2 SAMUEL 12:13 - Bibəl ta Sar̄

¹³ Dabid tél əda Natan na: m̄-rāā majaĺ kə Kɔ́ɔ̄ɓēé. Tā anī Natan əda Dabid na: Ré i beé ɓá anī Kɔ́ɔ̄ɓē əndā njan dɔ majaĺ yāí tə́ adə̄ ā óy alé.

Bible sar

¹³ Dabid tél əda Natan na: m̄-rāā majaĺ kə Kɔ́ɔ̄ɓēé. Tā anī Natan əda Dabid na: Ré i beé ɓá anī Kɔ́ɔ̄ɓē əndā njan dɔ majaĺ yāí tə́ adə̄ ā óy alé.

2 SAMUEL 12:13 Referans Kwoze

Gōsə̄ najə̄ gə̄ 28:13

De kə́ nge ɓɔ̄ɔ̄ dɔ yá̰a̰ rāān kə́ gōtə́ aĺ gə̄ i de kə́ a teē deē alé, banī deē ń ɔjə yá̰a̰ rāān kə́ gōtə́ aĺ gə̄ kə́ ndágá wáńg ō, lōō gír rāā tə́ ō ní, a a̰a̰n̄ kum tō ndoō yān.

PĀ GƏ̄ 51:4

Yá̰á̰ kə́ gōtə́ aĺ n m̄-rāā ní ī-tə́go kɔ̄ɔ́ malang. Ɔ̄r̄ majaĺ yāḿ kɔ̄ɔ́ ādə̄ m-ūnjə̄ njáý njáý.

2 SAMUEL 24:10

Kem Dabid əgan biting biting najə̄ tə́da ń ni tə́da kutə ngán Israel gə̄ ní tə́. Ni-əda Kɔ́ɔ̄ɓē na n-rāā i yá̰á̰ kə́ majaĺ ngá̰ý, ba ngɔlaā ní kə mā̰ȳ rɔ̄n dɔn tə́, tɔdɔ̄ n-rāā yá̰a̰ i tītə̄ de kə́ kur̄ dɔn gətóo beé.

JAKARI 3:4

De kə́ dɔ rā̰ tə́ ní əda de kə́ seneé gə̄ kadə̄ ɔrə̄n̄ kūbə̄ kə́ rɔ̄ Yesua tə́ kɔ̄ɔ́. Gō tə́ anī, ni-əda Yesua na: Á̰a̰ā̰, m-ún yá̰a̰ rāāí kə́ gōtə́ aĺ gə̄ dɔí tə́ kɔ̄ɔ́ ō, ā ásə kəla kūbə̄ pétə rɔ̄í tə́ ō.

Najə̄ kə́ Majə yā Jeju ń Luk ndang ní 15:21

Loo ń noō tə́ ngōn̄ ní əda bɔbə̄n na: Bɔbə́ḿ, m̄-rāā yá̰á̰ kə́ majaĺ kə Nə́ɓāá ō, seí ḭ̄ḭ́ ō. Adə̄ m̄-ndetə kadə̄ ā ī-ɓārə́m̄ ngōn̄ kemií to̰ alé.

1 SAMUEL 15:30

Saul tél əda ɓáý to̰ na: m̄-rāā majaĺ rɔ̄kum. Ba ń-toō ní m̄-rāāī ɓɔ́, ī-rɔȳm̄ ta kum kum kɔɔ̄ gə̄ yā deē yāḿ gə̄ tə́ ō, ta kum ngán Israel gə̄ tə́ ō. Ī-tél seḿ ādə̄ m-āw̄ m-ɔ́sə noḿ kə̄ nang tə́ no Kɔ́ɔ̄ɓē yāí tə́.

LEBI GƏ̄ 20:10

Ré dəngam sāā nə̄yá̰ madə̄n anī, a tɔ̄l̄ə̄n̄də́ mbak nin̄ kə dəyá̰ sāān̄ naā ní.

