2 PIYER 3:15 - Bibəl ta Sar̄

¹⁵ Majə kadə̄ ī-rāāī tə́gā ta kə́ dan i ngá̰ý yā Kɔ́ɔ̄ɓē yājí i ta róbə́ kə́ kadə̄ ájiīneé tə́! Ngōkó̰ó̰jí kə́ kó tár yājí ń i Pol ní, ndang adə̄sí kə gō kum kedə̄ ń Nə́ɓā adə̄n ní i tītə̄ ń noō ō.

Bible sar

¹⁵ Majə kadə̄ ī-rāāī tə́gā ta kə́ dan i ngá̰ý yā Kɔ́ɔ̄ɓē yājí i ta róbə́ kə́ kadə̄ ájiīneé tə́! Ngōkó̰ó̰jí kə́ kó tár yājí ń i Pol ní, ndang adə̄sí kə gō kum kedə̄ ń Nə́ɓā adə̄n ní i tītə̄ ń noō ō.

2 PIYER 3:15 Referans Kwoze

Makətūbə̄ ń Pol ndang adə̄ Rom gə̄ ní 2:4

Aké ī-kídə̄ i Nə́ɓā ń a rāā kem majə ngá̰ý ō, a tə́gā tan dɔ yá̰a̰ gə̄ tə́ ō, a əre wurən njam dɔ tə́ ō ní ḿ? Ī-ger̄ kadə̄ kem majə ń Nə́ɓā a rāā ní i kadə̄ ī-tūrəń hálí aĺ a?

2 PIYER 3:9

Kɔ́ɔ̄ɓē ɔr bā̰ā̰ loo rāā yá̰á̰ ń ni-ənī míndən yā rāā tə́ ní alé. Ba de kə́rēý gə̄ ədan̄ na ni na ɔr bā̰ā̰ ngá̰ý, tá ni tə́gā i tan tām̄ yāsí tə́. Tɔdɔ̄ ni gḛy kadə̄ de kə́rēý gə̄ udən̄ kɔ̄ɔ́ alé, ba kadə̄ de gə̄ malang tūrə̄n̄ gidədə́ kɔ̄ɔ́ ta yá̰á̰ kə́ majaĺ tə́.

1 TIMOTE 1:16

Ba mā kə́ majaĺ ngá̰ý ń a̰a̰n̄ kum tō ndoō yāḿ ní, i yā kadə̄ Kərist Jeju ɔjəń tə́gā ta yān kə́ ngá̰ý kə̄ ndágá kə de gə̄ ń ndɔ̄ń tə́ a taān̄ kemən tām̄ yā ndi kə kumuú kə́ ngándáńg tə́ ní.

1 PIYER 3:20

Kumən na ɔjə i ndíl de gə̄ ń kété mbātə́n̄ ta Nə́ɓā, dan ń Nə́ɓā a tə́gań tan ɓáý ndɔ̄ gə̄ ń Noe a rāań to bo tə́ ní. I de kə́ sḛ́ý beē gə̄, adə̄ malang ɓáa i deē sɔ́sɔ́ ngóy n udən̄ kem toó ajən̄neé ní.

JAKƏ 3:17

Banī deē ń aw̄ kə kum kedə̄ kə́ dɔɔ́ ní a ngɔ̄m̄ rɔ̄n kanjə̄ rāā yá̰á̰ kə́ majaĺ kógə̄ḿ pá tá ndi kə kem sɔl̄ lɔmɔɔ́ ō, dɔn i kə́ sɔl̄ ō, ndigə najə̄ gō madə̄n gə̄ tə́ láẃ ō, a̰a̰ kum tō ndoō yā de gə̄ ngándáńg ō, kan̄ kə́ majə a rosə kemən ō, ni-ɔr̄ kam̄ de gə̄ aĺ ō, ni gól̄ loo aĺ ō.

Najə̄ kə́ Majə yā Jeju ń Luk ndang ní 21:15

Tɔdɔ̄ mə̄kɔ́ m-ā m-ɔ́jə́sí loo kɔr̄ najə̄ kadə̄ ā ɔ̄rī ō, m-ā m-ādə̄sí kum kedə̄ ō, adə̄ deē kógə̄ḿ dan madə̄ ba̰ā̰sí gə̄ tə́ kə́ yā kadə̄ a dum̄sí kə najá gətóo ō, kə́ yā kɔsə najə̄ tasí tə́ kə̄ gogə́ a gətóo ō.

