2 PIYER 3:9 - Bibəl ta Sar̄

⁹ Kɔ́ɔ̄ɓē ɔr bā̰ā̰ loo rāā yá̰á̰ ń ni-ənī míndən yā rāā tə́ ní alé. Ba de kə́rēý gə̄ ədan̄ na ni na ɔr bā̰ā̰ ngá̰ý, tá ni tə́gā i tan tām̄ yāsí tə́. Tɔdɔ̄ ni gḛy kadə̄ de kə́rēý gə̄ udən̄ kɔ̄ɔ́ alé, ba kadə̄ de gə̄ malang tūrə̄n̄ gidədə́ kɔ̄ɔ́ ta yá̰á̰ kə́ majaĺ tə́.

Bible sar

⁹ Kɔ́ɔ̄ɓē ɔr bā̰ā̰ loo rāā yá̰á̰ ń ni-ənī míndən yā rāā tə́ ní alé. Ba de kə́rēý gə̄ ədan̄ na ni na ɔr bā̰ā̰ ngá̰ý, tá ni tə́gā i tan tām̄ yāsí tə́. Tɔdɔ̄ ni gḛy kadə̄ de kə́rēý gə̄ udən̄ kɔ̄ɔ́ alé, ba kadə̄ de gə̄ malang tūrə̄n̄ gidədə́ kɔ̄ɔ́ ta yá̰á̰ kə́ majaĺ tə́.

2 PIYER 3:9 Referans Kwoze

1 TIMOTE 2:4

Ni-gḛy kadə̄ de gə̄ malang ajən̄ ō, aw̄n̄ bátə́ kadə̄ gerə̄n̄ najə̄ kə́ rɔ̄kum ō.

Makətūbə̄ ń Pol ndang adə̄ Rom gə̄ ní 2:4

Aké ī-kídə̄ i Nə́ɓā ń a rāā kem majə ngá̰ý ō, a tə́gā tan dɔ yá̰a̰ gə̄ tə́ ō, a əre wurən njam dɔ tə́ ō ní ḿ? Ī-ger̄ kadə̄ kem majə ń Nə́ɓā a rāā ní i kadə̄ ī-tūrəń hálí aĺ a?

HABAKUK 2:3

Yá̰a̰ gə̄ ń m-ɔ́jiī adə̄ á̰a̰ā̰ ní a reēn̄ banī a reēn̄ i kum mbang ń ɔjən̄ tə́ ní ngóy. Sḛ́ý laā anī a rāān̄ yá̰a̰, i sor̄ alé. Ká ré to tītə̄ kə́ ɔr bā̰ā̰ gə̄gē anī, ə̄nī kemií mámák ī-ngóoń. A̰á̰ā̰, i rɔ̄kum, a reēn̄ gō gogə́ alé.

PĀ GƏ̄ 86:15

Banī Kɔ́ɔ̄ɓē, ḭ̄ i Nə́ɓā kə́ kumií a o̰o̰ī kə de gēé ō, kə́ nge ka̰a̰ kum tō ndoō yā de gə̄ ō, kə́ nge rāā wōn̄g láẃ aĺ ō, Kem majə yāí i ngá̰ý ō, ī-ra dɔ ndūí tə́ ngá̰ý ō.

IJAI 30:18

Tá Kɔ́ɔ̄ɓē a ngóō i kum mbang kə́ yā kɔjəńsí kem majə yān kə́ tām̄ yāsí tə́. Ni a ḭḭ dɔɔ́ yā kɔjəsí táŕ kə́ kemən tə́. A̰á̰ā̰, Kɔ́ɔ̄ɓē i Nə́ɓā kə́ nge rāā yá̰á̰ kə́ gōtə́. Ngé gə̄ ń əndān̄ kemdə́ dɔn tə́ ō, ndi a ngóōnən̄ ō ní, rɔ̄də́ nel̄də́.

JEJU TEĒ KUM JA̰A̰ 2:21

M-ə́ya̰ kum mbang m-ādə̄n kadə̄ tūrəń hálən, banī ni-gḛy tūr̄ hálən ń i hál rāā ájə́ba kə́ yā ndɔ̄yń ɓesə̄ ní alé.

