2 SAMUEL 12:16 - Bibəl ta Sar̄

¹⁶ Dabid rāā Nə́ɓā ɓɔ́ tām̄ yā ngōn̄ ní tə́. Ni-*ndi ɓō tām̄ yā Nə́ɓā tə́ ō, ré a aw̄ kə̄ kətoó nang tə́ ndɔ̄ɔ́ anī, a to i dɔ dā nang tə́ ō.

Bible sar

¹⁶ Dabid rāā Nə́ɓā ɓɔ́ tām̄ yā ngōn̄ ní tə́. Ni-*ndi ɓō tām̄ yā Nə́ɓā tə́ ō, ré a aw̄ kə̄ kətoó nang tə́ ndɔ̄ɔ́ anī, a to i dɔ dā nang tə́ ō.

2 SAMUEL 12:16 Referans Kwoze

2 SAMUEL 13:31

Adə̄ mban̄g ḭḭ dɔɔ́, əhɔ kūbə̄ gə̄ kə́ rɔ̄n tə́ rə́yā̰də́, ba to dɔ dā nang tə́. Ngé kəla yān gə̄ malang ń ran̄ rɔ̄n tə́ ní rə́yā̰n̄ kūbə̄ yādə́ gə̄ ō.

KƏLA RĀĀ 9:9

Ni-ndi ndɔ̄ mətá kanjə̄ ka̰a̰ loo, əsa yá̰a̰ aĺ ō, a̰ȳ man̄ aĺ ō.

JONAS 3:9

I náa n ger̄? Majanī Nə́ɓā a lōō gíŕ yá̰á̰ ń ní sāā rāā tə́ ní kɔ̄ɔ́. Ni a əya̰ gō wōn̄g ń rāān dɔjí tə́ ní kɔ̄ɔ́, adə̄ j-a j-oyiī alé.

IJAI 22:12

Ndɔ̄ ngeé ń noō tə́ ní, Kɔ́ɔ̄ɓē Nə́ɓā kə́ bo kə́ tɔ́gən i ngá̰ý dəjesí kadə̄ ī-nōōī ō, ə́gaī kɔŕ ō, ī-dəsāī dɔsí ō, ō̰ō̰ī kūbə̄ kəhɔ ndoō ō.

PĀ GƏ̄ 69:10

A̰á̰ā̰, o̰o̰m̄ tɔdɔ̄ kújə yāí ngá̰ý. Nin̄ tájīn̄, banī ndū yādə́ ní tél əsō i dɔḿ mā tə́.

PĀ GƏ̄ 50:15

Gō tə́ ré wur kɔl əsō dɔí tə́ anī ī-ɓārə́m̄, anī m-ā m-ájiī kadə̄ ā ɔ́sə gɔnəḿ.

1 MBAN̄G GƏ̄ 21:27

Dan ń Akab oō najə̄ gə̄ ń noō anī, ni rə̄yā̰ kūbə̄ kə́ rɔ̄n tə́ ba əla kūbə̄ sákə̄ rɔ̄n tə́ adə̄ ɔdə ndārə́n ō, ndi ɓō tām̄ yā Nə́ɓā tə́ ō, a to i kə kūbə̄ sákə̄ ní ō, a njə̄rā i jəke jəke ō.

2 SAMUEL 12:22

Dabid əda na: Dan ń ngōn̄ i kə kumneé ɓáý ní, m̄-*ndi ɓō tām̄ yā Nə́ɓā tə́ ō, m̄-nōō ō tɔdɔ̄ m-gír̄ kemḿ tə́ m-ə́da na majanī Kɔ́ɔ̄ɓē a a̰a̰ kum tō ndoō yāḿ yā kadə̄ ngōn̄ a ajə.

IJAI 26:16

Kɔ́ɔ̄ɓē, dan ń wur kɔl əsō dɔjí tə́ anī, jə-tūr̄ rɔ̄jí kum kə̄ rɔ̄í tə́. Dan ń ḭ̄ ə́ndá ndéy anī, j-əda ndɔ̄ȳ gə̄ kə̄ nja naā tə́ kə ndūjí kə́ tél kə̄ nang tə́.

2 SAMUEL 12:15

Ba Natan tél dɔ tə́ aw̄ gogə́ ɓēé. Kɔ́ɔ̄ɓē rāā adə̄ ngōn̄ ń Batəseba nə̄yá̰ nge yo Uri ojə adə̄ Dabid ní əsō mo̰y.

NEHEMI 1:4

Dan ń m-ōō najə̄ ń gə̄ noō ní m̄-ndi nang tə́ m̄-nōō ō, m-ə́hɔ ndoō ndɔ̄ ngá̰ý ō, m̄-*ndi ɓō tām̄ yā Nə́ɓā tə́ ō. m̄-ndɔ̄ȳ Nə́ɓā kə́ dɔ rā̰ tə́

DANIEL 6:18

Reēn̄ kə mbal̄ kógə̄ḿ əndān̄ ta bəlo ní tə́. Mban̄g əndā tambō̰o̰ yān nəkɔ́ ō, yā de kə́ bo yān gə̄ ō, dɔ tə́, yā kadə̄ yá̰á̰ kógə̄ḿ tūr̄ tām̄ yā Daniel tə́ alé.

JOJUE 7:6

Jojue nin̄ kə kum kɔɔ̄ gə̄ yā ngán Israel gēé rə́yā̰n̄ kūbə̄ kə́ rɔ̄də́ gə̄ tə́ ō, ɔyn̄ bumbə́ru kə̄ dɔdə́ tə́ ō, əsōn̄ sébən̄ kumdə́ nang tə́ no sandúkə yā Kɔ́ɔ̄ɓē tə́. Nin̄ ton̄ tītə̄ ń nuū bátə́ loo tíbə dɔdə́ tə́.

DANIEL 9:3

Loo ń noō tə́ m̄-*ndi ɓō tām̄ yā Nə́ɓā tə́ ō, m-ə́la kūbə̄ kə́ ndo̰ō̰ huyuyu rɔ̄ḿ tə́ ō, m̄-rāā bū dɔḿ tə́ ō, ba m̄-tūr̄ rɔ̄ḿ kə̄ rɔ̄ Kɔ́ɔ̄ɓē Nə́ɓā tə́ yā ndɔ̄ȳn ō, yā rāān ɓɔ́ ō.