2 PIYER 3:17 - Bibəl ta Sar̄

¹⁷ Kó tár gə̄, kə́ tām̄ yāsí tə́ tā anī, ngɔlaā ní tāān̄sí kɔ̄ɔ́ ɓá. Adə̄ ī-ndiī dɔ rɔ̄sí tə́, ba ī-lōōī kəya̰ kadə̄ yá̰a̰ rāā kə́ gōtə́ aĺ gə̄ yā de kə́ usədə́ yá̰a̰ aĺ gə̄ ndúm̄ sesí ō, ī-lōōī tḭ̄ḭ̄ ta loo yāsí ń ī-raī ngan̄g tū tə́ ní ō.

Bible sar

¹⁷ Kó tár gə̄, kə́ tām̄ yāsí tə́ tā anī, ngɔlaā ní tāān̄sí kɔ̄ɔ́ ɓá. Adə̄ ī-ndiī dɔ rɔ̄sí tə́, ba ī-lōōī kəya̰ kadə̄ yá̰a̰ rāā kə́ gōtə́ aĺ gə̄ yā de kə́ usədə́ yá̰a̰ aĺ gə̄ ndúm̄ sesí ō, ī-lōōī tḭ̄ḭ̄ ta loo yāsí ń ī-raī ngan̄g tū tə́ ní ō.

2 PIYER 3:17 Referans Kwoze

HEBƏRO 3:14

Tɔdɔ̄ jḭḭ̄ i madə̄ Kərist gə̄, ba i loo ń ré jə-ngɔ̄mī yá̰á̰ ń j-əndāī kemjí dɔ tə́ ní kə ngangāá ta kəla gíŕ tə́ bátə́ ta ngóý tə́ tá.

KOLOSƏ 2:8

Ə̄ndāī kum kedə̄ dɔ rɔ̄sí tə́, ba ī-lōōī kadə̄ deē gól̄sí kə najə̄ kə́ kanjə̄ kumən gə̄ ń de gə̄ a gól̄nəń madə̄də́ gə̄, kə ta kūl̄ kum kedə̄ yādə́ ní: Kum kedə̄ ní ra i dɔ yá̰a̰ kāgə̄ ɓē yā de gə̄ tə́, adə̄ i dɔ tɔ́gə́ kə́ dɔ nang tə́ gə̄ tə́, ba i dɔ Kərist tə́ alé.

EPEJƏ 4:14

Loo ń noō tə́ jḭḭ̄ i ngán gə̄ kə́ bəngál man̄ səlādə́ kə̄ yóō kə̄ laā to̰ aĺ ō, nél yá̰a̰ ndóō kə́ tayā tayā gə̄ dáȳ sedə́ aĺ ō, jḭḭ̄ i ngán gə̄ kə́ ngé gól̄ de gə̄ kə ngam yādə́ kadə̄ ndúmə̄n̄ ní gólə̄n̄jí aĺ ō.

1 KORḚNTƏ 15:58

I beé ní, sḭḭ̄ ń i ngákó̰ó̰ḿ gə̄ kə́ m̄-táŕsí ngá̰ý ní, ə́hɔī rɔ̄sí ngan̄g ō, ādī yá̰á̰ yókə̄sí aĺ ō. Ī-rāāī kəla yā Kɔ́ɔ̄ɓē kum kə̄ kété kété kanjə̄ dəba. Tɔdɔ̄ ī-gerī kadə̄ kəla ń ī-rāāī kə gō ɓoo naā yāsí kə́ kə Kɔ́ɔ̄ɓēé ní, i kəla kə́ ndāńg alé.

1 KORḚNTƏ 10:12

I beé ní, deē ń gír̄ kadə̄ ni i de kə́ ra dɔɔ́ anī, ādə̄ a̰a̰ rɔ̄n majə na sōgə́ əsō.

MATIYE 7:15

Ī-ngɔ̄mī rɔ̄sí tām̄ yā ngé koō ta kə́ rɔ̄kum aĺ gə̄ tə́. A reēn̄ kə̄ rɔ̄sí tə́ a gidədə́ i gidə batə̄ gə̄, ba kemdə́ i kem soó gə̄ kə́ a nārə̄n̄ yá̰a̰ kul̄ gə̄.

Makətūbə̄ ń Pol ndang adə̄ Rom gə̄ ní 16:18

Tɔdɔ̄ de gə̄ ń noō nin̄-rāān̄ i kəla yā Kərist Kɔ́ɔ̄ɓē yājí alé, ba a rāān̄ i kəla tām̄ yā kemdə́ tə́. De gə̄ ń i kə́ kumdə́ gān̄g aĺ ní, nin̄-gólə̄n̄də́ kə najə̄ yādə́ kə́ majə gēé ō, kə́ nel̄ gēé ō.

Gōsə̄ najə̄ gə̄ 1:17

Dan ń yel̄ a̰a̰ nge ndo̰ kɔ̄ɔ́ ɓá ní, nge ndo̰ a əyā gūmbə̄ i ndāńg.

