2 SAMUEL 13:3 - Bibəl ta Sar̄

³ Banī madə̄ Amnon kə́rēý kə́ kumən edə̄ ngá̰ý i noó, rīn na i Yonadab. Ni i ngōn̄ Sama kə́ ngōkó̰o̰ Dabid.

Bible sar

³ Banī madə̄ Amnon kə́rēý kə́ kumən edə̄ ngá̰ý i noó, rīn na i Yonadab. Ni i ngōn̄ Sama kə́ ngōkó̰o̰ Dabid.

2 SAMUEL 13:3 Referans Kwoze

1 SAMUEL 16:9

Jese adə̄ Sama mān̄ ta kum Samuel tə́ banī ni-əda na: I ni ń toō n Kɔ́ɔ̄ɓē gə̄rān ní aĺ ō.

1 KORḚNTƏ 3:19

Tɔdɔ̄ kum kedə̄ yā de kə́ dɔ nang tə́ laā gə̄ i yá̰á̰ kə́ to mbóo ta kum Nə́ɓā tə́. Tām̄ ndangən̄ kem makətūbə̄ yā Nə́ɓā tə́ na: Nə́ɓā əhɔ ngé kum kedə̄ gə̄ kə ngam yādə́ nin̄ kɔ́ gɔ̄ɔ́.

JAKƏ 3:15

Kum kedə̄ ń toō i kum kedə̄ kə́ ḭḭ i dɔɔ́ alé, banī i kum kedə̄ kə dɔ nang tə́ ō, i yā deē ndul ō, yā ndíĺ kə́ majaĺ gə̄ ō.

JEREMI 4:22

Rɔ̄kum, gír deē yāḿ gə̄ i de kə́ mbóo gə̄. Nin̄ ger̄mə̄n̄ alé. I ngán kə́ sapə gə̄, asən̄ ger̄ kum yá̰á̰ kógə̄ḿ alé. Nin̄ ɔlən̄ tū rāā yá̰á̰ kə́ majaĺ tə́, ba gerə̄n̄ rāā majə alé.

Gōsə̄ najə̄ gə̄ 19:6

Ngé gə̄ ń ran̄ ta kum de kə́ bo tə́ yā rāā kadə̄ kemən nelə̄n ní i ngá̰ý ō, de gə̄ malang i madə̄ ta de kə́ nge kadə̄ de gə̄ kadə̄ karī gə̄ ō.

ESTER 6:13

Ni ɔjə nə̄yá̰n Jeres gotə yá̰a̰ malang ń rāān ní ō, ɔjə madə̄n gə̄ malang ō. Ngé kum kedə̄ yān gə̄ ō, nə̄yá̰n ō, ədanən̄ na: Ré Mardose ń ə́lá gír kəsō non tə́ toō i Jipə anī ā ásə rāā yá̰á̰ kógə̄ḿ seneé alé, ā ī-to i dan tə́sō tə́ non tə́ ngándáńg!

ESTER 5:14

Anī nə̄yá̰n Jeres ō, madə̄n gə̄ malang ō, ədanən̄ na: Ādə̄ udən̄ kāgə̄ tɔ̄l̄ de kə́ ngālən kə́ kə̄ dɔɔ́ i métər kutə jōó gidə i mí. Ba bírí dəloí anī ə́da mban̄g ādə̄ ənīn̄ kəlā míndə Mardose tə́ ba do̰ō̰nən̄ ta tə́ dɔɔ́. Gō tə́ anī ā āw̄ kəsa yá̰á̰ kə mbangāá kə rɔ̄nelēé. Haman ndigə yá̰á̰ ń ɔjən̄ ní adə̄ rāān̄ kāgə̄ tɔ̄l̄ deē ní.

ESTER 5:10

Banī ni-əhɔ rɔ̄n tɔgə aw̄ ɓēé. Gō tə́ anī əla gō madə̄n gə̄ tə́ ō, gō nə̄yá̰n Jeres tə́ ō adə̄ reēn̄.

2 SAMUEL 14:2

Ni-əla gō dəyá̰ kógə̄ḿ kə́ kumən edə̄ ngá̰ý tə́ kem ɓē kə́ Tekoa tə́ adə̄ reē, ba ədan na: Ā ī-rāā tītə̄ kə́ deē yāí kógə̄ḿ oy adə̄ ā ə́hɔ i ndoōn. Ā ō̰ō̰ pír ō, ā ī-ndum yibə̄ aĺ ō, ā ī-rāā tītə̄ kə́ ḭ̄ i dəyá̰ kógə̄ḿ kə́ a əhɔ i ndoō deē yān kə́ oy jóó ngá̰ý beé.