HEBƏRO 9:26

Ré i beé aĺ anī, əla gír ndɔ̄ ń Nə́ɓā əndāń dɔ rā̰ ō dɔ nang ō tə́ bátə́ ngɔlaā ní, Kərist a̰a̰ tápə̄ nja i ngá̰ý kɔ̄ɔ́. Banī ngɔlaā ń i ta ngóy ndɔ̄ gə̄ ní, ni-teē nja kógə̄ḿ yā kadə̄ gír gāngəń. I tītə̄ noō n ni-nujəń majaĺ kɔ̄kə́, kə ta kūl̄ kadə̄ rɔ̄n nəkɔ́ yá̰a̰ tun̄ tə́ ní.

1 JA̰A̰ 1:7

Banī ré jə-njə̄rāī i kum loo kə́ unjə̄ kow tə́ tītə̄ ń nəkɔ́ i kum loo kə́ unjə̄ kow tə́ ní anī, jə-rāāī i kem kasə naā mbo̰ō̰jí tə́ kógə̄ḿ kógə̄ḿ ō, mósə Ngōnən Jeju a tə́go majaĺ yājí gə̄ malang ō.

KƏLA RĀĀ 2:37

Dan ń de gə̄ oōn̄ najə̄ ń noō ní, kemdə́ əgadə́ biting biting, adə̄ dəjen̄ Piyer ō gotə ngámbang kəla gə̄ ō najə̄ ədan̄ na: Ngákó̰ó̰jí gə̄, yá̰á̰ ń kadə̄ jə-rāā ní i rí?

MATIYE 14:10

Ni-əla deē kógə̄ḿ gān̄g dɔ Ja̰a̰ tə́ kújə dəngáyá.

NŌŌ RƆ̄ 3:32

Ká ré ni-rāā deē adə̄ rɔ̄n tōrə̄n gə̄gē anī, kumən o̰o̰n seneé sɔɔ̄ń kem majə yān kə́ ngá̰ý.

IJAI 44:22

m̄-rāā adə̄ yá̰a̰ rāāí kə́ gōtə́ aĺ gə̄ gətóon̄ kɔ̄ɔ́ tītə̄ loo rāā kadə̄ kil̄ man̄ gətóo kɔ̄ɔ́ beē. m̄-rāā adə̄ majaĺ yāí gə̄ gətóon̄ kɔ̄ɔ́ tītə̄ kə́ tuútu kə́ dəloí beē. Ī-tél ī-reē kə̄ rɔ̄ḿ tə́, na mā i nge gān̄g dɔí.

IJAI 43:24

Nar yāí udə loo mang kámbə kotə gə̄ tə́ tām̄ yāḿ tə́ alé, ī-rāā adə̄ m̄-ndān̄ kə ta kūl̄ kəsa yibə̄ dā̰ kə́ tɔ̄l̄ ba tun̄ gə̄ alé. Banī ī-rāā adə̄ mā i ɓəlo yāí kə ta kūl̄ yá̰a̰ rāāí kə́ gōtə́ aĺ gə̄. Ī-rāā adə̄ kɔr rāām̄ kə ta kūl̄ mān̄ kə́ ī-mān̄ dɔ ndūḿ gə̄ kə̄ nja naā tə́.

IJAI 38:17

Rɔ̄nel̄ aĺ yāḿ kə́ ngá̰ý tél i rɔ̄nel̄. A̰á̰ā̰, ḭ̄ ī-rāā adə̄ m̄-teē ta yo tə́ sɔɔ̄ń tár yāí. Majaĺ yāḿ gə̄ malang ní, ḭ̄ ī-ɓōkə́də́ gidií tə́ sa̰y kɔ̄ɔ́.

Gōsə̄ najə̄ gə̄ 25:12

Kɔ̄l̄ yā de kə́ nge kum kedə̄ to i tītə̄ kulūm̄ lɔ́r ō məde lɔ́r kə́ kərē ō, tām̄ yā deē ń nēl̄ mbīn majə oō ń tə́ ní.

PĀ GƏ̄ 51:16

Nə́ɓā, nge kajəḿ, úń mósə dɔḿ tə́ kɔ̄ɔ́. Loo ń noō tə́ m-ā m-ə̄nī gotə yá̰á̰ kə́ gōtə́ ń ī-rāā seḿ ní.

