2 PIYER 3:16 - Bibəl ta Sar̄

¹⁶ I yá̰á̰ ń toō n ni ndang kem makətūbə̄ gə̄ malang ń ni-ɔr̄ najə̄ ń toō kemeé tə́ ní. Makətūbə̄ gə̄ ń ni ndang ní, loo ger̄ kum najə̄ kə́rēý gə̄ kə́ tū tə́ ngan̄g ngá̰ý. Adə̄ de kə́ ger̄ yá̰a̰ aĺ gə̄ ō, kə́ ngəradə́ əhɔ nang aĺ gə̄ ō, tūrə̄n̄ gír kɔ̄ɔ́, tītə̄ ń nin̄ a rāān̄neé kə gotə makətūbə̄ kə́ rang gə̄ yā Nə́ɓāá ní. Nin̄-nujən̄ kə rɔ̄də́ nin̄ kɔ́ gɔ̄ɔ́ i tītə̄ ń noō.

Bible sar

¹⁶ I yá̰á̰ ń toō n ni ndang kem makətūbə̄ gə̄ malang ń ni-ɔr̄ najə̄ ń toō kemeé tə́ ní. Makətūbə̄ gə̄ ń ni ndang ní, loo ger̄ kum najə̄ kə́rēý gə̄ kə́ tū tə́ ngan̄g ngá̰ý. Adə̄ de kə́ ger̄ yá̰a̰ aĺ gə̄ ō, kə́ ngəradə́ əhɔ nang aĺ gə̄ ō, tūrə̄n̄ gír kɔ̄ɔ́, tītə̄ ń nin̄ a rāān̄neé kə gotə makətūbə̄ kə́ rang gə̄ yā Nə́ɓāá ní. Nin̄-nujən̄ kə rɔ̄də́ nin̄ kɔ́ gɔ̄ɔ́ i tītə̄ ń noō.

2 PIYER 3:16 Referans Kwoze

MATIYE 15:6

anī sḭḭ̄ ədaī na kɔ́ɔ̄ na i kə najá dɔn tə́ alé, adə̄ na a rāā kə bɔbə̄neé to̰ alé. Ní, i tītə̄ ń noō n sḭḭ̄ ī-nujiīneé najə̄ yā Nə́ɓā kɔ̄ɔ́, ba ī-rāāīneé yá̰a̰ kə gō yá̰a̰ kāgə̄ ɓē yāsí ní.

HEBƏRO 5:11

J-aw̄ kə najə̄ ngá̰ý yā kəda dɔ yá̰á̰ ń toō tə́, ba loo kɔr̄sí gír ngan̄g ngá̰ý, tɔdɔ̄ ī-téliī de gə̄ kə́ gerə̄n̄ kum najə̄ láẃ aĺ gə̄.

2 PIYER 2:14

Kumdə́ a ndəle i dəyá̰ kə́ ngé rāȳ gə̄ ō, asədə́ rāā yá̰á̰ kə́ majaĺ aĺ bátə́ ō. Nin̄-əyān̄ gūmbə̄ əhɔn̄neé de kə́ tɔ́gə́də́ gətóo gə̄ ō. Yá̰á̰ ń i rāā ta nar ní, nin̄-gerə̄n̄ ngá̰ý ō. Ndɔ̄ĺ yā Nə́ɓā i dɔdə́ tə́!

JAKƏ 1:8

Tɔdɔ̄ ni i de kə́ nge kem jōó. Ni-aw̄ kə̄ kété ō, a tél kə̄ gogə́ ō tū yá̰a̰ rāān gə̄ tə́ malang.

PILIPƏ 3:19

Ta tɔ̄l̄ tadə́ i kudə ń nin̄ a udən̄ kɔ̄ɔ́ ní. Nə́ɓā yādə́ i kemdə́. Yá̰á̰ ń majə kadə̄ adə̄də́ rɔ̄sɔl̄ ɓá anī nin̄ a ɔjənə̄ń i rɔ̄də́. Nin̄ a gírə̄n̄ i dɔ yá̰á̰ kə́ dɔ nang tə́ laā gə̄ tə́ ngóy ō.

