2 SAMUEL 10:12 - Bibəl ta Sar̄

¹² Ī-ra dəngam ō, ādə̄ jḭḭ jə-ra dəngam ō, tām̄ yā gír deē yājí gə̄ tə́ ō, ɓē gə̄ yā Nə́ɓā yājí tə́ ō, ba ādə̄ Kɔ́ɔ̄ɓē rāā yá̰á̰ ń kemən ndigə ní.

Bible sar

¹² Ī-ra dəngam ō, ādə̄ jḭḭ jə-ra dəngam ō, tām̄ yā gír deē yājí gə̄ tə́ ō, ɓē gə̄ yā Nə́ɓā yājí tə́ ō, ba ādə̄ Kɔ́ɔ̄ɓē rāā yá̰á̰ ń kemən ndigə ní.

2 SAMUEL 10:12 Referans Kwoze

1 KORḚNTƏ 16:13

Ī-ndiī dɔ rɔ̄sí tə́ ō, ī-raī ngan̄g dɔ taā kem tə́ ō, əhɔī rɔ̄sí tɔgə ō, ādī tɔ́gə́sí to ō.

NDŪ NAJƏ̄ 31:6

Ə́hɔ rɔ̄í tɔgə ō, ī-ra dəngam ō, ī-lōō kadə̄ ɓōĺ rāāī ō, ī-lōō ndebə ta kumdə́ tə́ ō, tɔdɔ̄ Kɔ́ɔ̄ɓē Nə́ɓā yāí a njə̄rā seí naā tə́. Ni a mbātíī aĺ ō, a əya̰ī kɔ̄ɔ́ aĺ ō.

1 SAMUEL 3:18

Loo ń noō tə́ Samuel ədan yá̰a̰ malang ń Kɔ́ɔ̄ɓē ɔr̄ seneé ní kanjə̄ mundə̄n yá̰á̰ kógə̄ḿ. Eli əda na: Ni i Kɔ́ɔ̄ɓē. Ādə̄ rāā yá̰á̰ ń ni-a̰a̰ kadə̄ i yá̰á̰ kə́ majə ní.

HEBƏRO 13:6

Adə̄ j-asiī kənī kemjí mámák kədań najə̄ ń toō: Kɔ́ɔ̄ɓē i nge rāā seḿ, m-ā m̄-ɓōĺ yá̰á̰ kógə̄ḿ alé. Deē a rāā i rí seḿ?

NEHEMI 4:14

ré ōōī kōō tōw̄ kə́ ɓār̄ anī, ɔ́siī dɔsí naā tə́ rɔ̄ḿ tə́. Nə́ɓā yājí a rɔ̄ɔ̄ tām̄ yājí tə́.

1 SAMUEL 4:9

Pilistin gə̄, ə́hɔī rɔ̄sí tɔgə. Ī-raī dəngam, na sōgə́ ī-rāāī ɓəlo yā Hebəro gə̄ tītə̄ ń nin̄ rāān̄neé ɓəlo yāsí kété ní. Ī-raī dəngam ba ī-rɔ̄ɔ̄īdə́.

NGÉ SARYA 10:15

Anī ngán Israel gə̄ tél ədan̄ Kɔ́ɔ̄ɓē na: Kɔ́ɔ̄ɓē, jə-rāā majaĺ seí, adə̄ ī-rāā sejí yá̰a̰ malang ń kemií ndigə ní, banī ɓɔ́ ī-gān̄g dɔjí ɓōólaā.

1 YÁ̰A̰ GƏ̄ 19:13

Kə əhɔ rɔ̄n tɔgə ō, kə n-ɔjən̄ kadə̄ tɔ́gə́də́ to ō, tām̄ yā gír deē yādə́ gə̄ tə́ ō, tām̄ yā ɓē yā Nə́ɓā yādə́ tə́ ō. Ba kadə̄ Kɔ́ɔ̄ɓē kə rāā yá̰á̰ ń a̰a̰ kadə̄ i yá̰á̰ kə́ majə ní.

Makətūbə̄ yā Job 1:21

ba əda na: m̄-teē kem kó̰ó̰ḿ tə́ i rɔ̄ḿ karī ō, m-ā m̄-tél yā kaw̄ gíŕ nángāá i rɔ̄ḿ karī ō. Kɔ́ɔ̄ɓē adə̄ ō, Kɔ́ɔ̄ɓē taā kɔ̄ɔ́ ō. Ādə̄ de gə̄ tɔ̄ȳn̄ rī Kɔ́ɔ̄ɓē.

1 SAMUEL 17:32

Dabid əda Saul na: Ādə̄ ndíl deē kógə̄ḿ a̰ȳ najə̄ yā Pilistin ń toō tə́ alé. Mā nge kəla yāí m-ā m-āw̄ yā rɔ̄ɔ̄n.

1 SAMUEL 14:12

Ba Pilistin gə̄ ní ədan̄ Jonatan nin̄ kə nge kətō yá̰a̰ rɔ̄ɔ̄ yānneé na: Ālī kə̄ rɔ̄jí tə́ laā na j-aw̄ kə yá̰á̰ kógə̄ḿ yā kədasí. Anī Jonatan əda nge kətō yá̰a̰ rɔ̄ɔ̄ yān na: Āl̄ gōḿ tə́ na Kɔ́ɔ̄ɓē əladə́ kem jī Israel gə̄ tə́ kɔ̄ɔ́ ɓá.