JAKƏ 1:5

Ba ré deē kógə̄ḿ dansí tə́ nal̄ kum kedə̄ anī, ādə̄ ni-dəje Nə́ɓā ń adə̄ de gə̄ malang yá̰a̰ karī kanjə̄ kəda najə̄ kə́ tōr̄ dɔdə́ tə́ ní, na ni a adə̄n.

KƏLA RĀĀ 15:25

I tām̄ najə̄ ń noō tə́ n jḭḭ malang ní kemjí i gō naā tə́ yā gə̄rań de gə̄ kadə̄ j-əladə́ loosí ní. Nin̄ a dānə̄n̄ kó tár yājí gə̄ ń i Barnabas ō Pol ō ní.

1 KORḚNTƏ 2:13

Ba j-ɔr̄ najə̄ yá̰a̰ gə̄ ní i kə najə̄ ń ngé kum kedə̄ gə̄ ndóōn̄jí ní alé, banī i kə najə̄ ń Ndíl Nə́ɓā ndóōjí ní. Adə̄ i tītə̄ ń noō n j-ɔjəń ngé kənge Ndíl ngeé ń toō gə̄ najə̄ kə́ rɔ̄kum gə̄ yā Ndíĺ ní.

KOHELET 2:26

A̰á̰ā̰, deē ń nelə̄n seneé ní ni-adə̄n kum kedə̄ ō yá̰a̰ ger̄ ō, rɔ̄nel̄ ō. Banī ni-adə̄ nge rāā majaĺ kəla k ɔsə nja yá̰a̰ kə̄ naā tə́ ō, kán̄ yá̰a̰ kə̄ dɔ naā tə́ ō, yā kadə̄ deē ń nel̄ Nə́ɓā seneé ní. Nge ń noō i yá̰á̰ kə́ kanjə̄ kumən ō, i ngɔ̄də̄ gō nél yā kəhɔn ō.

ESDRAS 7:25

Ba ḭ̄ Esdras, ī-tə́ndā ngé sarya gə̄ ō, ngār sarya gə̄ ō, kə kum kedə̄ yā Nə́ɓā yāí ń makətūbə̄n to jīí tə́ ní, ādə̄ gāngə̄n̄ sarya yā de gə̄ malang kə́ gō nang kə́ gidə bā Opəratə kə́ dām̄ kə́ no ɓē tə́ ń gerə̄n̄ ndū najə̄ yā Nə́ɓā yāí ní. Ba de gə̄ ń gerə̄n̄ aĺ ní, ī-ndóōīdə́ ādə̄ gerə̄n̄.

1 MBAN̄G GƏ̄ 3:28

Ngán Israel gə̄ malang oōn̄ sarya ń mban̄g gān̄g ní adə̄ rɔȳn̄ mban̄g. Tɔdɔ̄ a̰a̰n̄ kadə̄ Nə́ɓā adə̄n kum kedə̄ yān yā gāngəń sarya.

1 MBAN̄G GƏ̄ 3:12

m-ā m̄-rāā yá̰á̰ ń ī-dəjem̄ ní: M-ā m-ādī kum kedə̄ ō, kem kə́ ger̄ najə̄ ō. M-ā m-ādī i kadə̄ kə́ deē ənge kété noí tə́ aĺ ō, a ənge gotií aĺ ō.

EPEJƏ 3:3

Nə́ɓā teē kumḿ dɔ yá̰á̰ kə́ to loo mundə̄ tə́ ń ni-núm̄ rāā tə́ ní. m̄-ndang najə̄ kə́ dɔ yá̰á̰ ní tə́ sḛ́ý m-ādə̄sí kété.

1 KORḚNTƏ 12:8

Ni-adə̄ deē kógə̄ḿ tɔ́gə kɔr̄ najə̄ kə́ kə kum kedēé ō, Ndíĺ kə́ Táĺ nəkɔ́ kə́ kal kógə̄ḿ beē ń toō adə̄ de kə́ rang tɔ́gə kɔr̄ najə̄ kə gō yá̰á̰ ń ní ger̄ kə ta kūl̄ Ndíĺ kə́ Táĺ ní ō.

1 KORḚNTƏ 3:10

Nə́ɓā rāā seḿ kə gō kem ndaa yānneé adə̄ m-ə̄ndā ngəra kújə i tītə̄ kɔdə̄ nge kəndā kújə́ kə́ ger̄ kəla yān majə beé, ba de kə́ rang rāā kújə dɔ tə́. Banī ādə̄ de gə̄ kógə̄ḿ kógə̄ḿ a̰a̰n̄ majə ké a əndān̄ kújə́ ní i ba̰ý dɔ tə́ wa.

