2 SAMUEL 13:12 - Bibəl ta Sar̄

¹² Tamar tél ədan na: Ngōkó̰ó̰ḿ, i beé alé! Ī-lōō sāām̄ dɔ gúú tə́, tɔdɔ̄ a rāān̄ yá̰á̰ kə́ beé dɔ nang kə́ Israel tə́ alé! Ī-lōō rāā yá̰á̰ kə́ to rɔ̄sɔl̄ beé.

Bible sar

¹² Tamar tél ədan na: Ngōkó̰ó̰ḿ, i beé alé! Ī-lōō sāām̄ dɔ gúú tə́, tɔdɔ̄ a rāān̄ yá̰á̰ kə́ beé dɔ nang kə́ *Israel tə́ alé! Ī-lōō rāā yá̰á̰ kə́ to rɔ̄sɔl̄ beé.

2 SAMUEL 13:12 Referans Kwoze

NGÉ SARYA 20:6

M-ún nīnəń m̄-gór̄yō dugəju ba m̄-tə́lań kə dɔ nang yā ngán Israel gə̄ malang. Tɔdɔ̄ nin̄ rāān̄ i yá̰á̰ kə́ majaĺ ngá̰ý ō, kə́ to rɔ̄sɔl̄ ngá̰ý ō dɔ nang kə́ Israel tə́.

NGÉ SARYA 19:23

Kɔ́ɔ̄ kújə́ ní teē ndágá ba ədadə́ na: Madə́ḿ gə̄, m̄-rāāsí ɓɔ́, ī-lōōī rāā yá̰á̰ kə́ majaĺ. Dəngam ń toō əla dɔn gíŕ kújə yāḿ tə́ kɔ̄ɔ́ ɓá ní, ī-lōōī rāā yá̰á̰ kə́ ta rɔ̄sɔl̄ tītə̄ ń noō.

LEBI GƏ̄ 20:17

Ré dəngam taā ngōkó̰ó̰ kə́ kem bəra madə̄n, aláa kə́ kem kó̰o̰ madə̄n adə̄ gerə̄n̄ naā kə́ dəyá̰ nin̄ kə dəngam tə́ ɓá anī, nin̄ rāān̄ i yá̰á̰ kə́ to rɔ̄sɔl̄. A ɔrə̄n̄də́ kɔ̄ɔ́ ta kum gír deē yādə́ gə̄ tə́. Ni-sāā ngōkó̰o̰n kə́ dəyá̰ ɓá ní najə̄ i dɔn nəkɔ́ tə́.

TA KƏLA 34:7

Dan ń ngán Jakob gə̄ télən̄ bembeé á oōn̄ najə̄ ní ní, wōn̄g rāādə́ ngá̰ý tām̄ yá̰á̰ kə́ to rɔ̄sɔl̄ ń Sisem rāā tə́ ní. Ni sāā ngōn̄ Jakob dɔ gúú tə́, i yá̰á̰ kə́ deē a rāā Israel tə́ alé.

LEBI GƏ̄ 18:11

Ā ī-ɓīī kə ngōkó̰ó̰í kə́ dəyá̰ ń i ngōn̄ nə̄yá̰ bɔbí ní alé. I bɔbí n ojən adə̄ i kem bəra madí.

LEBI GƏ̄ 18:9

Ā ī-ɓīī kə ngōkó̰ó̰í kə́ dəyá̰ alé, kem bəra madí aĺ ō, kem kó̰o̰ madí aĺ ō. Ká ojənən̄ i ta kújə tə́ ɓē aké i ndágá gə̄gē anī, ā ī-ɓīī seneé alé.

Gōsə̄ najə̄ gə̄ 7:7

Anī m-á̰á̰ ngáń kə́ dəngam gə̄ kə́ kumdə́ gān̄g aĺ gə̄, anī kumḿ əsō dɔ balsáá kógə̄ḿ kə́ kur̄ dɔn gətóo tə́ dɔ dáńdə́ tə́.

NDŪ NAJƏ̄ 22:29

dəngam ní a adə̄ bɔbə̄ dəyá̰ sə́lē arjā̰a̰ kutə mí ō, a taā dəyá̰ ní kə́ njɔ́ḿ gə̄ tə́ ō, a tə̄ɓān kɔ̄ɔ́ aĺ ō, bátə́ kadə̄ nəkɔ́ dəngam ní oyń, tām̄ ni ɓīī kə dəyá̰ ní kɔ̄ɔ́ ɓá.

TA KƏLA 34:2

Anī Sisem, ngōn̄ ngār kə́ kem ɓēé ń rīn na i Hamor ní, a̰a̰n. Ni əhɔn aw̄ sāān dɔ gúú tə́ əlań rɔ̄sɔl̄ dɔn tə́,

NDŪ NAJƏ̄ 22:21

a aw̄n̄ seneé ta kújə yā bɔbə̄n tə́ kadə̄ de kə́ dəngam kə́ kem ɓē yān tə́ gə̄ tə́nīnən̄ kə mbalá yā tɔ̄lən. Ni-rāā i yá̰á̰ kə́ to rɔ̄sɔl̄ dɔ nang kə́ Israel tə́, tɔdɔ̄ ndi i ɓē bɔbə̄neé ɓáý n rāań kaya ní. I beé n ā ɔ̄rəń yá̰a̰ rāā kə́ majaĺ kɔ̄ɔ́ mbo̰ō̰í tə́ ní.

JEREMI 29:23

Majaĺ yādə́ i yá̰á̰ kə́ to rɔ̄sɔl̄ ń rāān̄ Israel tə́ ní. Rāȳn̄ kə nə̄yá̰ madə̄də́ gēé ō, ɔrə̄n̄ najə̄ kə́ rɔ̄kum alé kə rīḿ ō, banī m̄-mēr̄də́ kəda najə̄ kógə̄ḿ alé. Mā m̄-ger̄ ō, m-á̰a̰ kə́ kumḿ ō. Najə̄ ń Kɔ́ɔ̄ɓē əda ní n noó.