1 SAMUEL 14:6

Jonatan əda nge kətō yá̰a̰ rɔ̄ɔ̄ yān na: Ī-reē ādə̄ j-aw̄ bátə́ loo ń ngé kəja mɔtədə́ aĺ gə̄ ń noō ndin̄ tū tə́ ní. Majanī Kɔ́ɔ̄ɓē a rāā yá̰a̰ tām̄ yājí tə́. Ká ré jḭḭ̄ i ngá̰ý aké i sḛ́ý beē gə̄gē anī yá̰á̰ kə́ a ɔgə̄ Kɔ́ɔ̄ɓē tetə rɔ̄ɔ̄ kadə̄jí gətóo.

JOJUE 1:18

Deē ń a mbātə́ koō taí ō, a mbātə́ rāā yá̰a̰ malang ń ə́dájí kadə̄ j-rāā ō ní, a tɔ̄lnən̄ kɔ̄ɔ́. Yāí i yā kadə̄ ə́hɔ rɔ̄í tɔgə ō, ī-ra dəngam ō ngóy.

JOJUE 1:9

Najə̄ ń m-ə́daī ní ādə̄ dɔí ndígə̄nal alé: M-ə́daī na kə ə́hɔ rɔ̄í tɔgə ō, ī-ra dəngam dɔ rɔ̄í tə́ ō. Ī-lōō ndebə ō, ī-lōō kadə̄ kemií gān̄g man̄ ō. Tɔdɔ̄ loo malang ń āw̄ tū tə́ ní, Kɔ́ɔ̄ɓē yāí i naā tə́ seí.

TƏ́DA 13:20

Á̰a̰ī ké dɔ nang kə́ tū tə́ i kə́ teē yá̰á̰ ngá̰ý aké teē yá̰a̰ aĺ wa, ké kāgə̄ gə̄ ran̄ dɔ nang ní tə́ aké gətóon̄ wa. Əhɔī rɔ̄sí tɔgə ba ī-tə́jaī kan̄ kāgə̄ gə̄ kə́ dɔ nang ní tə́ ī-reēiń. Dan ngeé ń noō tə́ ní, i dan yā kəja kan̄ kāgə̄ nduú kə́ ta kəga dɔ gə̄.

2 YÁ̰A̰ GƏ̄ 32:7

Ādī kem kə̄ngāsí ngan̄g ō, ə́hɔī rɔ̄sí tɔgə ō. Ī-sōlī yá̰á̰ kógə̄ḿ aĺ ō, ī-lōōī ɓōĺ mban̄g kə́ Asiri ō, kósə de kə́ ngá̰ý gə̄ ń seneé ní ō. Tɔdɔ̄ deē ń sejí ní i de kə́ bo tɔȳ ngé gə̄ ń i seneé ní.

HEBƏRO 11:33

I kə ta kūl̄ taā kem n nin̄-tetən̄ ɓē ko̰o̰ gə̄ rɔ̄ɔ̄ ō, rāān̄ adə̄ de gə̄ rāān̄ háĺ kə́ gōtə́ ō, əngen̄ yá̰a̰ gə̄ ń Nə́ɓā ənī míndən dɔ tə́ yā kadə̄də́ ní ō. Nin̄-utə̄n̄ ta ɓɔl gə̄ ō,

2 SAMUEL 10:11

Joab əda ngōkó̰o̰n na: Ré tɔ́gə Aram gə̄ tɔȳ yāḿ anī ī-reē ī-dḭḭ̄m̄, ba ré tɔ́gə Amon gə̄ tɔȳ yāí anī m-ā m-āw̄ yā dḭḭ̄ī ō.

NDŪ NAJƏ̄ 31:7

Gō tə́ anī Moijə ɓāŕ Jojue ba ədan ta kum ngán Israel gə̄ tə́ malang na: Ə́hɔ rɔ̄í tɔgə ō, ī-ra dəngam ō, tɔdɔ̄ i ḭ̄ n ā āw̄ kə ngán Israel gēé dɔ nang ń Kɔ́ɔ̄ɓē ənī ndūn adə̄ kaadə́ gə̄ yā kadə̄də́ ní tə́. I ḭ̄ n ā ī-nə̄ɓōdə́ dɔ nang ní ní.

2 SAMUEL 15:26

Ba ré Kɔ́ɔ̄ɓē əda na n-gḛym̄ aĺ anī, ādə̄ rāā yá̰á̰ ń kemən ndigə ní seḿ.

NEHEMI 4:8

M-á̰a̰ loo oy anī m-ə́da de kə́ bo gə̄ ō, ngé rāā sarya gə̄ ō, gotə ngán Israel gə̄ ō na: Ī-lōōī ɓōĺdə́! Ādə̄ əga kemsí dɔ Kɔ́ɔ̄ɓē ń i de kə́ bo ō, to ɓōĺ ngá̰ý ní ō tə́, ba ī-rɔ̄ɔ̄ī tām̄ yā ngákó̰ó̰sí gə̄ tə́ ō, ngáńsí gə̄ tə́ ō nə̄yá̰sí gə̄ tə́ ō, kújə yāsí gə̄ tə́ ō.