2 PIYER 3:3 - Bibəl ta Sar̄

³ Yá̰á̰ ń kadə̄ ī-gerī kété ní n toó: Kem ndɔ̄ gə̄ kə́ ta ngóy tə́ anī, de kə́ ngé rāā yá̰á̰ kə́ ngurən i kemdə́ tə́ gə̄ a teēn̄ yādə́. Nin̄ a mbóon̄ sesí,

Bible sar

³ Yá̰á̰ ń kadə̄ ī-gerī kété ní n toó: Kem ndɔ̄ gə̄ kə́ ta ngóy tə́ anī, de kə́ ngé rāā yá̰á̰ kə́ ngurən i kemdə́ tə́ gə̄ a teēn̄ yādə́. Nin̄ a mbóon̄ sesí,

2 PIYER 3:3 Referans Kwoze

Makətūbə̄ ń Jud ndang ní 1:18

Nin̄-ədan̄sí na: Ta ngóy ndɔ̄ gə̄ tə́ anī ngé mbóo kə de gēé gə̄ na a ḭḭn̄ yā mbóo kə de gēé ō, i yá̰á̰ kə́ majaĺ gə̄ ń kemdə́ gḛy ngá̰ý ní n a ndɔ́r̄də́ ta róbə́ ní ō.

2 PIYER 2:10

Ba kə́ bo ngá̰ý ɓáa i ngé kun gō ngur yá̰á̰ kə́ yḛr gə̄ kə́ rāādə́ ba mbātə́nń kadə̄ Nə́ɓā o̰o̰ ɓē dɔdə́ tə́ gə̄. Ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō ní, nin̄ i de kə́ ngé ɓōĺ yá̰a̰ aĺ gə̄ ō, ngé ndájə̄ najə̄ gə̄ ō. De kə́ dɔ rā̰ tə́ kə́ to kɔsə gɔndə́ gə̄ ní, nin̄-ɓōlə́n̄ ndíĺdə́ alé, banī tájə̄n̄də́.

Makətūbə̄ ń Jud ndang ní 1:16

De gə̄ ngeé ń toō ní, nin̄ i ngé tām̄ bujə bujə gə̄ ō, rɔ̄də́ nel̄də́ aĺ ō, a nōōn̄ i rɔ̄də́ kə dɔ ndɔ̄ gə̄ ō, a ɔrə̄n̄ i najə̄ kə́ al̄ tadə́ gə̄ ō, nin̄ i ngé gól̄ kum de gə̄ yā kəngeń yá̰a̰ ō.

2 KORḚNTƏ 4:2

Jḭḭ jə-mbātə́ yá̰á̰ kə́ to rɔ̄sɔl̄ kə́ rāā loo mundə̄ tə́ gə̄ kɔ̄ɔ́ ō, jə-rāā yá̰a̰ kə ngamaá aĺ ō, jə-tūr̄ gidə najə̄ yā Nə́ɓā aĺ ō, banī i najə̄ kə́ rɔ̄kum n j-əda kə̄ ndágá adə̄ kumən unjə̄, jə-sāań kadə̄ de gə̄ malang ənīn̄ kemdə́ adə̄n̄jí kə̄ ta kum Nə́ɓā tə́ ní.

2 PIYER 1:20

Yá̰á̰ kə́ kété ń kadə̄ ī-gerī majə ní n toó: Najə̄ ń Nə́ɓā əndā ta ngé koō ta gə̄ tə́ á ndangən̄ kem makətūbə̄ yān tə́ ní, de kə́ asə kɔjə kum kə dɔneé gətóo.

2 TIMOTE 3:1

Yá̰á̰ ń kadə̄ ī-ger̄ majə ní n toó: Ta ngóy ndɔ̄ gə̄ tə́ anī, kum mbang kə́ tōr̄ gə̄ a ton̄.

Gōsə̄ najə̄ gə̄ 3:34

Ni lur ngé lur loo gə̄, banī rāā kem majə kə ngé sɔl̄ dɔdə́ gēé.

