2 SAMUEL 13:1 - Bibəl ta Sar̄

¹ Gō tə́ anī yá̰á̰ ń rāā yá̰á̰ ní n toó. Ngōn̄ Dabid ń rīn na i Absalom ní, ngōkó̰o̰n kə́ dəyá̰ kógə̄ḿ kə́ mandə̄ ngá̰ý i noó, rīn na i Tamar. Anī ngōn̄ Dabid kə́ rang ń rīn na i Amnon ní gḛy Tamar ní ngá̰ý.

Bible sar

¹ Gō tə́ anī yá̰á̰ ń rāā yá̰á̰ ní n toó. Ngōn̄ Dabid ń rīn na i Absalom ní, ngōkó̰o̰n kə́ dəyá̰ kógə̄ḿ kə́ mandə̄ ngá̰ý i noó, rīn na i Tamar. Anī ngōn̄ Dabid kə́ rang ń rīn na i Amnon ní gḛy Tamar ní ngá̰ý.

2 SAMUEL 13:1 Referans Kwoze

1 YÁ̰A̰ GƏ̄ 3:9

Rī ngán Dabid gə̄ malang n noó. Tá dəyá̰ gidə ndogə̄ gə̄ ojən̄ ngáń kə́ rang gə̄ adə̄nən̄ ɓáý to̰. Ni ojə ngōn̄ kə́ dəyá̰ ō, rīn na i Tamar.

1 YÁ̰A̰ GƏ̄ 3:2

Kə́ nge ko̰ mətá i Absalom kə́ ngōn̄ Maaka kə́ ngōn̄ Talmai ń i mban̄g kə́ Gesur ní. Kə́ nge ko̰ sɔ́ i Adonia kə́ ngōn̄ Hagit.

2 SAMUEL 14:27

Ngán Absalom kə́ dəngam gə̄ i mətá ō, ngōnən kə́ dəyá̰ i kógə̄ḿ ō. Nge kə́ dəyá̰ ní rīn na i Tamar. Ni mandə ngá̰ý.

2 SAMUEL 13:15

Gō tə́ anī Amnon əla gír kim̄ Tamar ngá̰ý. Ni-imə̄n ngá̰ý tɔȳ gḛy ń ni-gḛyn kété ní. Amnon əda Tamar na: Ḭ́ḭ dɔɔ́ ba āw̄ kɔ̄ɔ́!

Gōsə̄ najə̄ gə̄ 31:30

Rō̰ i yá̰á̰ kə́ a gól̄ loo ō, majə deē i yá̰á̰ kə́ a to ngándáńg aĺ ō. I dəyá̰ ń ɓōĺ ndíĺ Kɔ́ɔ̄ɓē ní n i dəyá̰ kə́ majə kɔsə gɔnən ní.

Gōsə̄ najə̄ gə̄ 6:25

Ī-ndə̄ngā mandən kemií tə́ alé, ādə̄ dɔ kumən kə́ mɔlyɔ̄ gólī alé.

1 MBAN̄G GƏ̄ 11:1

Mban̄g Salomo̰ ń taā ngōn̄ mban̄g kə́ Ejiptə ní, táā dəyá̰ tə̄rā, aké rang gə̄ i ngá̰ý ɓáý to̰. Ni-taā dəyá̰ Moab gə̄ ō, Amon gə̄ ō, Edom gə̄ ō, Sidon gə̄ ō, Het gə̄ ō.

2 SAMUEL 11:2

Ndɔ̄ kógə̄ḿ tə́ loo sɔlí dan ń Dabid ɔr̄ koō oy anī, ḭḭ dɔ tə̄rá yān tə́ ba aw̄ njə̄rā dɔ kújə́ dúŕ dur yā mban̄g tə́. Ni-ra dɔ kújə́ ní tə́, anī a̰a̰ dəyá̰ kógə̄ḿ loo ndogə̄ man̄ tə́. Dəyá̰ ní mandə ngá̰ý.

TA KƏLA 34:3

banī kemən tá na̰y dɔn tə́. Sisem tár Dina ō, sāā kadə̄ kem Dina ndigən ō,

TA KƏLA 29:20

Jakob rāā kəla ɓāl̄ sīrí gír Rasel tə́, ba ɓāl̄ gə̄ ní mānə̄n̄ ta kumən tə́ i tītə̄ ndɔ̄ gə̄ beé, tɔdɔ̄ ni-gḛyn ngá̰ý.

TA KƏLA 29:18

Jakob gḛy Rasel ngá̰ý adə̄ əda Laban na: M-ā m̄-rāā kəla seí ɓāl̄ sīrí gír ngōnīí kə́ nge ko̰ jōó tə́.

TA KƏLA 6:2

ngáń Nə́ɓā gə̄ a̰a̰n̄ ngáń kə́ dəyá̰ yā de gə̄ ní mandən̄ ngá̰ý ta kumdə́ tə́, adə̄ táān̄ ngé gə̄ ń nin̄ gə̄rān̄də́ ní kə́ dəyá̰ gə̄ tə́.

2 SAMUEL 13:2

Gḛy ń Amnon gḛy ngōkó̰o̰n Tamar ngá̰ý ní rāā adə̄ Amnon əsō mo̰y, tām̄ ni ger̄ yá̰á̰ kə́ yā rāā tá kaw̄ń rɔ̄n tə́ alé, tɔdɔ̄ Tamar ger̄ dəngam aĺ ɓáý.