2 SAMUEL 12:9 - Bibəl ta Sar̄

⁹ I tām̄ rí tə́ á ídə taí gír najə̄ yā Kɔ́ɔ̄ɓē tə́ ba ī-rāā yá̰á̰ kə́ nelə̄n aĺ ní? I ḭ̄ n ī-tɔ̄l̄ Uri kə́ Het kə kaskaraá ní. Ī-rāā yá̰a̰ adə̄ Amon gə̄ tɔ̄l̄nən̄ kə kaskaraá ba gō tə́ anī ī-taā nə̄yá̰n.

Bible sar

⁹ I tām̄ rí tə́ á ídə taí gír najə̄ yā Kɔ́ɔ̄ɓē tə́ ba ī-rāā yá̰á̰ kə́ nelə̄n aĺ ní? I ḭ̄ n ī-tɔ̄l̄ Uri kə́ Het kə kaskaraá ní. Ī-rāā yá̰a̰ adə̄ Amon gə̄ tɔ̄l̄nən̄ kə kaskaraá ba gō tə́ anī ī-taā nə̄yá̰n.

2 SAMUEL 12:9 Referans Kwoze

1 SAMUEL 15:19

Ba i tām̄ rí tə́ á ḭ̄ ī-rāā yá̰á̰ ń ni ədaī ní aĺ ní? Údə dɔ yá̰a̰ kənge kə́ kəhɔ ta rɔ̄ɔ̄ tə́ ɔ́y, adə̄ ī-tél nge rāā majaĺ ta kum Kɔ́ɔ̄ɓē tə́ i tām̄ rí tə́?

AMOS 2:4

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Juda gə̄ dɔ tə́ i ngá̰ý. Ni kə́ majaĺ ngá̰ý tɔȳ madə̄ gə̄ i nge ń toō: Yá̰a̰ gə̄ ń m̄-ndóōdə́ ní, nin̄ mbātə́n̄ kɔ̄ɔ́. Yá̰a̰ gə̄ ń m̄-ndang kadə̄ yā rāā ní, rāān̄ aĺ ō, gólə̄n̄ rɔ̄də́ tītə̄ yā kaadə́ gə̄ ń unən̄ gō nə́ɓā kə́ rɔ̄kum aĺ gə̄ ní ō. Nə́ɓā gə̄ ní ran̄ dɔ tə́ noō gólə̄n̄də́ ō. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.

JEREMI 18:10

Banī ré nin̄ rāān̄ yá̰á̰ kə́ majaĺ ń m̄-mbātə́ kɔ̄ɔ́ ní kanjə̄ kadə̄ oōn̄ najə̄ yāḿ anī, m-ā m̄-lōō gír rāā yá̰á̰ kə́ majə ń m-ɔ́jə rāā sedə́ tə́ ní.

PĀ GƏ̄ 90:8

Ḭ̄ ī-tə́ndā yá̰á̰ kə́ gōtə́ aĺ gə̄ ń jə-rāā ní ta kumií tə́. Loo kə́ unjə̄ kow yāí unjə̄ dɔ yá̰a̰ yājí gə̄ kə́ ton̄ loo mundə̄ tə́.

1 SAMUEL 15:23

Tɔdɔ̄ mbātə́ ndū Kɔ́ɔ̄ɓē i yá̰á̰ kə́ majaĺ ngá̰ý tītə̄ rāā kɔdə̄ sāā ō, rāā dɔ ngan̄g i yá̰á̰ kə́ majaĺ ngá̰ý tītə̄ rāā ɓesə̄ ō. Adə̄ dan ń ḭ̄ ī-mbātə́ najə̄ ta Kɔ́ɔ̄ɓē tə́ ɓá ní Kɔ́ɔ̄ɓē mbātíī kɔ̄ɔ́ ō. Adə̄ ḭ̄ i mban̄g to̰ alé.

IJAI 5:24

I tām̄ najə̄ ń toō tə́ n nin̄ a ton̄ tītə̄ mu kə́ hor o̰o̰ ní, aláa a ton̄ i tītə̄ mu kə́ tutə kə́ udə lim kɔ̄ɔ́ kum ta ndo̰ hor gə̄ tə́ ní. nin̄ a ndumən̄ i ngəradə́ tə́. Hútə̄də́ a ḭḭ nél tītə̄ bumbə́ru beé. Tɔdɔ̄ nin̄ kídə̄n̄ yá̰á̰ ndóō gə̄ yā Kɔ́ɔ̄ɓē kə́ bo kə́ tɔ́gən i ngá̰ý, nin̄ mbātə́n̄ najə̄ kɔr̄ Nə́ɓā kə́ táĺ yā Israel.