Makətūbə̄ yā Job 33:27

Ni-ənī pā ta kum de gə̄ tə́ malang əda na: Kété ní m̄-rāā yá̰a̰ gōtə́ alé, m̄-ɓōĺ ndū najə̄ gə̄ alé. Banī Nə́ɓā rāā háĺ kə́ tītə̄ yāḿ mā alé.

2 YÁ̰A̰ GƏ̄ 25:16

Dan ń a əda Amasia najə̄ ń noō ɓáý anī Amasia dəjen na ké əndānən̄ nge kadə̄ mban̄g kɔjə̄ wa. Ré gḛy kadə̄ əndanən̄ aĺ ɓáa kə lōō kaw̄ kə najə̄ ní kə̄ kété. Nge koō ta aw̄ kə najə̄ ní kə̄ kété to̰ alé banī əda na: Mā m̄-ger̄ kadə̄ Nə́ɓā gḛy rāā kadə̄ óy kɔ̄ɔ́ tām̄ ḭ̄ ī-rāā yá̰á̰ ń noō ō, ōō najə̄ yāḿ aĺ ō.

2 YÁ̰A̰ GƏ̄ 16:10

Wōn̄g rāā Asa kə nge ka̰a̰ yá̰á̰ adə̄ əhɔ ənīn dəngáyá. Tɔdɔ̄ najə gə̄ ń ɔr̄ ní adə̄n wōn̄g ngá̰ý. Dan ngeé ń noō tə́ ní Asa rāā kum ngán Israel kə́rēý gə̄ ndoō tə́.

2 MBAN̄G 1:9

Mban̄g əla áskar yān gə̄ kutə mí kəhɔ Eli tə́. Ngol áskar gə̄ ní aw̄ gō Eli tə́ kə áskar yān gēé. Eli ndi i ta tél mbal̄ tə́ dɔɔ́. Ngol áskar gə̄ ní əda Eli na: Deē yā Nə́ɓā, mban̄g əda na kə ī-risə nang tə́!

1 MBAN̄G GƏ̄ 22:8

Anī mban̄g kə́ Israel tə́ tél əda Josapat na deē kógə̄ḿ na nay noó ɓáý, ba deē ní tá na nelə̄n ni seneé alé, tɔdɔ̄ deē ní na i de kə́ a əda najə̄ kə́ majə dɔn ni tə́ alé, ba a əda na i najə̄ kə́ majaĺ tá dejə: Deē ní i Mise ngōn̄ Yimla. Josapat əda mban̄g kə́ Israel tə́ na kə lōō kɔr̄ najə̄ beé.

1 MBAN̄G GƏ̄ 21:20

Akab əda Eli na: Madə̄ ba̰ā̰ḿ, ī-téĺ ə́ngem̄ gogə́ ɓáý ḿ? Eli tél ədan na: m̄-tél m-ə́ngeī gogə́ ɓáý to̰ i tām̄ ə́ya̰ rɔ̄í ī-rāań yá̰á̰ kə́ majaĺ ta kum Kɔ́ɔ̄ɓē tə́.

1 MBAN̄G GƏ̄ 13:4

Dan ń mban̄g Jeroboam oō najə̄ ń deē yā Nə́ɓā əda dɔ loo tun̄ yá̰á̰ kə́ Betel tə́ ní anī, əla jīn dɔ loo tun̄ yá̰á̰ tə́ kum kə̄ rɔ̄ deē yā Nə́ɓā tə́ ba əda na: Əhɔniī! Banī jīn ń əla kə̄ dɔ deē yā Nə́ɓā tə́ ní tutə njururu, adə̄ asə téləń kə̄ rɔ̄n tə́ to̰ alé.

