2 PIYER 3:7 - Bibəl ta Sar̄

⁷ Banī dɔ rā̰ kə́ ngɔr ń toō tə́ ō, dɔ nang kə́ ngɔr ń toō tə́ ō ní, najə̄ yā Nə́ɓā kə́ kógə̄ḿ beē nəkɔ́ ń toō ngɔ̄m̄də́ i tām̄ yā hor tə́, yā kadə̄ hor nujəń kɔ̄ɔ́. Ngɔ̄mə̄n̄də́ i tām̄ yā ndɔ̄ ń a gāngə̄n̄neé sarya dɔ ngé kem ndul gə̄ tə́ ō, a nujən̄neé sedə́ kɔ̄ɔ́ ō ní tə́.

Bible sar

⁷ Banī dɔ rā̰ kə́ ngɔr ń toō tə́ ō, dɔ nang kə́ ngɔr ń toō tə́ ō ní, najə̄ yā Nə́ɓā kə́ kógə̄ḿ beē nəkɔ́ ń toō ngɔ̄m̄də́ i tām̄ yā hor tə́, yā kadə̄ hor nujəń kɔ̄ɔ́. Ngɔ̄mə̄n̄də́ i tām̄ yā ndɔ̄ ń a gāngə̄n̄neé sarya dɔ ngé kem ndul gə̄ tə́ ō, a nujən̄neé sedə́ kɔ̄ɔ́ ō ní tə́.

2 PIYER 3:7 Referans Kwoze

2 PIYER 3:10

Ndɔ̄ yā Kɔ́ɔ̄ɓē a reē i tītə̄ nge ɓogə beé. Ndɔ̄ ngeé ń noō tə́ ní, dɔ rā̰ a hində̄ lim kə kōō yá̰á̰ kógə̄ḿ kə́ ɓār̄ to ɓōĺ ngá̰ý ō, yá̰a̰ gə̄ ń Nə́ɓā əndādə́ á hor i tū tə́ ní a nujən̄ kɔ̄ɔ́ ō, dɔ nang kə yá̰a̰ malang kə́ tū tə́ a gətóo kɔ̄ɔ́ ō.

IJAI 51:6

Ə̄nī kumsí kə̄ dɔɔ́ á̰a̰īń loo kum kə̄ dɔ rā̰ tə́, ba ī-téĺ á̰a̰ī loo kum kə̄ nang tə́. Dɔ rā̰ a gətóo kɔ̄ɔ́ tītə̄ sa hor beé ō, dɔ nang a əsō ngisə tītə̄ kūbə̄ beé ō, de kə́ tū tə́ gə̄ a oyn̄ tītə̄ kón̄g gə̄ beé ō. Banī teē ɓəloó a to i kə́ njɔ́ḿ gə̄ tə́, kajə ń m̄-reēń ní ta tɔ̄l̄ tan a gətóo.

2 PIYER 3:12

tá kadə̄ ī-ndi ī-ngóōīneé ndɔ̄ yā Nə́ɓā ō, ə́hɔīneé rɔ̄sí tɔgə ī-rāāīneé kadə̄ ndɔ̄ ní reē láẃ ō. Ndɔ̄ ngeé ń noō tə́ ní a nujən̄ dɔ rā̰ i kə horoó ō, yá̰a̰ gə̄ ń Nə́ɓā tə́ndādə́ dɔɔ́ ní kəngā hor a yḛḛ̄də́ kɔ̄ɔ́ ō.

JEJU TEĒ KUM JA̰A̰ 21:1

Gō tə́ anī m-á̰a̰ dɔ rā̰ kə́ kijə ō, dɔ nang kə́ kijə ō. Tɔdɔ̄ dɔ rā̰ kə́ kété ō, dɔ nang kə́ kété ō ní, gətóon̄ kɔ̄ɔ́ ō, bā bo gətóo kɔ̄ɔ́ ō.