2 PIYER 3:15

Majə kadə̄ ī-rāāī tə́gā ta kə́ dan i ngá̰ý yā Kɔ́ɔ̄ɓē yājí i ta róbə́ kə́ kadə̄ ájiīneé tə́! Ngōkó̰ó̰jí kə́ kó tár yājí ń i Pol ní, ndang adə̄sí kə gō kum kedə̄ ń Nə́ɓā adə̄n ní i tītə̄ ń noō ō.

1 TIMOTE 1:16

Ba mā kə́ majaĺ ngá̰ý ń a̰a̰n̄ kum tō ndoō yāḿ ní, i yā kadə̄ Kərist Jeju ɔjəń tə́gā ta yān kə́ ngá̰ý kə̄ ndágá kə de gə̄ ń ndɔ̄ń tə́ a taān̄ kemən tām̄ yā ndi kə kumuú kə́ ngándáńg tə́ ní.

HEBƏRO 10:37

Tɔdɔ̄ makətūbə̄ yā Nə́ɓā əda na: Na̰y kum mbang sḛ́ý ɓáý, na̰y sḛ́ý beē ngóy, anī nge ń sɔɔ̄ kadə̄ reē ní a reē. Na a ɔr bā̰ā̰ alé.

Teē Ngán Israel gə̄ 34:6

Kɔ́ɔ̄ɓē mān̄ no Moijə tə́, anī əda kə ndū boó na: Mā i Kɔ́ɔ̄ɓē, mā i Kɔ́ɔ̄ɓē. Mā i Nə́ɓā kə́ kumḿ a o̰o̰m̄ kə deé ō, kə́ m-á̰a̰ kum tō ndoō yā deē ō, kə́ m-ā m̄-rāā wōn̄g láẃ aĺ ō, mā m̄-rāā kem majə ngá̰ý ō, mā i de kə́ m̄-ra dɔ ndūḿ tə́ ō.

Makətūbə̄ ń Pol ndang adə̄ Rom gə̄ ní 9:22

Nə́ɓā gḛy i kɔjə wōn̄g yān ō, tɔ́gən ō. Ɓá tā ba ni-tə́gā tan dɔ ngé gə̄ ń asə kadə̄ ni-rāā wōn̄g sedə́ ō, nujədə́ kɔ̄ɔ́ ō ní tə́.

IJAI 46:13

m̄-rāā adə̄ yá̰a̰ rāā kə́ gōtə́ yāḿ a reē noó, ni i sa̰y to̰ alé. Dɔ teē ɓəloó i ngɔr. I mə̄kɔ́ n m-ā m-āwń kem ɓē kə́ Siyo̰ tə́ ní. A̰á̰ā̰, m-ādə̄ Israel yá̰á̰ kógə̄ḿ kə́ majə ngá̰ý.

Teē Ngán Israel gə̄ 18:23

Ré na rāā tītə̄ ń noō ō, na i yá̰á̰ kə́ Nə́ɓā əndā dɔn tə́ kadə̄ rāā ō ní a, na a ɔr alé ō, de gə̄ ń noō malang na a télən̄ yā kaw̄ ɓēé gogə́ kə kem sɔlɔ́ ō.

1 PIYER 3:20

Kumən na ɔjə i ndíl de gə̄ ń kété mbātə́n̄ ta Nə́ɓā, dan ń Nə́ɓā a tə́gań tan ɓáý ndɔ̄ gə̄ ń Noe a rāań to bo tə́ ní. I de kə́ sḛ́ý beē gə̄, adə̄ malang ɓáa i deē sɔ́sɔ́ ngóy n udən̄ kem toó ajən̄neé ní.

Teē Ngán Israel gə̄ 32:32

Ba na n-rāān ɓɔ́, kə mā̰ȳ rɔ̄n dɔdə́ tə́. Ré na mā̰ȳ rɔ̄n dɔdə́ tə́ aĺ anī, kə kūsə́ rīn ń na ndang kem makətūbūú ní kɔ̄ɔ́.

Teē Ngán Israel gə̄ 33:11

Dan ń Kɔ́ɔ̄ɓē a ɔr̄ najə̄ kə Moijə ní, tadə́ a̰a̰ i naā tītə̄ ń deē a ɔrə̄ń najə̄ kə madə̄neé ní beē. Loo ń ɔrə̄n̄ najə̄ kə naá oy anī, Moijə tél a aw̄ i gogə́ kem ɓēé, ba nge kɔsə kílən kə́ balsáá kə́ ngōn̄ Nun ń i Jojue ní tá ndɔ́tə̄ loo alé, ni a ndi i gotən tə́ kem kújə tandāá.

