2 SAMUEL 1:11 - Bibəl ta Sar̄

¹¹ Dabid əhɔ ta kūbə̄ kə́ rɔ̄n tə́ rə̄yā̰ ō, de kə́ gōn tə́ gə̄ malang rə́yā̰n̄ kūbə̄ gə̄ kə́ rɔ̄də́ tə́ ō.

Bible sar

¹¹ Dabid əhɔ ta kūbə̄ kə́ rɔ̄n tə́ rə̄yā̰ ō, de kə́ gōn tə́ gə̄ malang *rə́yā̰n̄ kūbə̄ gə̄ kə́ rɔ̄də́ tə́ ō.

2 SAMUEL 1:11 Referans Kwoze

2 SAMUEL 13:31

Adə̄ mban̄g ḭḭ dɔɔ́, əhɔ kūbə̄ gə̄ kə́ rɔ̄n tə́ rə́yā̰də́, ba to dɔ dā nang tə́. Ngé kəla yān gə̄ malang ń ran̄ rɔ̄n tə́ ní rə́yā̰n̄ kūbə̄ yādə́ gə̄ ō.

2 SAMUEL 3:31

Dabid əda Joab nin̄ kə de gə̄ malang ń i seneé ní na: Ī-*rə́yā̰ī kūbə̄ yāsí gə̄ ō, ō̰ō̰ī kūbə̄ kəhɔ ndoō ō, ə́wāīneé ndoō Abner. Mban̄g Dabid nəkɔ́ njə̄rā gō nīń Abner tə́.

TA KƏLA 37:29

Ruben tél reē ta bəlo taā man̄ ndī ní tə́, anī ənge Jəjep kemeé alé. Ni rə̄yā̰ kūbə̄ kə́ rɔ̄n tə́

TA KƏLA 37:34

Jakob rə̄yā̰ kūbə̄ kə́ rɔ̄n tə́ ō, do̰ō̰ kūbə̄ sákə̄ gírən tə́ ō, ba nōō ngōnə̄n dan i ngá̰ý.

Makətūbə̄ ń Pol ndang adə̄ Rom gə̄ ní 12:15

Ī-rāāī rɔ̄nel̄ kə ngé gə̄ ń rɔ̄də́ nel̄də́ ní ō, ī-nōōī kə ngé gə̄ ń a nōōn̄ ní ō.

KƏLA RĀĀ 14:14

Dan ń ngámbang kəla gə̄, adə̄ i Barnabas nin̄ kə Pol oōn̄ najə̄ yá̰á̰ ní anī, rə́yā̰n̄ kūbə̄ yādə́ gə̄, ba a̰ȳ udən̄ dan kósə de gə̄ tə́.

JOJUE 7:6

Jojue nin̄ kə kum kɔɔ̄ gə̄ yā ngán Israel gēé rə́yā̰n̄ kūbə̄ kə́ rɔ̄də́ gə̄ tə́ ō, ɔyn̄ bumbə́ru kə̄ dɔdə́ tə́ ō, əsōn̄ sébən̄ kumdə́ nang tə́ no sandúkə yā Kɔ́ɔ̄ɓē tə́. Nin̄ ton̄ tītə̄ ń nuū bátə́ loo tíbə dɔdə́ tə́.

TA KƏLA 44:13

Nin̄ rə́yā̰n̄ kūbə̄ kə́ rɔ̄də́ tə́ gə̄ ō, ɔyn̄ yá̰a̰ kətō kə̄ dɔ kərō yādə́ gə̄ tə́ ō, ba tél aw̄n̄ gogə́ kem ɓēé.

2 SAMUEL 13:19

Tamar ɔy bū hor rāā dɔn tə́ ō, kūbə̄ yān kə́ majə ngá̰ý ń rɔ̄n tə́ ní, əhɔ rə̄yā̰ ō. Ni ɓōkə́ jīn dɔn tə́ ba ɔtə aw̄ kə nōō gēé.

2 YÁ̰A̰ GƏ̄ 34:27

Najə̄ kə́ dɔ Jerusalem tə́ ō, dɔ de kə́ kemeé gə̄ tə́ ō ń m-ɔ̄r̄ kemeé ní ḭ̄ ī-nēl̄ mbīí majə ōoń, tɔdɔ̄ najə̄ ní tōr̄ kemií adə̄ ī-tél kə rɔ̄í kə̄ nang tə́ ta kumḿ tə́ ō, ī-*rə́yā̰ kūbə̄ gə̄ kə́ rɔ̄í tə́ ō, ī-nōō kə man̄ kumií ō. Ní mā Kɔ́ɔ̄ɓē m-ə́daī na m-ōō ndūí.

ESDRAS 9:3

Dan ń m-ōō najə̄ ń noō ní, m-ə́hɔ kūbə̄ yāḿ kə́ gír madāá m̄-*rə̄yā̰ ō, m̄-rə̄yā̰ nge kə́ dɔ madə̄ tə́ ō, m̄-ró̰ȳ nənga dɔḿ ō, mbāyə́ḿ ō, m̄-ndi nang tə́ ō, tɔdɔ̄ tɔ́gə́ḿ ur̄ wak kɔ̄ɔ́.

ESTER 4:1

Mardose oō yá̰a̰ malang ń rāā yá̰á̰ ní adə̄ ni rə́yā̰ kūbə̄ yān gə̄ kə̄ rɔ̄n tə́ ba o̰ō̰ kūbə̄ kəhɔ ndoō ō, ɔy bū kə̄ dɔn tə́ ō. Ni teē aw̄ njə̄rā kem ɓēé ba əga kɔŕ kə wur katāá.

JEREMI 36:24

Mban̄g ō, ngé kəla yān gə̄ ō ń oōn̄ najə̄ gə̄ ń toō ní ɓōĺ rāādə́ aĺ ō, rə̄yā̰n̄ kūbə̄ kə́ rɔ̄də́ tə́ gə̄ aĺ ō.

JOEL 2:13

Ī-rə́yā̰ī dan wursí gə̄ ba i kūbə̄ kə́ rɔ̄sí tə́ gə̄ alé. Ī-téliī kə̄ rɔ̄ Kɔ́ɔ̄ɓē Nə́ɓā yāsí tə́. Ni i Nə́ɓā kə́ kumən a o̰o̰n ō, kə́ nge kem majə ō, kə́ a rāā wōn̄g láẃ aĺ ō, kə́ nge ra dɔ ndūn tə́ ō. Ni i nge lōō gír yá̰á̰ kə́ to kum kaȳ aĺ ń núm̄ kemən tə́ yā rāā kə deē ní ō.

2 MBAN̄G 5:7

Dan ń mban̄g kə́ Israel tə́ tə́da makətūbə̄ ní oy anī, rə̄yā̰ kūbə̄ kə́ rɔ̄n tə́ ba əda na: Mā i Nə́ɓā á m-ásə rāā kadə̄ de gə̄ oyn̄ ō, ajən̄ ō a, á deē ń noō əla kə deē kadə̄ m̄-rāā bānjə̄ kə́ rɔ̄n tə́ kadə̄ ur̄ ní. Beé ní á̰a̰ī ō, ī-gerī ō, kadə̄ a sāā i taḿ!