2 SAMUEL 13:32

Banī Yonadab ngōn̄ Sama kə́ ngōkó̰o̰ Dabid ɔr̄ najə̄ əda na: Kɔ́ɔ̄ ɓē gə̄, ī-lōō kɔjəń na tɔ̄lə̄n̄ ngání gə̄ malang. I Amnon ngóy n oy. I ndɔ̄ ń Amnon sāań ngōkó̰o̰n Tamar dɔ gúú tə́ ní n Absalom ənīń ndūn yā tɔ̄ləń Amnon ní.

NGÉ SARYA 14:20

Télən̄ kə nə̄yá̰n adə̄n̄ madə̄n ń a̰a̰ gō yá̰a̰ gə̄ kə́ loo yá̰a̰ kūjə́ taā naā yān tə́ ní adə̄ taā.

TA KƏLA 38:20

Juda əla madə̄n kə́ Adulam ní kə ngōn̄ bə̄yā̰á̰ kadə̄ dəyá̰ ní tə́, yā taāń yá̰a̰ gə̄ ń ni-əhɔ kə̄rā tə́ ní. Ba madə̄n ənge dəyá̰ ní alé.

TA KƏLA 38:1

Dan ngeé ń noō tə́ ní, Juda əya̰ ngákó̰o̰n gə̄ ba aw̄ Adulam rɔ̄ deē kógə̄ḿ kə́ rīn na i Hira tə́.

TA KƏLA 3:1

Lī i dā̰ kə́ kumən edə̄ tɔȳ gotə dā̰ gə̄ malang kə́ bembeé ń Kɔ́ɔ̄ɓē Nə́ɓā rāā ní. Ni-dəje dəyá̰ na: Nə́ɓā əda na kə ə́saī kan̄ kāgə̄ kə́ ndɔrɔ́ malang aĺ rɔ̄kum a?

1 SAMUEL 16:11

Gō tə́ anī Samuel dəje Jese na: Balsáa yāí gə̄ i laā malang a? Jese ədan na: Nge kə́ dūú na̰y noó ɓáý. Ni a ngɔ̄m̄ i yá̰a̰ kul̄ gə̄. Anī Samuel əda Jese na: Ə́la gōn tə́ ādə̄ reē. Ré ni ugə̄ pá tá j-a j-əsaī yá̰á̰ ɓáý.

2 SAMUEL 13:2

Gḛy ń Amnon gḛy ngōkó̰o̰n Tamar ngá̰ý ní rāā adə̄ Amnon əsō mo̰y, tām̄ ni ger̄ yá̰á̰ kə́ yā rāā tá kaw̄ń rɔ̄n tə́ alé, tɔdɔ̄ Tamar ger̄ dəngam aĺ ɓáý.

2 SAMUEL 13:4

Yonadab əda Amnon na: Ngōn̄ mban̄g i ba̰ý á kə dɔ ndɔ̄ gə̄ dəloí anī ā ī-njə̄rā i sɔ sɔ ní? Ī-ndigə kədam̄ yá̰á̰ ń rāā yá̰á̰ ní aĺ a? Anī Amnon tél əda Yonadab na: I ngōkó̰o̰ Absalom kə́ dəyá̰ ń rīn na i Tamar ní n m̄-gḛyn ngá̰ý ní.

2 SAMUEL 21:21

Go̰ rɔ̄ɔ̄ ní sāā ta Israel gə̄, ni tájə̄də́. Anī Yonatan ngōn̄ Simea kə́ ngōkó̰o̰ Dabid tɔ̄lən.

1 YÁ̰A̰ GƏ̄ 2:13

Jese ojə ngán gə̄ sīrí, rīdə́ n toó: Hágə Jese i Eliab. Abinadab i ngōnən kə́ nge ko̰ jōó, Simea i ngōnən kə́ nge ko̰ mətá,

1 YÁ̰A̰ GƏ̄ 27:32

Yonatan i nge kadə̄ mban̄g kɔjə̄. Ni i ngōkó̰o̰ bɔbə̄ Dabid. I de kə́ ger̄ najə̄ ō, i nge ndang makətūbə̄ ō, Yehiel kə́ ngōn̄ Hakəmon i nge ndóō ngán kem mban̄g yá̰a̰ i Yehiel.