PĀ GƏ̄ 77:8

Kɔ́ɔ̄ɓē a mbātə́jí i kə́ njɔ́ḿ gə̄ tə́ a? A rāā kem majə sejí to̰ aĺ i kə́ bátə́ gə̄ tə́ a?

KOHELET 8:11

Yá̰á̰ ń gāngə̄n̄ dɔ de kə́ nge rāā yá̰a̰ majaĺ tə́ loo sarya tə́ ní rāānən̄ láẃ alé. I tām̄ najə̄ ń noō tə́ n ngur rāā yá̰á̰ kə́ majaĺ gə̄ i ngá̰ý kem de gə̄ tə́ ní.

EJEKIEL 33:11

I beé ní, tītə̄ ń m̄-ndiń kə kumḿ rɔ̄kum nōō, najə̄ ń mā Kɔ́ɔ̄ɓē Nə́ɓā m-ə́dásí ní n toó: Koy de kə́ majaĺ gə̄ adə̄m̄ mā rɔ̄nel̄ alé. Yá̰á̰ ń mā m̄-ndigə ní, i kadə̄ nin̄ tūrə̄n̄ jī bēl̄ loo rāā yá̰a̰ yādə́ ba ndin̄ kə kumdə́. Ɓɔ́, ə́ya̰ī jī bēl̄ loo rāā yá̰a̰ yāsí kə́ majaĺ gə̄ kɔ̄ɔ́. Israel gə̄, kadə̄ óyiī i tām̄ rí tə́?

DANIEL 4:29

A tə̄ɓānī kɔ̄ɔ́ dan de gə̄ tə́! Ā ī-ndi i dan dā̰ kə́ bembeé gə̄ tə́ ō, ā ə́sa i mu tītə̄ yā man̄g gə̄ ō! Ā ī-ndi tītə̄ ń noō bátə́ ɓāl̄ sīrí. Ré gír ɓāl̄ kə́ sīrí gə̄ gān̄g anī ā ī-ger̄ kadə̄ Nə́ɓā kə́ dɔɔ́ sa̰y ngá̰ý aw̄ kə tɔ́gə dɔ ko̰o̰ ɓē yā deē ndul gə̄ tə́ ō, ni i nge kadə̄ deē ń kemən ndigə ní ko̰o̰ ɓē ō.

Makətūbə̄ ń Pol ndang adə̄ Rom gə̄ ní 13:11

Sḭḭ̄ kɔ́ gə̄ ī-gerī kum mbang ń jə-ndiī tū tə́ toō mbak: I kum mbang kə́ kadə̄ ī-ndólīneé dɔ ɓīī tə́ tā. Tɔdɔ̄ ɓōólaā ní, kajə i ngɔr ngá̰ý rɔ̄jí tə́ tɔȳ kə́ ndɔ̄ ń jə-taāiń kem tə́ ní.

Makətūbə̄ ń Pol ndang adə̄ Rom gə̄ ní 13:12

Dan ndɔ̄ tɔȳ kɔ̄ɔ́, adə̄ loo a rāā yā tīī ngɔr. Ní, ādə̄ j-əya̰ī kəla kə́ tilií gə̄ kɔ̄ɔ́, ba j-ɔyī yá̰a̰ rɔ̄ɔ̄ kə́ yā rɔ̄ɔ̄ń kum loo kə́ unjə̄ kow tə́ gə̄ jə-tə́laī rɔ̄jí tə́.

2 PIYER 1:4

Adə̄n̄jí yá̰á̰ kə́ majə gə̄ kə́ gātə̄də́ i ngá̰ý ń ənīn̄ ndūdə́ yā kadə̄jí ní, i kə ta kūl̄ kɔsə gɔn yān nəkɔ́ ngeé ń toō ō, kem majə yān ngeé ń toō ō, yā kadə̄ ī-ɓooī naā kə Nə́ɓāá i kə ta kūl̄ yá̰á̰ kə́ majə gə̄ ngeé ń toō. Tɔdɔ̄ ɔrə̄n̄sí kɔ̄ɔ́ jī yá̰á̰ kə́ ndum kə́ dɔ nang tə́ ń kum ndaa yá̰a̰ a ulə̄n ní tə́.