2 SAMUEL 13:23 - Bibəl ta Sar̄

²³ Ɓāl̄ jōó mān̄ gō yá̰a̰ gə̄ ń noō tə́. Ba ndɔ̄ kə́rēý tə́ anī kəja bḭḭ̄ batə̄ i ɓē Absalom loo ń a ɓārə́n̄ na i Baal Hasor ní tə́. I loo kə́ ngɔr kadə ɓē kə́ Epəraim tə́. Absalom ɓāŕ ngákó̰o̰n gə̄ ń i ngán mban̄g gə̄ ní malang kadə̄ aw̄n̄ loo kəja bḭḭ̄ batə̄ ní tə́.

Bible sar

²³ Ɓāl̄ jōó mān̄ gō yá̰a̰ gə̄ ń noō tə́. Ba ndɔ̄ kə́rēý tə́ anī kəja *bḭḭ̄ batə̄ i ɓē Absalom loo ń a ɓārə́n̄ na i Baal Hasor ní tə́. I loo kə́ ngɔr kadə ɓē kə́ *Epəraim tə́. Absalom ɓāŕ ngákó̰o̰n gə̄ ń i ngán mban̄g gə̄ ní malang kadə̄ aw̄n̄ loo kəja bḭḭ̄ batə̄ ní tə́.

2 SAMUEL 13:23 Referans Kwoze

1 SAMUEL 25:4

Dan ń Dabid ndi kem dəla loo tə́ ní oō kadə̄ Nabal a əja i bḭḭ̄ batə̄ yān gə̄,

2 YÁ̰A̰ GƏ̄ 26:10

Ni-rāā kújə́ kə́ ngāl̄ ɓururu gə̄ kem dəla loo tə́ ō, ndēr̄ bəlo taā man̄ gə̄ ngá̰ý ō, tɔdɔ̄ yá̰a̰ kul̄ yān gə̄ i ngá̰ý loo kə́ mbal̄ bo gə̄ gətóon̄ tū tə́ tə́ ō, wól loo tə́ ō. Ni-aw̄ kə ngé ndɔr̄ gə̄ ō, ngé ndɔr̄ kāgə̄ nduú gə̄ ō, tɔdɔ̄ kəla ndɔr̄ nelə̄n ngá̰ý.

2 MBAN̄G 3:4

Mesa, mban̄g kə́ Moab i nge kul̄ batə̄ gə̄. Kə dɔ ɓāl̄ gə̄ ní ni a adə̄ mban̄g kə́ Israel ngán batə̄ gə̄ dūbú ɓú ō, bal batə̄ kə́ kə bḭḭ̄də́ gēé dūbú yá̰a̰ tīr̄ tə́.

1 MBAN̄G GƏ̄ 1:25

Tɔdɔ̄ ɓōólaā ni-aw̄ ta kəɓa man̄ kə́ Rogel tə́ aw̄ tun̄ man̄g kə́ bəra gə̄ ō, man̄g kə́ bəra kə́ bo majə gə̄ ō, batə̄ gə̄ ngá̰ý ō, ba mēr̄ ngání gə̄ ō, ngol ngé rɔ̄ɔ̄ gə̄ ō, Abiatar kə́ nge tun̄ yá̰a̰ ō, kaw̄ loo tun̄ yá̰á̰ ní tə́. Ndi a əsan̄ yá̰a̰ ō, a a̰ȳn̄ ō, seneé noō ba əga kɔŕ əda na kadə̄ dɔ mban̄g Adonia kə ngan̄g májə́ májə́!

1 MBAN̄G GƏ̄ 1:19

Ni tun̄ man̄g kə́ bəra gə̄ ō, duĺ man̄g kə́ bo majə gə̄ ō, batə̄ gə̄ ngá̰ý ō, ba mēr̄ ngání gə̄ malang ō, Abiatar kə́ nge tun̄ yá̰a̰ ō, ngol ngé rɔ̄ɔ̄ gə̄ ń i Joab ní ō, kaw̄ loo tun̄ yá̰á̰ ní tə́, banī mēr̄ ngōnīí Salomo̰ alé.

1 MBAN̄G GƏ̄ 1:9

Ndɔ̄ kə́rēý tə́ Adonia tun̄ yá̰a̰ kadə mbal̄ Johelet tə́, ngɔr kə̄ ta kəɓa man̄ yā ngé rāā kəla kūbə̄ gə̄ tə́. Ni tun̄ i batə̄ gə̄ ō, man̄g gə̄ ō, duĺ man̄g kə́ yḛmbə gə̄ ō. Ni mēr̄ ngán mban̄g Dabid gə̄ ń i ngákó̰o̰n gə̄ ní ō, de kə́ bo gə̄ kə́ gō nang yā Juda tə́ kə́ ngé rāā kəla yā Dabid gə̄ ō, malang reē loo ní tə́.

1 SAMUEL 25:36

Dan ń Abigail tél aw̄ ugə̄ ɓēé anī, ənge Nabal i ta yá̰a̰ kəsa kə́ ngá̰ý tə́. I yá̰á̰ kə́ ngá̰ý kə́ tītə̄ yá̰a̰ kəsa mban̄g beé. Rɔ̄ Nabal nelə̄n ngá̰ý. Kasə rāān kɔ̄ɔ́, adə̄ Abigail ədan yá̰á̰ kógə̄ḿ alé bátə́ ta gír loo tə́.

1 SAMUEL 25:7

M-ōō kadə̄ na kəja bḭḭ̄ batə̄ i ɓēé looneé. Ba dan ń ngé kul̄ yá̰a̰ yān gə̄ ndin̄ sejí Karmel ní, jə-rāādə́ majaĺ aĺ ō tá yá̰a̰ yādə́ kógə̄ḿ ta tḭ̄ḭ̄ aĺ ō.

1 SAMUEL 25:2

De kógə̄ḿ ndi Maon, banī yá̰a̰ kənge yān i Karmel. Deē ní ənge yá̰á̰ ngá̰ý. Batə̄ yān gə̄ i dūbú mətá ō bə̄yā̰ yān gə̄ i dūbú kógə̄ḿ ō. Deē ní aw̄ kəja bḭḭ̄ batə̄ yān gə̄ tə́ Karmel.

2 SAMUEL 13:24

Ni-aw̄ rɔ̄ mban̄g tə́ ba ədan na: Kəja bḭḭ̄ batə̄ i ɓēé looḿ mā nge kəla yāí. Ní, m̄-rāāī ɓɔ́ ba ī-dān̄mī loo kəja bḭḭ̄ batə̄ ní tə́ kə ngé kəla yāí gēé.

TA KƏLA 31:19

Laban aw̄ kəja bḭḭ̄ batə̄ yān gə̄ tə́, anī Rasel ɓogə ɓesə̄ terapim yān gə̄ gotən tə́.

NEHEMI 11:33

Hasor ō Rama ō Gitaim ō