2 SAMUEL 1:20 - Bibəl ta Sar̄

²⁰ Ī-lōōī kəda najə̄n kem ɓē kə́ Gat tə́. ī-lōōī kəda gotə kum róbə gə̄ kə́ kem ɓē kə́ Askalon tə́, na sōgə́ adə̄ ngán Pilistin kə́ dəyá̰ gə̄ rɔ̄nel̄, na sōgə́ ngáń kə́ dəyá̰ gə̄ yā ngé kəja mɔtədə́ aĺ gə̄ ń noō rāān̄ walya.

Bible sar

²⁰ Ī-lōōī kəda najə̄n kem ɓē kə́ Gat tə́. ī-lōōī kəda gotə kum róbə gə̄ kə́ kem ɓē kə́ Askalon tə́, na sōgə́ adə̄ ngán Pilistin kə́ dəyá̰ gə̄ rɔ̄nel̄, na sōgə́ ngáń kə́ dəyá̰ gə̄ yā ngé *kəja mɔtədə́ aĺ gə̄ ń noō rāān̄ walya.

2 SAMUEL 1:20 Referans Kwoze

MISE 1:10

Juda gə̄, ī-lōōī kəda gotə najə̄ ń toō kem ɓē kə́ Gat tə́, ī-lōōī nōō. Ī-wángə̄lāī kum bumbə́rú tə́ kem ɓē kə́ Bet Leapəra tə́, ɔjiīń kadə̄ sḭḭ̄ ə́hɔī ndoō.

1 SAMUEL 18:6

Dan ń Dabid tɔ̄l̄ Pilistin ní gír gān̄g á ngé rɔ̄ɔ̄ gə̄ télən̄ kə̄ ɓēé ní, dəyá̰ gə̄ teēn̄ kem ɓē gə̄ kə́ gō nang kə́ Israel tə́ malang kə̄ ndágá ba tə́nīn̄ ta mban̄g Saul kə pāá ō, kə ndāmāá ō. De gə̄ əndan̄ kɔdə ō, yá̰á̰ kə́ ɓār̄ gōsə̄ kə́ rang gə̄ ō, urən̄ kɔĺ rɔ̄nel̄ ō.

NGÉ SARYA 11:34

Dan ń Jepte a tél a aw̄ kə̄ gogə́ ɓēé Misəpa anī, ngōnən kə́ dəyá̰ teē a tə́nī tan kə kɔdɔɔ́ ō, kə ndāmāá ō. I ngōnən kə́ kal kógə̄ḿ beē, ngōnən kə́ rang kə́ dəyá̰ aláa kə́ dəngam gətóo.

EJEKIEL 16:57

I kété pá tá kadə̄ teēn̄ dɔ kem ndul yāí tə́ ɓáý. Ń toō ɓáa ta i dɔí tə́ kadə̄ kadə̄ ɓē gə̄ kə́ Sodom ō, ngán ɓē gə̄ kə́ kadədə́ gə̄ tə́ ō, naā tə́ kə ɓē gə̄ yā Pilistin gə̄ ō tájīīn̄ tā. Tām̄ nin̄ kídīn̄ i kə̄ ta gə̄ tə́.

EJEKIEL 16:27

Loo ń noō tə́ m-ɔ́jə́ tɔ́gə́ḿ dɔí tə́. M-ɔ̄gī yá̰a̰ kəsa ō, m-ə́laī kem jī madə̄ ba̰ā̰í gə̄ ń i ɓē gə̄ yā Pilistin gə̄ ní tə́ ō. Tɔdɔ̄ rɔ̄də́ sɔl̄də́ najə̄ hálí kə́ majaĺ ngá̰ý tə́.

1 SAMUEL 31:4

adə̄ ni-əda nge kətō yá̰a̰ rɔ̄ɔ̄ yān na kə ɔr̄ kaskar yān kə ɔsənneé na sōgə́ de kə́ ngé kəja mɔtədə́ aĺ gə̄ ń noō reē ɔsənən̄ ba mbóon̄neé seneé. Banī nge kətō yá̰a̰ rɔ̄ɔ̄ yān ɔdə alé, tɔdɔ̄ ɓōĺ asən nák. Anī Saul un kaskar yān nəkɔ́ ba əsō ta tə́.

1 SAMUEL 17:36

Nge kəla yāí tɔ̄l̄ ɓɔl ō, tɔ̄l̄ dā̰ úrsə ō. Adə̄ yá̰á̰ ń m̄-rāā kə dā̰ gə̄ ń noō ní m-ā m̄-rāā kə Pilistin kə́ nge kəja mɔtən aĺ ń toō ō. Tɔdɔ̄ ni tɔ́sə̄ gātə̄ ngé rɔ̄ɔ̄ gə̄ yā Nə́ɓā ń ndi kə kumneé ní.

1 SAMUEL 17:26

Dabid dəje ngé rɔ̄ɔ̄ gə̄ ń ran̄ rɔ̄n tə́ ngɔr ní na: Deē ń tetə Pilistin ń toō rɔ̄ɔ̄ yā kɔrə̄ń rɔ̄sɔl̄ kɔ̄ɔ́ dɔ ngán Israel gə̄ tə́ ní a əndān̄ njan i kə rí? Pilistin kə́ kəja mɔtən aĺ nəkɔ́ ń toō i náā á a tɔ́sə̄ gātə̄ ngé rɔ̄ɔ̄ gə̄ yā Nə́ɓā kə́ kə kumneé beé?

NGÉ SARYA 14:19

Loo ń noō tə́ Ndíĺ Kɔ́ɔ̄ɓē udə kem Samso̰ tə́, adə̄ Samso̰ aw̄ Askalon tɔ̄l̄ de kə́ kemeé gə̄ kutə mətá, ba ró̰ȳ kūbə̄ kə́ rɔ̄də́ gə̄ reēń adə̄ de gə̄ ń ədanən̄ kum səngó ní. Gō tə́ anī télaw̄ gogə́ ɓē bɔbə̄neé kə wōngōó.

1 SAMUEL 14:6

Jonatan əda nge kətō yá̰a̰ rɔ̄ɔ̄ yān na: Ī-reē ādə̄ j-aw̄ bátə́ loo ń ngé kəja mɔtədə́ aĺ gə̄ ń noō ndin̄ tū tə́ ní. Majanī Kɔ́ɔ̄ɓē a rāā yá̰a̰ tām̄ yājí tə́. Ká ré jḭḭ̄ i ngá̰ý aké i sḛ́ý beē gə̄gē anī yá̰á̰ kə́ a ɔgə̄ Kɔ́ɔ̄ɓē tetə rɔ̄ɔ̄ kadə̄jí gətóo.

1 SAMUEL 6:17

Kutə yá̰a̰ gə̄ kə́ ton̄ tītə̄ yá̰á̰ kə́ agə̄ de gə̄ kə́ rāān̄də́ kə lɔ́rɔ́ gə̄ ń Pilistin gə̄ adə̄n̄ Kɔ́ɔ̄ɓē yā kəsōnneé naā ní n toó: Yā ɓē kə́ Asdod i kógə̄ḿ, yā ɓē kə́ Gaja i kógə̄ḿ, yā ɓē kə́ Askalon i kógə̄ḿ, yā ɓē kə́ Gat i kógə̄ḿ, yā ɓē kə́ Ekəron i kógə̄ḿ ō.