2 SAMUEL 12:20 - Bibəl ta Sar̄

²⁰ Loo ń noō tə́ Dabid ɔsə nang ḭḭ dɔɔ́, ndogə̄ man̄ ō, rāā ítər dɔn tə́ ō, tə́la kūbə̄ kə́ rang gə̄ rɔ̄n tə́ ō. Gō tə́ anī udə kem kújə yā Kɔ́ɔ̄ɓē tə́ ba ɔsə non nang tə́ rɔȳń Kɔ́ɔ̄ɓē. Dan ń tél aw̄ ɓēé anī dəje yá̰a̰ kəsa, adə̄ reēn̄neé adə̄ əsa.

Bible sar

²⁰ Loo ń noō tə́ Dabid ɔsə nang ḭḭ dɔɔ́, ndogə̄ man̄ ō, rāā ítər dɔn tə́ ō, tə́la kūbə̄ kə́ rang gə̄ rɔ̄n tə́ ō. Gō tə́ anī udə kem *kújə yā Kɔ́ɔ̄ɓē tə́ ba ɔsə non nang tə́ rɔȳń Kɔ́ɔ̄ɓē. Dan ń tél aw̄ ɓēé anī dəje yá̰a̰ kəsa, adə̄ reēn̄neé adə̄ əsa.

2 SAMUEL 12:20 Referans Kwoze

Makətūbə̄ yā Job 1:20

Anī Job ḭḭ dɔɔ́, əhɔ ta kūbə̄ kə́ dɔ madə̄ gə̄ tə́ kə́ rɔ̄n tə́ rə̄yā̰ ō, dəsā dɔn ō. Gō tə́ anī əsō sébə kumən nang tə́

RUTƏ 3:3

Ní, ī-ndogə̄ man̄ ō, ī-ndum ítər ō, ə́la kūbə̄ rɔ̄í tə́ ō, ba āw̄ loo kənda kōō tə́. Ba ī-lōō kadə̄ gerī bátə́ ādə̄ ré əsa yá̰a̰ ō, aȳ yá̰a̰ ō oy pá tá.

MATIYE 6:17

Ba ḭ̄, dan ń ā ī-*ndi ɓō tām̄ yā Nə́ɓā tə́ ní a, ī-rāā ítər dɔí tə́ ō, ī-tə́go kumií kɔ̄ɔ́ ō,

KOHELET 9:8

Ə́la kūbə̄ rɔ̄nel̄ rɔ̄í tə́ kə dɔ ndɔ̄ gə̄ ō, ādə̄ dɔí ndígə̄nal rāā yibə̄ dɔí tə́ aĺ ō!

Makətūbə̄ yā Job 2:10

Job tél ədan na: Ɔ̄r̄ najə̄ tītə̄ mbóo dəyá̰ beē. Ré Nə́ɓā rāā adə̄ jə-ndiī majanī, jə-ndigiī. Ba ré ni-rāā adə̄ jə-ndiī dan yá̰á̰ kə́ to kum kaȳ aĺ tə́ anī, jə-ndigiī aĺ i tām̄ rí tə́? Tū yá̰a̰ gə̄ ń noō tə́ malang ní, najə̄ kə́ majaĺ kógə̄ḿ teē ta Job tə́ alé.

2 SAMUEL 7:18

Anī mban̄g Dabid aw̄ ndi nang tə́ ta kum Kɔ́ɔ̄ɓē tə́ ba əda na: Kɔ́ɔ̄ɓē Nə́ɓā, mā i náā, aké de kə́ gír kojə yāḿ tə́ gə̄ nin̄ i rí kógə̄ḿ á ī-reē seḿ bátə́ loo ń toō tə́ laā ní?

PĀ GƏ̄ 39:9

Ī-gān̄g dɔḿ tū majaĺ yāḿ gə̄ tə́ malang. Ī-lōō kəya̰m̄ kadə̄ mbóo gə̄ əgōmə̄n̄.

