý gə̄, ba mbātə́n̄ ger̄ yá̰á̰ kə́ to rɔ̄ sɔl̄ gə̄ ń rāān̄ ní. Gerə̄n̄ gō yá̰á̰ kə́ to rɔ̄sɔl̄ gə̄ ń rāān̄ ní kem ángaldə́ tə́ alé. I tām̄ ń toō tə́ a bḭ́ḭ̄n̄ dan ń m-ā m-ə́ndádə́ ní ō, a tə́sōn̄ tītə̄ yā gotə de gə̄ ō ní. Najə̄ ń Kɔ́ɔ̄ɓē əda ní n noó.

IJAI 3:9

Nin̄ a sāān̄ i ger̄ ta kum deē tá yā rāań majə seneé aĺ. Yá̰á̰ ń noō ń nin̄ rāān̄ ní, reē kə nājāá dɔdə́ tə́. Nin̄ mundə̄n̄ majaĺ yādə́ alé, tītə̄ ń de kə́ Sodom gə̄ rāanəń ní ō, ədan̄ najə̄ majaĺ yādə́ ta kum de gə̄ tə́ malang ō. Yá̰á̰ ń to gō jī aĺ ní, nin̄ əndān̄ i dɔ yá̰á̰ kə́ to kum kaȳ aĺ danaá tām̄ yādə́ nin̄ kɔ́ gə̄ tə́!

LEBI GƏ̄ 20:17

Ré dəngam taā ngōkó̰ó̰ kə́ kem bəra madə̄n, aláa kə́ kem kó̰o̰ madə̄n adə̄ gerə̄n̄ naā kə́ dəyá̰ nin̄ kə dəngam tə́ ɓá anī, nin̄ rāān̄ i yá̰á̰ kə́ to rɔ̄sɔl̄. A ɔrə̄n̄də́ kɔ̄ɔ́ ta kum gír deē yādə́ gə̄ tə́. Ni-sāā ngōkó̰o̰n kə́ dəyá̰ ɓá ní najə̄ i dɔn nəkɔ́ tə́.

LEBI GƏ̄ 18:9

Ā ī-ɓīī kə ngōkó̰ó̰í kə́ dəyá̰ alé, kem bəra madí aĺ ō, kem kó̰o̰ madí aĺ ō. Ká ojənən̄ i ta kújə tə́ ɓē aké i ndágá gə̄gē anī, ā ī-ɓīī seneé alé.

1 MBAN̄G GƏ̄ 21:7

Nə̄yá̰n Jesabel tél ədan na: I ḭ̄ n i nge ko̰o̰ ɓē dɔ Israel gə̄ tə́ ní aĺ a! Ḭ́ḭ dɔɔ́ ə́sa yá̰a̰, ādə̄ rɔ̄í nelī. I mā n m-ā m-ādī ndɔr̄ kāgə̄ nduú yā Nabot kə́ Jisreel ní.

2 SAMUEL 13:3

Banī madə̄ Amnon kə́rēý kə́ kumən edə̄ ngá̰ý i noó, rīn na i Yonadab. Ni i ngōn̄ Sama kə́ ngōkó̰o̰ Dabid.

2 SAMUEL 13:5

Anī Yonadab əda Amnon na: Ī-to kem tə̄ráá ba ī-rāā tītə̄ kə́ ḭ̄ i mo̰y beé. Ré bɔbí reē go̰ō̰í tə́ anī, ə́dan na kə adə̄ ngōkó̰ó̰í Tamar ta róbə kadə̄ reē kə rāā yá̰a̰ kəsa kə adī kadə̄ ə́sa. Kadə̄ rāā yá̰a̰ kəsa ní i ta kumií tə́ kadə̄ á̰a̰ā̰ ō, kadə̄ nəkɔ́ Tamar reēń adī ō.

1 MBAN̄G GƏ̄ 21:5

Nə̄yá̰n Jesabel reē rɔ̄n tə́ ba dəjen na ké i ba̰ý á rɔ̄n nelə̄n aĺ beē ō, mbātə́ kəsa yá̰a̰ ō ní wa.