MATIYE 24:35

Dɔ rā̰ ō dɔ nang ō a mānə̄n̄, banī najə̄ yāḿ a mān̄ aĺ bátə́.

2 PIYER 2:9

Kumən na Kɔ́ɔ̄ɓē asə kɔr̄ de kə́ ngé rāā yá̰a̰ kə gō ń ni-ndigə ní gə̄ kum yá̰a̰ nāā tə́ ō, asə ngɔ̄m̄ de kə́ gōtə́ aĺ gə̄ yā rāādə́ yá̰á̰ kə́ tōr̄ ndɔ̄ gān̄g sarya tə́ ō.

MATIYE 25:41

Gō tə́ anī, mban̄g a əda ngé gə̄ ń dɔ jī gelən tə́ ní na: Sḭḭ̄ ń Nə́ɓā ndɔ̄ĺsí ní, ɔ́tiī rɔ̄ḿ tə́ kɔ̄ɔ́, āwī kum hor kə́ a oy aĺ tə́ ń rāān̄ tām̄ yā diabəl tə́ ō, deē yān gə̄ kə́ dɔ rā̰ tə́ ō ní tə́.

JEJU TEĒ KUM JA̰A̰ 20:11

Gō tə́ anī m-á̰a̰ kōr̄ kāgə̄ mbang kə́ bo kə́ ndaa ō, deē ń ndi dɔ tə́ ní ō. Dɔ nang ō, dɔ rā̰ ō, a̰ȳn̄ naā kɔ̄ɔ́ ta kumən tə́ ō, əngen̄ loo tām̄ yādə́ tə́ to̰ aĺ ō.

MATIYE 12:36

Ādə̄ m-ə́dásí najə̄ kə́ bo ngá̰ý, ndɔ̄ gān̄g sarya tə́ anī de gə̄ a ɔrə̄n̄ gír najə̄ kə́ kanjə̄ kumən gə̄ malang ń nin̄-tə́dan̄ ní.

Makətūbə̄ ń Jud ndang ní 1:7

Ādə̄ əga kemsí dɔ ɓē kə́ Sodom tə́ ō, kə́ Gomor tə́ ō, ɓē gə̄ kə́ kadədə́ gə̄ tə́ ō. De kə́ kemeé gə̄ rāān̄ yá̰á̰ kə́ majaĺ tītə̄ yā de kə́ dɔ rā̰ tə́ gə̄ ń noō. Nin̄-ɓōkə́n̄ rɔ̄də́ tū sāā naā kə́ kə gō róbəneé aĺ tə́, adə̄ dəngam gə̄ a sāān̄ dəngam madə̄də́ gə̄ tām̄ yā rɔ̄nel̄ yādə́ tə́. Nin̄-əngen̄ ndéý kə́ tām̄ yā yá̰a̰ rāādə́ kə́ gō tə́ aĺ tə́. Ndéy yādə́ ní i hor kə́ to ngándáńg kə́ o̰o̰də́ ō, yá̰á̰ ń rāādə́ ní téĺ i tāā kə́ kumən unjə̄ ngá̰ý tām̄ yā de gə̄ malang tə́ ō.

1 TIMOTE 6:9

Ba ngé gə̄ ń gḛyn̄ kənge yá̰á̰ ngá̰ý ní, a əsōn̄ kum gūmbə̄ yā yá̰a̰ nāā tə́ ō, yā ngur yá̰á̰ kə́ to mbóo gə̄ tə́ ō, kə́ majaĺ gə̄ tə́ ō ń i yá̰á̰ kə́ a nujən̄ de gə̄ sák sák ō, a tḭ̄ḭ̄n̄ tadə́ ō ní.

PILIPƏ 1:28

Ngé rɔ̄ɔ̄ sesí gə̄ ní ī-ɓōlíīdə́ tū yá̰á̰ kógə̄ḿ tə́ alé: I nge ń noō n a ɔjədə́ kadə̄ nin̄ a aw̄n̄ i kə̄ kuduú kɔ̄ɔ́ tə́, ba sḭḭ̄ i dɔ róbə kajə tə́ ní. Ba yá̰á̰ ń noō ḭḭ i rɔ̄ Nə́ɓā tə́.

