2 SAMUEL 1:16 - Bibəl ta Sar̄

¹⁶ Dabid əda Amalek ní na: Ādə̄ mósí i dɔí īkɔ́ tə́, tɔdɔ̄ īkɔ́ ī-gān̄g sarya dɔ rɔ̄í īkɔ́ tə́ ə́da na mban̄g ń Kɔ́ɔ̄ɓē ur yibə̄ dɔn tə́ gə̄rānneé ní i ḭ̄ n na ī-tɔ̄lə̄n ní.

Bible sar

¹⁶ Dabid əda Amalek ní na: Ādə̄ mósí i dɔí īkɔ́ tə́, tɔdɔ̄ īkɔ́ ī-gān̄g sarya dɔ rɔ̄í īkɔ́ tə́ ə́da na mban̄g ń Kɔ́ɔ̄ɓē ur yibə̄ dɔn tə́ gə̄rānneé ní i ḭ̄ n na ī-tɔ̄lə̄n ní.

2 SAMUEL 1:16 Referans Kwoze

MATIYE 27:25

Anī kósə de gə̄ malang tél ədan̄ na: Ādə̄ mósən əsō dɔjí tə́ ō, dɔ ngáńjí gə̄ tə́ ō!

Najə̄ kə́ Majə yā Jeju ń Luk ndang ní 19:22

Ngār ní ədan na: Ḭ̄ i nge kəla kə́ majaĺ. M-ā m̄-gān̄g sarya dɔí tə́ i kə gō najə̄ gə̄ ń teēn̄ taí ḭ̄ kɔ́ tə́ ní. Adə̄ m-ā m-ún yá̰á̰ kə́ m-ə̄nā aĺ ō, m-ə́ja kōō kə́ m̄-dubə̄ aĺ ō,

LEBI GƏ̄ 20:9

Adə̄ ré dəngam tájə̄ bɔbə̄n aláa kó̰o̰n anī, a tɔ̄l̄nən̄ kɔ̄ɔ́. Ni-tájə̄ bɔbə̄n ō, kó̰o̰n ō ní, mósən a na̰y i dɔn nəkɔ́ tə́.

Makətūbə̄ ń Pol ndang adə̄ Rom gə̄ ní 3:19

Ba jə-gerī majə kadə̄ yá̰a̰ malang ń ndū najə̄ əda ní, əda i tām̄ yā de gə̄ ń ndū najə̄ i dɔdə́ tə́ ní, yā kadə̄ loo nējə̄ najə̄ dɔ rɔ̄ tə́ gətóo ō, kadə̄ sarya yā Nə́ɓā i dɔ de kə́ dɔ nang tə́ gə̄ tə́ malang ō.

Gōsə̄ najə̄ gə̄ 6:2

ré īkɔ́ ə̄nī rɔ̄í kum réńg tə́ kə najə̄ kə́ taí tə́ ō, ré ə̄yā gūmbə̄ kə najə̄ kə́ taí tə́ kadə̄ əhɔī īkɔ́ ō anī,

1 MBAN̄G GƏ̄ 2:37

Ndɔ̄ ń ā ī-teē tə́, adə̄ ī-teē wól man̄ Sedəron kə̄ gidə kə́rēý tə́ anī ā óý ní m-ə́daī m-ādə̄ gān̄g. Mósí a tél yā kəsō i dɔí īkɔ́ tə́.

2 SAMUEL 1:10

Adə̄ m̄-njə̄rā kə̄ rɔ̄n tə́ m-āw̄ m̄-tɔ̄lən, tɔdɔ̄ m̄-ger̄ kadə̄ gō rɔ̄ɔ̄ ń rāān tə́ ní a ndi kə kumuú alé. Gō tə́ anī m-ɔ̄r̄ jākā mbang kə́ dɔn tə́ ń ɔjə kadə̄ ni i mban̄g ní ō, m-ɔ̄r̄ nə̄ngá kə́ jīn tə́ ō, m̄-reēń laā kadə̄ m-ādī.

1 SAMUEL 26:9

Dabid əda Abisai na: Ī-lōō tɔ̄lən. Ɔ́jəń na deē a tɔ̄l̄ mban̄g kə́ Kɔ́ɔ̄ɓē ur yibə̄ ngār dɔn tə́ kanjə̄ kənge najə̄ a?

JOJUE 2:19

Ré deē kógə̄ḿ kə́ dansí tə́ teē ndágá anī, mósən a əsō i dɔn nəkɔ́ tə́, ba najə̄ a gətóo dɔjí tə́, ba ré deē kógə̄ḿ ndi kújú gōí tə́ tá deē əla jīn ɔdənneéanī, mósən a tél yā kəsō dɔjí tə́.

KƏLA RĀĀ 20:26

Adə̄ m-ə́dásí wáńg ɓōólaā: Ré deē kógə̄ḿ kə́ dansí tə́ tḭ̄ḭ̄ ta rɔ̄n anī najə̄n i dɔḿ tə́ alé.