KƏLA RĀĀ 7:10

Wur kɔl gə̄ malang ń əsō dɔ Jəjep tə́ ní ɔrə̄n kum tə́ kɔ̄ɔ́ ō, ni-rāā adə̄ nel̄ mban̄g Parao̰ kə́ Ejiptə seneé ō, rāā adə̄ mban̄g a̰a̰ kadə̄ Jəjep i de kə́ nge kum kedə̄ ō. Mban̄g əndā Jəjep dɔ nang kə́ Ejiptə tə́ ō, dɔ yá̰a̰ malang kə́ ndogó mbangāá tə́ ō.

Teē Ngán Israel gə̄ 35:35

Ni-adə̄də́ kum kedə̄ kadə̄ rāān̄neé kəla yā nge tɔ́sə̄ mbal̄ gə̄ kə́ gātə̄də́ i ngá̰ý ō, yā nge rāā yá̰á̰ súū yá̰a̰ ō, yā nge súū kūbə̄ kə kəlā bḭḭ̄ batə̄ kə́ ndul gusə gusuú ō, kə́ kərē bḭḭ́ ō, kə́ kərē pírírí ō, kə kəlā lḛ́ḛ́ ō. Ni-rāā adə̄ gerə̄n̄ rāā kəla yā nge kəjō kūbə̄ ō, yā ngé rāā kəla kə́ dáńg dáńg gə̄ ō, yā kɔdə̄ gə̄ ō.

Teē Ngán Israel gə̄ 35:31

Rāā adə̄ Ndíĺ Nə́ɓā rosə kemən adə̄ kumən edə̄ ngá̰ý ō, dɔn un yá̰á̰ láẃ ngá̰ý ō, ger̄ yá̰á̰ ngá̰ý ō, ger̄ loo rāā kəla gə̄ malang ō.

Teē Ngán Israel gə̄ 31:6

M-ə̄ndā Oholiab ngōn̄ Ahisamak kə́ gír ɓē yā Dan tə́ kadən tə́ ō, m-ādə̄ kɔdə̄ gə̄ kum kedə̄ ngá̰ý kə dɔdə́ gēé ō, adə̄ a rāān̄ yá̰a̰ gə̄ ń m-ɔ́jiī ní malang.

Teē Ngán Israel gə̄ 31:3

m̄-rāā adə̄ Ndílə́ḿ rosə kemən, kadə̄ kumən edə̄ ngá̰ý ō, kadə̄ dɔn un yá̰á̰ láẃ ngá̰ý ō, kadə̄ ger̄ yá̰á̰ ngá̰ý ō, kadə̄ ger̄ loo rāā kəla gə̄ malang ō.

IJAI 30:18

Tá Kɔ́ɔ̄ɓē a ngóō i kum mbang kə́ yā kɔjəńsí kem majə yān kə́ tām̄ yāsí tə́. Ni a ḭḭ dɔɔ́ yā kɔjəsí táŕ kə́ kemən tə́. A̰á̰ā̰, Kɔ́ɔ̄ɓē i Nə́ɓā kə́ nge rāā yá̰á̰ kə́ gōtə́. Ngé gə̄ ń əndān̄ kemdə́ dɔn tə́ ō, ndi a ngóōnən̄ ō ní, rɔ̄də́ nel̄də́.

KƏLA RĀĀ 9:17

Ananias aw̄, aké udə kújú, əndā jīn dɔ Sol tə́ ba əda na: Ngōkó̰ó̰ḿ Sol, Kɔ́ɔ̄ɓē Jeju ń ndɔ̄bī róbó adə̄ á̰a̰n ta reēí tə́ ní, əlam̄ kadə̄ ī-tél á̰a̰ loo gogə́ ō, kadə̄ Ndíĺ kə́ Táĺ rosə kemií ō.

2 PIYER 3:2

Ādə̄ əga kemsí dɔ najə̄ gə̄ ń ngé koō ta kə́ táĺ gə̄ ədan̄ kété ní tə́ ō, dɔ gō míndə́ Kɔ́ɔ̄ɓē ō nge kajə de gə̄ ō ń ngámbang kəla yāsí gə̄ ndóōn̄sí ní tə́ ō.