2 SAMUEL 11:4

Dabid əla gō dəyá̰ ní tə́ adə̄ reē, ba ni ɓīī seneé. Dəyá̰ ní tə́go rɔ̄n kə́ tām̄ yā mósə́ kə́ əhɔn tə́ i ngɔr ɓáý. Ni-tél aw̄ gogə́ ɓēé looneé.

PĀ GƏ̄ 51:4

Yá̰á̰ kə́ gōtə́ aĺ n m̄-rāā ní ī-tə́go kɔ̄ɔ́ malang. Ɔ̄r̄ majaĺ yāḿ kɔ̄ɔ́ ādə̄ m-ūnjə̄ njáý njáý.

2 YÁ̰A̰ GƏ̄ 33:6

Ni-aw̄ bátə́ tɔ̄l̄ ngánən kə́ dəngam gə̄ ba tun̄də́ wól loo kə́ Ben Hinom tə́. Ni-rāā mbōlí kə́ tayā tayā gə̄ ō, rāā kəga kə́ tayā tayā gə̄ ō, aw̄ ndḛḛ̄ sāá ɓē kɔdə̄ sāā gə̄ tə́ ō. Ni-rāā yá̰á̰ kə́ nel̄ Kɔ́ɔ̄ɓē aĺ gə̄ ngá̰ý adə̄ wōn̄g rāā Kɔ́ɔ̄ɓē seneé.

2 SAMUEL 12:10

Adə̄ ngɔlaā ní kaskar a əya̰ gír kojə yāí to̰ aĺ i kə́ bátə́ gə̄ tə́, tɔdɔ̄ ḭ̄ ídə taí gíríḿ tə́ ō, ī-taā nə̄yá̰ Uri kə́ Het ō.

1 SAMUEL 15:26

Banī Samuel ədan na: M-ā m̄-tél yā kaw̄ seí alé, tɔdɔ̄ ḭ̄ ī-mbātə́ rāā yá̰á̰ ń Kɔ́ɔ̄ɓē ɔjiī ní, Kɔ́ɔ̄ɓē mbātíī kɔ̄ɔ́, adə̄ ḭ̄ i mban̄g yā ngán Israel gə̄ to̰ alé.

2 SAMUEL 16:7

Kum najə̄ gə̄ ń a ndɔ̄ĺəń Dabid ní n toó: Mbóo deē, nge ɓōkə́ mósə de gə̄ nang tə́, āw̄ kɔ̄ɔ́, āw̄ kɔ̄ɔ́!

1 MBAN̄G GƏ̄ 15:5

Tɔdɔ̄ Dabid rāā yá̰á̰ kə́ gōtə́ ta kum Kɔ́ɔ̄ɓē tə́ kə ndɔ̄ gə̄ malang ń ndiń kə kumneé tə́ ní ō, un rón kɔ̄ɔ́ dan yá̰á̰ kógə̄ḿ kə́ Kɔ́ɔ̄ɓē ədan tə́ aĺ ō. Ba yá̰á̰ kə́ majaĺ ń rāā ní i najə̄ yā Uri kə́ Het ní ngóy.

1 MBAN̄G GƏ̄ 21:19

Āw̄ ə́dan na Kɔ́ɔ̄ɓē əda na: Adə̄ ī-tɔ̄l̄ deē ba ī-reē yā taā yá̰a̰ yān dɔ tə́ ní! Gō tə́ anī ə́dan na Kɔ́ɔ̄ɓē əda ɓáý to̰ na: Loo ń bísə gə̄ tō̰nə́n̄ mósə Nabot tū tə́ ní, bísə gə̄ a tō̰nə́n̄ mósí īkɔ́ tū tə́ ō.

PĀ GƏ̄ 51:14

Ī-tél kə rɔ̄nel̄ kajə ń ájəm̄ ní ādə̄m̄ gogə́ ō, Ādə̄ ndíl kem ndaa əhɔm̄ kə̄ dɔɔ́ ō.

PĀ GƏ̄ 51:16

Nə́ɓā, nge kajəḿ, úń mósə dɔḿ tə́ kɔ̄ɔ́. Loo ń noō tə́ m-ā m-ə̄nī gotə yá̰á̰ kə́ gōtə́ ń ī-rāā seḿ ní.

Gōsə̄ najə̄ gə̄ 14:2

Nge rāā háĺ kə́ súmūú i de kə́ nge ɓōĺ ndíĺ Kɔ́ɔ̄ɓē, nge rāā yá̰a̰ gōtə́ aĺ i de kə́ nge kídə̄n.