JEREMI 23:36

Ba najə̄ ń na yá̰a̰ kətō kə́ kɔȳ ngá̰ý yā Kɔ́ɔ̄ɓē ní a teē tasí tə́ to̰ alé, i najə̄ kɔrsí gə̄ n a tél yá̰a̰ kətō kə́ kɔȳ ngá̰ý yāsí kógə̄ḿ kógə̄ḿ ní, tɔdɔ̄ sḭḭ̄ ī-nujiī najə̄ yā Nə́ɓā kə́ ndi kə kumneé. Ni ń i Kɔ́ɔ̄ɓē kə́ bo kə́ tɔ́gən i ngá̰ý á i Nə́ɓā yājí ní.

1 PIYER 2:8

Tá ndangən̄ loo kə́ rang tə́ ɓáý to̰ na: I mbal̄ kə́ əga nja de gə̄, i mbal̄ bo kə́ nge rāā kadə̄ de gə̄ tə́sōn̄. Mbal̄ ní əga njadə́ i tɔdɔ̄ nin̄-mbātə́n̄ taā kem najə̄ yā Nə́ɓā. Tá kété nəkɔ́ gə̄gē ní, əndān̄də́ i kadə̄ yá̰á̰ ń noō rāādə́ ō.

MATIYE 22:29

Jeju tél ədadə́ na: Gír̄ yāsí i gír̄ kə́ gōtə́ alé. Tɔdɔ̄ ī-gerī makətūbə̄ yā Nə́ɓā aĺ ō, ī-gerī tɔ́gə yā Nə́ɓā aĺ ō.

HABAKUK 1:4

De kə́ un ndū najə̄ rāań kəla gətóo ō, de kə́ gān̄g sarya kə gōó gətóo i kə́ bátə́ gə̄ tə́ ō. De kə́ majaĺ ənī de kə́ rɔ̄kum rɔ̄ɔ̄ ō, ngé rāā sarya gə̄ gāngə̄n̄ sarya kə gōó aĺ ō.

PĀ GƏ̄ 56:5

m̄-tɔ̄ȳ Nə́ɓā tām̄ najə̄ kɔrə̄n tə́, m-ə̄ndā kemḿ dɔn tə́, m̄-ɓōĺ to̰ alé. Deē a rāā i rí seḿ?

Makətūbə̄ ń Jud ndang ní 1:4

Tɔdɔ̄ de kə́rēý kə́ ngé kem ndul gə̄ udən̄ dansí tə́ jəke. Nin̄-tūrə̄n̄ gír rajə ń Nə́ɓā rajə de gə̄ ní kɔ̄ɔ́ adə̄ rāān̄ i yá̰a̰ kutə̄ gidə rɔ̄ yādə́ tə́, yā rāań yá̰á̰ kə́ majaĺ kə́ tayā tayā gə̄ ń ngurən i kemdə́ tə́ ní. Ba Jeju Kərist ń i ni ngóy n i ngoljí ō, Kɔ́ɔ̄ɓē yājí ō ní, nin̄-mbātə́nən̄ kɔ̄ɔ́. Sarya ń gāngə̄n̄ dɔdə́ tə́ ní, ndangən̄ najə̄n kem makətūbə̄ yā Nə́ɓā tə́ i kété jóo.

2 PIYER 2:1

Ngé koō ta kə́ rɔ̄kum aĺ gə̄ ton̄ dan gír de gə̄ yā Nə́ɓā tə́ kété, adə̄ ngé ndóō de gə̄ yá̰á̰ kə́ rɔ̄kum aĺ gə̄ a ton̄ dɔ dáńsí tə́ ō. Nin̄ a udən̄ dansí tə́ yā ndóō de gə̄ yá̰á̰ kə́ rɔ̄kum aĺ gə̄ ō, yá̰á̰ kə́ majaĺ ngá̰ý gə̄ ō, loo mundə̄ tə́ jəke. Ngoldə́ ń gān̄g dɔdə́ ní gə̄gē nin̄-aw̄n̄ bátə́ mbātə́nən̄ kɔ̄ɔ́. Nin̄-ndɔ́rə̄n̄ kudə kɔ̄ɔ́ reēn̄neé dɔ rɔ̄də́ nin̄ kɔ́ gə̄ tə́, ba kudə kɔ̄ɔ́ yādə́ ní a ɔr bā̰ā̰ alé.