1 JA̰A̰ 4:17

Táŕ kə́ dɔ dáńjí tə́ majə ɔtə̄ kə taá i kə ta kūl̄ yá̰á̰ ń toō: Jḭḭ̄ jə-sōlī yá̰á̰ kógə̄ḿ alé tām̄ yā ndɔ̄ gān̄g sarya tə́, tɔdɔ̄ jə-toī i tītə̄ Jeju Kərist beé dɔ nang tə́ laā.

2 TESALONIK 2:3

Ādī deē kógə̄ḿ gól̄sí kə kum kedə̄ yānneé alé. Tɔdɔ̄ sɔɔ̄ kadə̄ mbātə́ najə̄ to kété, yā kadə̄ deē ń i nge rāā yá̰a̰ kə gō ń Nə́ɓā ndigə alé, á i ngōn̄ kə́ nge kudə kɔ̄ɔ́ ní, ɔjəń rɔ̄n kə̄ ndágá.

Makətūbə̄ ń Pol ndang adə̄ Rom gə̄ ní 2:5

Ba dɔ ngan̄g yāí ń noō ō, kem ngan̄g yāí ń ā ī-tūrəń hálí aĺ noō ō, a bə̄gān̄ wōn̄g dɔí tə́ ndɔ̄ wōn̄g ń Nə́ɓā nəkɔ́ a ɔjəń sarya yān kə́ gō tə́ kə̄ ndágá wáńg tə́ ní.

MARK 6:11

Ba ré kem loo kógə̄ḿ tə́ de gə̄ əhɔn̄sí kə̄ rɔ̄də́ tə́ aĺ ō, oōn̄ najə̄ yāsí aĺ ō anī, ī-teēī loo ń noō tə́ kɔ̄ɔ́, ba ī-*gógī bumbə́rú kə́ njasí tə́, tɔdɔ̄ nge ń noō tél i najə̄ kə́ kum tə́ yādə́.

MATIYE 11:24

Ní, ādə̄ m-ə́dásí, ndɔ̄ sarya tə́ anī, yā gō nang kə́ Sodom a to só tə́ ngá̰ý tɔȳ yāsí.

MATIYE 11:22

Ní, ādə̄ m-ə́dásí, ndɔ̄ sarya tə́ anī, yā ɓē kə́ Tir ō, Sidon ō, a to só tə́ ngá̰ý tɔȳ yāsí sḭḭ̄.

MATIYE 10:15

Ādə̄ m-ə́dásí najə̄ kə́ bo ngá̰ý, ndɔ̄ sarya tə́ anī yá̰á̰ ń a reē dɔ ɓē ń noō tə́ ní, yā nang kə́ Sodom ō Gomor ō i só tə́ ngá̰ý tɔȳ yān.

SOPONI 3:8

Kɔ́ɔ̄ɓē əda wáńg kə̄ ndágá na: I beé ní, ī-ngóōī ndɔ̄ ń kadə̄ m̄-reēń yā kəndā najə̄ dɔsí tə́ ní! m̄-gḛy kɔsə dɔ gotə nápar de kə́ rang gə̄ kə̄ naā tə́, m̄-gḛy kɔsə dɔ ɓē ko̰o̰ gə̄ kə̄ naā tə́, yā kadə̄ m̄-bə̄gań wōn̄g yāḿ kə́ ngá̰ý dɔdə́ tə́. A̰á̰ā̰, hor wōn̄g yāḿ a o̰o̰ dɔ nang kə taá malang.

PĀ GƏ̄ 102:26

Ḭ̄ ə̄ndā dɔ nang i kété jóo ō, i jīí n rāā dɔ rā̰ ō ní.