Gōsə̄ najə̄ gə̄ 1:22

Sḭḭ̄ de kə́ kum gān̄g aĺ gə̄, a nel̄sí kə kum gān̄g aĺ yāsí i bátə́ ta kə́ rá? Ngé lur loo gə̄ a nel̄də́ lur loo i bátə́ ta kə́ rá ō, de kə́ mbóo gə̄ a mbātə́n̄ yá̰a̰ ger̄ i bátə́ ta kə́ rá ō?

Gōsə̄ najə̄ gə̄ 14:6

De kə́ nge gán̄g rɔ̄n sāā kum kedə̄ ba ənge alé, banī tām̄ yā de kə́ ger̄ yá̰á̰ tə́ ní, sāā ger̄ kum yá̰a̰ tōr̄ rɔ̄n alé.

1 JA̰A̰ 2:18

Ngánə́ḿ kə́ dūú gə̄, jə-ndiī i kum mbang kə́ ta tɔ̄l̄ ta tə́. Ba tītə̄ ń ōōī kadə̄ nge rɔ̄ɔ̄ Kərist kógə̄ḿ a reē ní, ngɔlaā ngé rɔ̄ɔ̄ Kərist gə̄ ngá̰ý reē ugə̄n̄ kɔ̄ɔ́ ɓá. I tītə̄ ń noō n jə-gerīiń kadə̄ jə-ndiī i kum mbang kə́ ta tɔ̄l̄ ta tə́ ní.

OJEE 7:5

Dan ń i ndɔ̄ yā mban̄g anī, de kə́ bo yān gə̄ rāān̄ yá̰a̰ tītə̄ kə́ mo̰y rāādə́ beē, nin̄ a̰ȳn̄ kasə nduú adə̄ mān̄ dɔ majən. Nin̄ rāān̄ de gə̄ mbóó tə́ ō, mban̄g rāā tītə̄ yādə́ ō.

IJAI 29:20

Tām̄ i ta tɔ̄l̄ ta ngé gə̄ ń ko̰o̰ ɓē malang i gír jīdə́ nin̄ kɔ́ gə̄ tə́ ní ō, ngé lur loo gə̄ a gətóon̄ kɔ̄ɔ́ ō. Ngé sāā rāā yá̰á̰ kə́ majaĺ kə madə̄də́ gēé ō, ngé tetə najə̄ dɔ de gə̄ tə́ ō, ngé kəyā gūmbə̄ no ngé sarya gə̄ tə́ ō, ngé gān̄g sarya dɔ de kə́ najə̄ gətóo dɔn tə́ ō ní, a rāān̄də́ kadə̄ nin̄ a gətóon̄ kɔ̄ɔ́.

IJAI 28:14

I beé ní, sḭḭ̄ ngé mbóo kə de gēé gə̄, sḭḭ̄ ń i ngé kɔr no gír de kə́ Jerusalem gə̄ ń toō ní, ōōī najə̄ yā Kɔ́ɔ̄ɓē:

IJAI 5:19

Tá nin̄ ədan̄ na: Ādə̄ Kɔ́ɔ̄ɓē rāā yá̰á̰ láẃ, jə-sāā ka̰a̰n loo rāā yá̰á̰ tə́! Ādə̄ yá̰á̰ ń Nə́ɓā kə́ táĺ yā Israel ɔjə rāā ní téĺ yá̰á̰ kə́ rɔ̄kum láẃ, jə-sāā ger̄ yá̰á̰ ní!

JA̰A̰ 12:48

Deē ń mbātə́m̄ ō, ndigə najə̄ yāḿ aĺ ō ní, ni-ənge nge gān̄g sarya dɔn tə́ kɔ̄ɔ́ ɓá: Najə̄ ń m-ə́dá ní a gān̄g sarya dɔn tə́ ta ngóy ndɔ̄ gə̄ tə́.

HEBƏRO 1:2

Banī kem ndɔ̄ gə̄ ń toō tə́ ń i ta tɔ̄l̄ ta ndɔ̄ gə̄ ní, ni-ɔr̄ najə̄ sejí i kə ta kūl̄ Ngōnən. Ni-rāā yá̰a̰ malang i kə ta kūl̄ Ngōnən ní ō, i Ngōnən ní n ni gə̄rān kadə̄ ənge yá̰a̰ malang ní ō.