2 SAMUEL 11:16 - Bibəl ta Sar̄

¹⁶ Joab ń i nge kəndā kumən gíŕ yá̰a̰ gə̄ ń a rāān̄ yá̰a̰ kem ɓē ń áskar yān gə̄ gīrə̄n̄ gidə tə́ ní, ger̄ loo ń go̰ rɔ̄ɔ̄ yā madə̄ ba̰ā̰ gə̄ ran̄ tū tə́ a ngɔ̄mə̄n̄ ní, adə̄ ni-əndā Uri loo ní tə́.

Bible sar

¹⁶ Joab ń i nge kəndā kumən gíŕ yá̰a̰ gə̄ ń a rāān̄ yá̰a̰ kem ɓē ń áskar yān gə̄ gīrə̄n̄ gidə tə́ ní, ger̄ loo ń go̰ rɔ̄ɔ̄ yā madə̄ ba̰ā̰ gə̄ ran̄ tū tə́ a ngɔ̄mə̄n̄ ní, adə̄ ni-əndā Uri loo ní tə́.

2 SAMUEL 11:16 Referans Kwoze

KƏLA RĀĀ 5:29

Banī Piyer nin̄ kə ngámbang kəla gə̄ tél ədan̄ na: Koō ta Nə́ɓā i só tə́ tɔȳ koō ta deē ndul gə̄.

OJEE 5:11

Yá̰a̰ rāā kə́ gōtə́ aĺ rējə̄ Epəraim kɔ̄ɔ́. De gə̄ ɓōlə́n̄ gidə yá̰a̰ yān gə̄ alé, i tām̄ ni gḛy ngɔ̄də̄ gō nél.

Gōsə̄ najə̄ gə̄ 29:12

Dan ń ngār nēl̄ mbīn gír najə̄ kə́ sor̄ tə́ anī, pajā yān gə̄ télən̄ ngé kem ndul gə̄ malang.

2 MBAN̄G 10:6

Yehu ndang makətūbə̄ nja kə́ nge ko̰ jōó əlań adə̄də́. Ni ədadə́ kemeé na: Ré sḭḭ̄ i deē yāḿ gə̄ ō, ōōī taḿ ō anī, ī-gángī dɔ ngán mban̄g gə̄ malang ī-reēīneé bírí ādə̄mī kə kum mbang kə́ beé kem ɓē kə́ Jisreel tə́. Ba ngán mban̄g kə́ dəngam gə̄ kə́ kutə sīrí gə̄ ní tā anī ɓɔ̄ɔ̄də́ i kə de kə́ bo gə̄ kə́ kem ɓēé kadə̄ ətōn̄də́.

1 MBAN̄G GƏ̄ 2:5

Tá ɓáý to̰ ní, yá̰á̰ ń Joab kə́ ngōn̄ Seruya rāā seḿ ní ī-ger̄ majə. I ni n tɔ̄l̄ ngol ngé rɔ̄ɔ̄ kə́ jōó gə̄ kə́ Israel tə́ ń i Abner kə́ ngōn̄ Ner ō, Amasa kə́ ngōn̄ Yeter ō ní. Ni-tɔ̄l̄də́ ndɔ̄ kə́ karī tə́ daləń ba̰ā̰ mósə́ kə́ ndɔ̄ rɔ̄ɔ̄ tə́, adə̄ mósə́ ní to ɓōdə̄n tə́ ō, tū sāā yān tə́ ō.

2 SAMUEL 11:21

Ké i náā n tɔ̄l̄ Abimelek kə́ ngōn̄ Yerbesetə ní wa? Ké i de kə́ dəyá̰ n ra dɔ ndogə̄ mbal̄ tə́ ənīn kə mbal̄ riī yá̰á̰ ní aĺ wa? ké Abimelek oy kem ɓē kə Tebes tə́ i tītə̄ n noō aĺ wa? Ké āwī ngɔr rɔ̄ ɓē tə́ i tām̄ rí tə́ wa? Anī ī-téĺ ə́dan na: Nge kəla yāí Uri ń i Het ní oy ō.

2 SAMUEL 3:27

Dan ń Abner tél dɔ tə́ reē ugə̄ Hebron anī, Joab ɓārə́n kə̄ gogə́ aw̄ seneé ta róbə ndogə̄ tə́ kum kə̄ kemeé, tītə̄ kə́ yā kaw̄ kɔr̄ najə̄ kə́ loo mundə̄ tə́ seneé beē. Ni-ɔsə kem Abner kə kəyá tɔ̄lən loo ń noō tə́ kum gotə ngōkó̰o̰n Asael ń Abner tɔ̄lən ní.

2 SAMUEL 11:15

Najə̄ ń ni ndang kem makətūbūú ní n toó: Ə̄ndāī Uri kété no madə̄n gə̄ tə́ ta rɔ̄ɔ̄ tə́, loo kə́ rɔ̄ɔ̄ təngā ngá̰ý tū tə́ tə́, ba ī-téliī kɔ̄ɔ́ gōn tə́ adə̄ tɔ̄l̄nən̄.

2 SAMUEL 11:17

Ngé rɔ̄ɔ̄ dɔ ɓē tə́ gə̄ teēn̄ kem ɓēé reē ənīn̄ Joab rɔ̄ɔ̄. Nin̄ tɔ̄lə̄n̄ de kə́rēý gə̄ dan ngán Israel gə̄ tə́ ō, dan ngol ngé rɔ̄ɔ̄ yā Dabid gə̄ tə́ ō. Uri ń i Het ní oy ō.