EJEKIEL 33:5

Ni oō kōō bərúnjə, ba usən dɔ tāā ń tāānən̄ tə́ ní alé. Adə̄ najə̄ yon i dɔn nəkɔ́ tə́. Ré usən i dɔ tə́ anī, loo kə́ beē tə́ ni a ajə rɔ̄n.

EJEKIEL 18:13

Ni-adə̄ nar yān loo tə̄nā tə́ yā kəngeń manə̄n dɔ tə́ ō, yā kəngeń yá̰á̰ gírí ō. Ngōn̄ ń noō ní a ndi kə kumneé a? Rɔ̄kum, a ndi kə kumneé alé! Yá̰á̰ kə́ majaĺ ngá̰ý gə̄ malang ń noō ni-rāādə́. Adə̄ ni a oy ō, najə̄ yon a tél yā kəsō i dɔn nəkɔ́ tə́ ō.

Makətūbə̄ yā Job 15:6

I najə̄ kə́ taí īkɔ́ tə́ n gān̄g sarya dɔí tə́ ní, ba i mā alé. I najə̄ kɔrīí n əndā najə̄ dɔí tə́ ní.

NGÉ SARYA 9:24

Tɔdɔ̄ i gáŕ kadə̄ najə̄ əsō dɔdə́ tə́ tām̄ yá̰á̰ kə́ majaĺ ngá̰ý ń rāān̄ kə ngán Yerubaal kə́ kutə sīrí gə̄ ní tə́ ō, kadə̄ mósə əsō dɔ Abimelek ń tɔ̄l̄ ngákó̰o̰n gə̄ ní tə́ ō, dɔ de kə́ Sisem gə̄ ń sə̄lānən̄ kadə̄ tɔ̄l̄də́ ní tə́ ō.

NDŪ NAJƏ̄ 19:10

I beé n a ənīn̄neé mósə de kə́ najə̄ gətóo dɔn tə́ dɔ nang ń Kɔ́ɔ̄ɓē Nə́ɓā yāí a adī tə́ ní aĺ ní. Ré i beé aĺ anī, mósə deē ń najə̄ gətóo dɔn tə́ ní a əsō dɔí tə́.

LEBI GƏ̄ 20:27

Ré dəngam aké dəyá̰, nin̄ i kɔdə̄ sāā gə̄ aláa nge koō ta gə̄ anī, a tɔ̄lə̄n̄də́ kɔ̄ɔ́. A tə́nīn̄də́ kə mbalá yā tɔ̄l̄də́. Mósə́də́ a na̰y i dɔdə́ nin̄ kɔ́ gə̄ tə́.

LEBI GƏ̄ 20:16

Ré dəyá̰ ɓīī kə dā̰á̰ anī, a tɔ̄lə̄n̄ dəyá̰ ní ō, dā̰ ní ō. Mósə́də́ a na̰y i dɔdə́ nin̄ kɔ́ gə̄ tə́.

KƏLA RĀĀ 18:6

Banī Jipə gə̄ mbātə́n̄ najə̄ yān ō, tájə̄nən̄ ō. Loo ń noō tə́ Pol yéȳ kūbə̄ yān yakə yakə ba ədadə́ na: Ādə̄ mósə́sí tél əsō dɔsí sḭḭ̄ kɔ́ gə̄ tə́! Najə̄n i dɔḿ tə́ alé. Əla gír ngɔr ń toō tə́ ní m-ā m-āw̄ kə̄ rɔ̄ ngé gə̄ ń nin̄ i Jipə aĺ gə̄ ní tə́.

2 SAMUEL 16:8

Ḭ̄ ó̰o̰ ɓē gotə Saul tə́ ba Kɔ́ɔ̄ɓē rāā adə̄ mósə Saul ō, mósə kojə yān gə̄ malang ō, əsō dɔí tə́. Kɔ́ɔ̄ɓē adə̄ ngōnīí Absalom ko̰o̰ ɓē. Yá̰á̰ kə́ to kum kaȳ aĺ əsō dɔí tə́ tɔdɔ̄ ḭ̄ i nge ɓōkə́ mósə de gə̄ nang tə́.

1 SAMUEL 25:39

Dan ń Dabid oō kadə̄ Nabal oy anī əda na: m̄-ndadə̄ m-ādə̄ Kɔ́ɔ̄ɓē ń rɔ̄ dɔḿ tə́ dan ń Nabal tájə̄m̄neé tə́ ní. m̄-ndadə̄ m-ādə̄n tām̄ kɔgə̄ ń ni ɔgə̄m̄ rāā majaĺ tə́ ní ō tām̄ rāā ń ni-rāā adə̄ kem ndul yā Nabal tél əsō i dɔn nəkɔ́ tə́ ní ō. Gō tə́ anī Dabid əla de gə̄ kəda Abigail tə́ na n-ndigə taān.