2 TIMOTE 4:15

Ḭ̄ ə̄ndā kum kedə̄ dɔ rɔ̄í tə́ najə̄ yān tə́ ō, tɔdɔ̄ yá̰a̰ malang ń j-əda ní, ni-mbātə́ gōjí tə́ kə ngangāá ngá̰ý.

2 KORḚNTƏ 11:3

Banī m̄-ɓōĺ najə̄ kadə̄ gír̄ yāsí nujə adə̄ ə́ya̰ī Kərist kɔ̄ɔ́, tītə̄ ń lī góləń Ebə kə ngam yānneé ní.

MATIYE 16:6

Anī Jeju ədadə́ na kə əndān̄ kum kedə̄ dɔ rɔ̄də́ tə́ majə najə̄ yā kaa mápa yā Parijiyḛ gə̄ tə́ ō, yā Sadusiyḛ gə̄ tə́ ō.

KƏLA RĀĀ 2:42

Nin̄-əhɔn̄ gō yá̰á̰ ndóō yā ngámbang kəla gə̄ ō, ɔsən̄ dɔdə́ naā tə́ kə́ loo ngákó̰o̰ naā gə̄ tə́ ō, tetən̄ mápá ō, ɔrə̄n̄ najə̄ kə Nə́ɓāá ō kanjə̄ kəya̰ ta.

MATIYE 16:11

I najə̄ yā mápa n m-ɔ̄r̄ sesí aĺ ní ī-rāāī i ba̰ý n ī-gerīneé kum aĺ ní? M-ə́dásí na kadə̄ kumsí gól̄sí kə kaa mápa yā Parijiyḛ gə̄ ō, yā Sadusiyḛ gə̄ ō alé.

JEJU TEĒ KUM JA̰A̰ 2:5

I beé ní, ādə̄ əga kemií dɔ loo ń ḭ́ḭ tū tə́ ə̄sō ní tə́, ba ī-tūr̄ hálí ō, ī-rāā yá̰a̰ gə̄ ń ī-rāādə́ kété ní ō. Ré ī-tūr̄ haĺí aĺ anī, m-ā m-āw̄ yā kun ɗəra hor yāí loo ń əndānən̄ tū tə́ ní tə́ kɔ̄ɔ́.

1 PIYER 5:9

Ī-raī ngan̄g dɔ taā kem yāsí tə́ ō, ī-dumī tan ō. Tɔdɔ̄ ī-gerī kadə̄ ngákó̰ó̰sí kə́ dɔ nang tə́ gə̄ ndin̄ i kum tápə̄ kə́ kógə̄ḿ beē nəkɔ́ ń toō tə́ ō.

KOLOSƏ 2:5

Ká ré m̄-gətóo dansí tə́ kə dā̰ rɔ̄ḿ gə̄gē anī, ndílə́ḿ i sesí. Adə̄ rɔ̄ḿ nelə̄m̄ dan ń sḭḭ̄ ī-ndiī kə gōó ō, ī-raī dɔ Kərist ń ī-taāī kemən tə́ ní ādī ngan̄g ō ní.

PILIPƏ 3:2

Ə̄ndāī kum kedə̄ dɔ rɔ̄sí tə́ najə̄ yā ngé rāā kəla kə́ majaĺ gə̄ tə́, bísə gə̄ ń noō ń nin̄ i ngé kəja mɔtə kə́ rɔ̄kum aĺ gə̄ ní!

JA̰A̰ 16:4

M-ə́dásí najə̄ ń toō i yā kadə̄ loo ń ndɔ̄ ní ugə̄ anī, əga kemsí dɔ tə́ kadə̄ m-ə́dásí kɔ̄ɔ́. M-ə́dásí najə̄ ní kété alé, i tɔdɔ̄ mə̄kɔ́ i sesí ɓáý.

GALATƏ 5:4

Sḭḭ̄ ń ī-sāāī tél de kə́ gōtə́ gə̄ kə ta kūl̄ ndū najá ní, majə kadə̄ ī-gerī na sḭḭ̄ ī-gāngī naā kə Kərist kɔ̄ɔ́ ō, rajə ń Nə́ɓā rajəsí ní ī-teēī kɔ̄ɔ́ tū tə́ ō.

2 PIYER 2:7

Lot ń i de kə́ nge rāā yá̰á̰ kə́ gō tə́ ní, ni-ɔrə̄n kum tə́ kɔ̄ɔ́. Háĺ kə́ majaĺ yā de kə́ usədə́ yá̰a̰ aĺ gə̄ kə́ ɓāl̄ yā Lot tə́ ɔr̄ wur Lot.

2 PIYER 3:1

Kó tár gə̄, ń toō i makətūbə̄ kə́ nge ko̰ jōó n m̄-ndang m-ə́lań m-ādə̄sí toō. Ba kem makətūbə̄ gə̄ ngeé ń toō tə́ jōó mbak ní, m̄-sāā i ndól̄ gír̄ kə́ gō tə́ gə̄ ń ton̄ kemsí tə́ ní yā terə̄ń kemsí dɔ yá̰a̰ ndóō gə̄ tə́.