MATIYE 15:3

Anī Jeju tél ədadə́ na: Ba sḭḭ̄, i tām̄ rí tə́ á ī-mānī dɔ gō míndə gə̄ yā Nə́ɓā ba ī-rāāīneé yá̰a̰ kāgə̄ ɓē yāsí gə̄ ní?

1 PIYER 1:1

I mā Piyer kə́ ngōmbang kəla yā Jeju Kərist n m̄-ndang makətūbə̄ ń toō ní. m̄-ndang m-ādə̄ i ngé gə̄ ń Nə́ɓā gə̄rādə́ á tḭ̄ḭ̄n̄ naā kə̄ loo gə̄ tə́ gō nang kə́ Po̰o̰ tə́ ō, Galasi tə́ ō, Kapados tə́ ō, Aji tə́ ō, Bitini tə́ ō ní.

1 MBAN̄G GƏ̄ 10:1

Mban̄g kə́ dəyá̰ kə́ Saba oō najə yā Salomo̰, tɔdɔ̄ rī Salomo̰ ɓār̄ ngá̰ý sɔɔ̄ń rī Kɔ́ɔ̄ɓē. Ni-reē kənge Salomo̰ tə́ yā nāā kum kedə̄ yān kə najə̄ kə́ ngan̄g ngan̄g gēé.

NDŪ NAJƏ̄ 16:19

Ī-lōō tə́la ta njaí naā tə́ loo sarya tə́. Ā ī-gān̄g sarya tām̄ ta kum deē alé. Ī-lōō taā kadə̄ karī, tɔdɔ̄ kadə̄ karī i yá̰á̰ kə́ a utə̄ kum de kə́ ngáā gə̄ ō, a nujə najə̄ yā de kə́ sew gə̄ ō.

Teē Ngán Israel gə̄ 23:6

Ā ī-nujə najə̄ yā nge rɔ̄ tō ndoō yāí loo sarya tə́ alé.

Teē Ngán Israel gə̄ 23:2

Ā ún gō de kə́ ngá̰ý gə̄ yā rāań majaĺ alé. Loo ń ā ɔ̄r̄ najə̄ dɔ yá̰á̰ kə́ ḭ̄ i kum tə́ tə́ loo sarya tə́ anī, ā ī-tetə rɔ̄í gō de kə́ ngá̰ý gə̄ tə́ yā kɔrə̄ń najə̄ kə́ rɔ̄kum aĺ alé.

TA KƏLA 49:4

Ī-to tītə̄ man̄ kə́ nūgə́ kə ngangá ngá̰ý, ɓá tā ba ā ə́nge loo kə́ kété to̰ alé, tām̄ ī-sāā nə̄yá̰ḿ kem tə̄rá yāḿ tə́, ə́lań rɔ̄sɔl̄ dɔḿ tə́.

2 PIYER 3:2

Ādə̄ əga kemsí dɔ najə̄ gə̄ ń ngé koō ta kə́ táĺ gə̄ ədan̄ kété ní tə́ ō, dɔ gō míndə́ Kɔ́ɔ̄ɓē ō nge kajə de gə̄ ō ń ngámbang kəla yāsí gə̄ ndóōn̄sí ní tə́ ō.

2 PIYER 3:14

Kó tár gə̄, i tām̄ najə̄ ń noō tə́ n majə kadə̄ ə́hɔī rɔ̄sí tɔgə kadə̄ majaĺ tákə̄sí aĺ ō, kadə̄ najə̄ gətóo dɔsí tə́ ta kum Nə́ɓā tə́ ō, kadə̄ ī-ndiī kə kem kə́ sɔl̄ lɔmɔɔ́ ō, pá tá kadə̄ ndɔ̄ ní ugə̄ ɓáý ní.