1 SAMUEL 15:20

Saul əda Samuel na: Mā m̄-rāā yá̰á̰ ń Kɔ́ɔ̄ɓē ədam̄ ní tām̄ m-āw̄ rɔ̄ɔ̄ tə́ loo ń Kɔ́ɔ̄ɓē əlam̄ tū tə́ ní ō, m-āw̄ m̄-reē kə Agag mban̄g yā Amalek gə̄ ō, m̄-tɔ̄l̄ Amalek gə̄ kɔ̄ɔ́ malang ō.

LEBI GƏ̄ 24:17

Deē ń tɔ̄l̄ madə̄n anī, a tɔ̄l̄nən̄ kɔ̄ɔ́.

Najə̄ kə́ Majə yā Jeju ń Luk ndang ní 18:13

Nge taā lambóó ní ra dan gə̄lā sa̰y. Ni gḛy kun kumən kə̄ dɔɔ́ dɔ rā̰ tə́ sḛ́ý aĺ bátə́, ba a ənda nganjən ō, a əda tītə̄ ń toō beé ō na: Nə́ɓā, ī-mā̰ȳ rɔ̄í dɔḿ mā nge rāā majaĺ ń toō tə́!

TA KƏLA 39:9

Ni na i de kə́ bo tɔȳn kem kújə́ ń toō tə́ aĺ ō, na ɔgə̄n rāā yá̰á̰ kógə̄ḿ aĺ ō, ngá̰ý a na i ni kə́ nə̄yá̰n nəkɔ́ n na adə̄n aĺ noō ngóý tá. Ní, kə n-rāā yá̰á̰ kə́ to yḛr beé yā rāań majaĺ ta kum Nə́ɓā yān tə́ ké i ba̰ý wa.

1 YÁ̰A̰ GƏ̄ 21:8

Anī Dabid əda Nə́ɓā na n-rāā i yá̰á̰ kə́ majaĺ ngá̰ý. Ngɔlaā ní kə Nə́ɓā kə mā̰ȳ rɔ̄n dɔ yá̰á̰ kə́ gōtə́ aĺ ń nge kəla yān na rāā ní tə́. Tɔdɔ̄ na n-rāā yá̰á̰ ní na i tītə̄ nge kɔ̄r̄ beé.

PĀ GƏ̄ 103:12

Tītə̄ ń gír ɓē i sa̰y rɔ̄ loo kə́ no ɓē tə́ ní, tītə̄ ń toō ni ɓōkə́ yá̰á̰ kə́ gōtə́ aĺ gə̄ ń jə-rāāī ní sa̰y kɔ̄ɔ́ rɔ̄jí tə́ ō.

Teē Ngán Israel gə̄ 9:27

Parao̰ ɓāŕ Moijə nin̄ kə Aaro̰ ədadə́ na: Kə́ ɓōó ń toō i mā n m̄-rāā majaĺ ní. Kɔ́ɔ̄ɓē i de kə́ súmūú, adə̄ najə̄ i dɔḿ mā tə́ ō, dɔ gír deē yāḿ gə̄ tə́ ō.

2 SAMUEL 24:17

Dan ń Dabid a̰a̰ de kə́ dɔ rā̰ tə́ loo tɔ̄l̄ de gə̄ tə́ anī, əda Kɔ́ɔ̄ɓē na i ni Dabid n n-mān̄ dɔ ndū najə̄ yā Nə́ɓā ō, n-rāā yá̰á̰ kə́ gōtə́ aĺ ō ní, ba ké batə̄ gə̄ ń noō ké rāān̄ yādə́ i rí wa. Ní kadə̄ kə Kɔ́ɔ̄ɓē kə rāān nəkɔ́ ō, gír kojə yān ō, yá̰á̰ kə́ tōr̄.

PĀ GƏ̄ 51:6

I īkɔ́ ngóy kal kógə̄ḿ beē n m̄-rāā yá̰á̰ kə́ majaĺ seí ní. Mā m̄-rāā yá̰á̰ ń i yá̰á̰ kə́ majaĺ ta kumií tə́ ní. Adə̄ ré ā ə̄ndā najə̄ dɔḿ tə́ anī najə̄ i yāí ō, ā ī-gān̄g sarya ɓáa yá̰á̰ kə́ kadə̄ deē əda dɔí tə́ a gətóo ō.