Biblia Todo Logo
Bib sou entènèt

- Piblisite -




2 SAMUEL 10:8 - Bibəl ta Sar̄

8 Amon gə̄ teē ran̄ kə ta naá ta róbə́ ń a udən̄neé kə̄ kem ɓē bo yādə́ tə́ ní kə jī loo rɔ̄ɔ́. Ba Aram gə̄ kə́ Soba ō, kə́ Rehob ō, de gə̄ kə́ Tob ō, kə́ Maaka ō, tá ran̄ i tayā kem bembeé.

Gade chapit la Kopi

Bible sar

8 Amon gə̄ teē ran̄ kə ta naá ta róbə́ ń a udən̄neé kə̄ kem ɓē bo yādə́ tə́ ní kə jī loo rɔ̄ɔ́. Ba Aram gə̄ kə́ Soba ō, kə́ Rehob ō, de gə̄ kə́ Tob ō, kə́ Maaka ō, tá ran̄ i tayā kem bembeé.

Gade chapit la Kopi




2 SAMUEL 10:8
13 Referans Kwoze  

Amon gə̄ a̰a̰n̄ kadə̄ Dabid əhɔdə́ kemən tə́ najə̄ yá̰á̰ ń nin̄ rāān̄ tə́ ní, adə̄ əlan̄ kəla rɔ̄ Aram gə̄ kə́ Bet Rehob tə́ ō, kə́ Soba tə́ ō, kadə̄ rɔ̄ɔ̄n̄ Dabid sedə́ ba kadə̄ n-adə̄n̄də́ nar. Adə̄ ngé rɔ̄ɔ̄ gə̄ kə́ ngé njə̄rā kə njadə́ gə̄ reēn̄ dūbú kutə jōó ō, de gə̄ yā mban̄g kə́ Maaka i dūbú kógə̄ḿ ō, de gə̄ kə́ Tob i dūbú kutə̄ gidə i jōó ō.


Ndə̄mān̄ púsə rɔ̄ɔ̄ gə̄ dūbú kutə mətá gidə i jōó kə naraá ō, əndān̄ yá̰a̰ jī mban̄g kə́ Maaka tə́ kə deē yān gēé kadə̄ rɔ̄ɔ̄n̄ tām̄ yādə́ tə́ ō. Mban̄g kə́ Maaka nin̄ kə ngé rɔ̄ɔ̄ yān gēé reē ndin̄ ta ɓē kə́ Medeba tə́, banī Amon gə̄ teēn̄ kə̄ kem ɓē yādə́ gə̄ tə́ reē əngen̄ naā yā rɔ̄ɔ̄.


Aser gə̄ tə̄ɓān̄ de gə̄ kə́ Ako ō, Sidon ō, Alab ō, Akjib ō, Helba ō, Apik ō, Rehob ō, kɔ̄ɔ́ alé.


Abədon ō, Rehob ō, Hamon ō, Kana ō, aw̄ bátə́ ugə̄ Sidon kə́ bo tə́.


De gə̄ ní aw̄ əndān̄ ma̰ȳ dɔ nang kə́ Kanaan, əlan̄ gír kem dəla loo kə́ Sin tə́ bátə́ ugə̄nəń Rehob, kadə Lebo Hamat tə́


Adə̄ Jepte a̰ȳ ngákó̰o̰n gə̄ aw̄ sa̰y ndi dɔ nang kə́ Tob tə́. De kə́ yá̰a̰ aĺ gə̄ kánə̄n̄ naā kə̄ dɔn tə́ ō, aw̄n̄ rɔ̄ tə́ seneé ō.


Dan ń rɔ̄ɔ̄ əsō anī kum kɔɔ̄ kə́ Galaad gə̄ aw̄ sāān̄ nja Jepte dɔ nang kə́ Tob tə́.


Dabid oō beé anī əla Joab nin̄ kə áskar yān gə̄ kə́ nin̄ i go̰ rɔ̄ɔ̄ gə̄ malang ta rɔ̄ɔ̄ tə́.


Dan ń Joab a̰a̰ kadə̄ rɔ̄ɔ̄ i non tə́ ō, gōn tə́ ō anī gə̄rā go̰ rɔ̄ɔ̄ gə̄ kə́ Israel tə́ əndādə́ kə ta naá no Aram gə̄ tə́.


Elipelet ngōn̄ Ahasəbai kə́ ngōn̄ deē kógə̄ḿ kə́ Maaka ō, Eliam ngōn̄ Ahitopel kə́ Gilo ō,


Kem ɓāl̄ ń Dabid tɔ̄ləń ngé rɔ̄ɔ̄ gə̄ yā Hadadejer tə́ ní, Rejon ɔy de gə̄ gōn tə́ ba tél ngoldə́. Ni-aw̄ ndi sedə́ Damas. Ta tɔ̄l̄ ta anī o̰o̰ ɓē kə́ Damas.


Amon gə̄ teē aw̄ ran̄ kə ta naá kə jī loo rɔ̄ɔ́ ta ɓē yādə́ tə́. Banī mban̄g gə̄ ń reēn̄ dḭḭ̄də́ tə́ ní tá ran̄ i loo kə́ rang tə́ kem bembeé.


anī, nin̄ reēn̄ kə deē yādə́ gēé əngen̄ Gedalia kem ɓē kə́ Misəpa tə́. Ngol áskar gə̄ ní i Ismael ngōn̄ Netania ō, Yohanan ō, Yonatan ō, ngán Karea gə̄ ō, Seraya kə́ ngōn̄ Tanəhumet ō, ngán Epai kə́ Netopa ō, Yejanyahu kə́ ngōn̄ Maaka ō. I ngarā̰ kumdə́ nin̄ kɔ́ gə̄ ō, deē yādə́ gə̄ ō n reēn̄ ní.


Swiv nou:

Piblisite


Piblisite