PĀ GƏ̄ 50:3

Ādə̄ Nə́ɓā yājí reē ba ndi tan mbóo alé! Hor kógə̄ḿ a o̰o̰ loo kété non tə́ ō, néĺ kə́ ngan̄g ngá̰ý əla kə gō gidəneé ō.

JEJU TEĒ KUM JA̰A̰ 17:11

Dā̰ ń ndi kété ba ngɔlaā gətóó ní, i nəkɔ́ n i mban̄g kə́ nge ko̰ sɔ́sɔ́ ní. Ni i dan ngé kə́ sīrí gə̄ tə́ ō, a aw̄ i kə̄ loo kə́ tan a tḭ̄ḭ̄ kɔ̄ɔ́ tū tə́ tə́ ō.

JEJU TEĒ KUM JA̰A̰ 17:8

Dā̰ ń na m-á̰a̰n ní na ndi kété, ba ń toō ɓáa na gətóo kɔ̄ɔ́. Ni a teē bəlo kə́ ngɔ́nən gətóó tə́ yā kaw̄ loo kə́ tan a tḭ̄ḭ̄ kɔ̄ɔ́ tū tə́ tə́. Ba de kə́ dɔ nang tə́ gə̄ ń kété ta kəla gír kəndā dɔ rā̰ ō dɔ nang ō tə́, ndangən̄ rīdə́ kem makətūbə̄ ndi kə kumuú tə́ alé ní, dan ń nin̄ a a̰a̰n̄ dā̰ ní anī, a ɔr kumdə́ ngá̰ý. Tām̄ dā̰ ní ndi kété ō, gətóo kɔ̄ɔ́ ō, banī a tél yā reē ɓáý ō.

IJAI 66:15

Tām̄ á̰a̰ī Kɔ́ɔ̄ɓē n toó: Ni a reē i kum hor tə́, púsə rɔ̄ɔ̄ yān gə̄ ton̄ tītə̄ nél man̄ kə́ əla kə ngangá ngá̰ý beē. Ni-reē i kɔjə wōn̄g yān kə́ to ɓōĺ ngá̰ý tə́ ō, i kəla ɓōló kem de gə̄ tə́ tə́ kə ta ndo̰ hor gēé ō.

DANIEL 7:9

m̄-na̰y kə̄ loo ka̰a̰ yá̰á̰ tə́ ɓáý: Tə́ndān̄ kōr̄ kāgə̄ mbang gə̄, anī deē kógə̄ḿ kə́ tɔgə ɓə́ga reē ndi. Kūbə̄ kə́ rɔ̄n tə́ na tītə̄ búy kūbə̄ beé nənga dɔn to tītə̄ bḭḭ̄ batə̄ kə́ ndaa kə́ tə́go beé ō. Kōr̄ kāgə̄ mbang yān i kə́ rāā kə ndo̰ horoó ō, njan kə́ gōr̄ gə̄ i kə́ rāā kə hor kə́ unjūú ō.

JA̰A̰ 12:48

Deē ń mbātə́m̄ ō, ndigə najə̄ yāḿ aĺ ō ní, ni-ənge nge gān̄g sarya dɔn tə́ kɔ̄ɔ́ ɓá: Najə̄ ń m-ə́dá ní a gān̄g sarya dɔn tə́ ta ngóy ndɔ̄ gə̄ tə́.

1 KORḚNTƏ 3:13

a teēn̄ kə kəla rāā de gə̄ kógə̄ḿ kógə̄ḿ kadə̄ to kə̄ dɔ ndágá kadə̄ de gə̄ a̰a̰n̄. Ndɔ̄ sarya a rāā kadə̄ a gerə̄n̄ kəla ní, tɔdɔ̄ ndɔ̄ ní a ɔjə rɔ̄n kə̄ ndágá i kə horoó ō, hor a ɔjə kəla yā de gə̄ kógə̄ḿ kógə̄ḿ ō.

HEBƏRO 12:29

Tɔdɔ̄ Nə́ɓā yājí i hor kə́ a o̰o̰ yá̰a̰.