2 SAMUEL 6:17

Aw̄ əndān̄ sandúkə yā Kɔ́ɔ̄ɓē loo ń kadə̄ ndi tū tə́ ní, kem kújə tandā ń Dabid udə kə rīí tə́ ní. Gō tə́ anī Dabid ndējə̄ Kɔ́ɔ̄ɓē dā̰ kə́ róō horoó gə̄ ō, dā̰ kə́ tun̄ tām̄ yā kem kógə̄ḿ tə́ ō.

Najə̄ kə́ Majə yā Jeju ń Luk ndang ní 7:46

Ḭ̄ úr yibə̄ kə́ kotə mbo̰o̰ dɔḿ tə́ alé, banī ni-ɓōkə́ ítər gidə njaḿ tə́.

2 SAMUEL 12:19

Dan ń Dabid a̰ā̰ kadə̄ ngé kəla yān gə̄ a kɔdə̄n̄ naā najə̄ dɔ dáńdə́ tə́ anī, ger̄ kadə̄ ngōn̄ ní oy. Ni-dəje ngé kəla yān gə̄ na ké ngōn̄ ní ké oy wa? Anī nin̄ tél ədanən̄ na ngōn̄ ní na oy.

2 SAMUEL 12:21

Ngé kəla yān gə̄ ədanən̄ na: I rí kə́ beé n ā i rāā toó? Dan ń ngōn̄ i kə kumneé anī ī-*ndi ɓō tām̄ yā Nə́ɓā tə́ najə̄ yān tə́ ō, ī-nōō tām̄ yān tə́ ō. Ba ré ngōn̄ oy anī ɔ́sə nang ḭ́ḭ dɔɔ́ ba ə́sá yá̰a̰!

2 SAMUEL 14:2

Ni-əla gō dəyá̰ kógə̄ḿ kə́ kumən edə̄ ngá̰ý tə́ kem ɓē kə́ Tekoa tə́ adə̄ reē, ba ədan na: Ā ī-rāā tītə̄ kə́ deē yāí kógə̄ḿ oy adə̄ ā ə́hɔ i ndoōn. Ā ō̰ō̰ pír ō, ā ī-ndum yibə̄ aĺ ō, ā ī-rāā tītə̄ kə́ ḭ̄ i dəyá̰ kógə̄ḿ kə́ a əhɔ i ndoō deē yān kə́ oy jóó ngá̰ý beé.

2 SAMUEL 19:24

Gō tə́ anī mban̄g əda Simei na a oy alé, ba túbə adə̄n.

PĀ GƏ̄ 95:6

Údiī! J-aw̄ j-əlaī dɔjí nang tə́ no Kɔ́ɔ̄ɓē tə́. J-aw̄ j-ɔsiī nojí nang tə́ non tə́. Jə-tétī kejəjí nang tə́ no nge kəndājí tə́.

PĀ GƏ̄ 103:1

Pā yā Dabid. Dā̰ rɔ̄ḿ, ī-ɓōkə́ Kɔ́ɔ̄ɓē tɔ̄ȳ. m̄-ndigə ɓōkə́ Nə́ɓā kə́ táĺ tɔ̄ȳ kə ngarā̰ kemḿ malang.

PĀ GƏ̄ 103:8

Kɔ́ɔ̄ɓē i de kə́ kumən a o̰o̰n ō, a a̰a̰ kum tō ndoō yā deē ō, rāā wōn̄g láẃ aĺ ō, rāā kem majə ngá̰ý ō.

Gōsə̄ najə̄ gə̄ 3:7

Ī-lōō ka̰a̰ rɔ̄í nge kum kedə̄ tə́, banī ī-ɓōĺ ndíĺ Kɔ́ɔ̄ɓē ō, ī-tūr̄ gidií kɔ̄ɔ́ ta yá̰á̰ kə́ majaĺ tə́ ō.

1 SAMUEL 15:25

Ń-toō ní m̄-rāāī ɓɔ́, ə́ya̰ gō majaĺ yāḿ ń noō kɔ̄ɔ́, ba ī-tél seḿ ādə̄ m-āw̄ m-ɔ́sə noḿ nang tə́ no Kɔ́ɔ̄ɓē tə́.

1 SAMUEL 15:31

Samuel tél kə̄ gō Saul tə́, adə̄ Saul aw̄ ɔsə non nang tə́ no Kɔ́ɔ̄ɓē tə́.