2 PIYER 3:13 - Bibəl ta Sar̄

¹³ Tá jə-ndi j-a jə-ngóōī i yá̰á̰ ń ni-ənī míndən najə̄n tə́ ní, adə̄ i dɔ rā̰ kə́ kijə ō, dɔ nang kə́ kijə ō ń yá̰á̰ kə́ gōtə́ a to tū tə́ ní.

Bible sar

¹³ Tá jə-ndi j-a jə-ngóōī i yá̰á̰ ń ni-ənī míndən najə̄n tə́ ní, adə̄ i dɔ rā̰ kə́ kijə ō, dɔ nang kə́ kijə ō ń yá̰á̰ kə́ gōtə́ a to tū tə́ ní.

2 PIYER 3:13 Referans Kwoze

IJAI 65:17

Tām̄ m-ā m̄-rāā dɔ rā̰ kə́ kijə ō, dɔ nang kə́ kijə ō. A əga kem deē dɔ yá̰á̰ kə́ mān̄ kɔ̄ɔ́ tə́ to̰ alé, deē a gír̄ dɔ tə́ to̰ alé.

JEJU TEĒ KUM JA̰A̰ 21:1

Gō tə́ anī m-á̰a̰ dɔ rā̰ kə́ kijə ō, dɔ nang kə́ kijə ō. Tɔdɔ̄ dɔ rā̰ kə́ kété ō, dɔ nang kə́ kété ō ní, gətóon̄ kɔ̄ɔ́ ō, bā bo gətóo kɔ̄ɔ́ ō.

IJAI 66:22

Najə̄ ń Kɔ́ɔ̄ɓē əda ní n toó: Dɔ rā̰ kə́ kijə ō, dɔ nang kə́ kijə ō ń m̄-rāā ní ran̄ ngan̄g ta kumḿ tə́. I beé ní, rīsí ō, ngán kaasí gə̄ ō ní, a gətóon̄ kɔ̄ɔ́ ta kumḿ tə́ aĺ i kə́ bátə́ gə̄ tə́.

JEJU TEĒ KUM JA̰A̰ 21:27

Yá̰á̰ kə́ yḛr a udə kem ɓē ní tə́ aĺ ō, de kə́ nge rāā yá̰á̰ kə́ majaĺ ngá̰ý ō, de kə́ nge sor̄ ō, a udən̄ kem ɓē ní tə́ aĺ ō. I ngé gə̄ ń ndangən̄ rīdə́ kem makətūbə̄ ndi kə kumuú yā Ngōn̄ Batə̄ tə́ ní ngóy n a udən̄ kem ɓē ní tə́ ní.

IJAI 60:21

Gír deē yāí gə̄ malang a oōn̄ taḿ, nin̄ a télən̄ kɔ́ɔ̄ ɓē ń toō ngándáńg. m̄-rāādə́ kə jīḿ i yā kadə̄ nin̄ ɔjən̄ kɔsə gɔn yāḿ. Nin̄ ton̄ i tītə̄ kāgə̄ kə́ mə̄kɔ́ m-ə̄ndā kem ndɔr̄ yāḿ tə́ beé.

IJAI 65:25

Soó ō, ngōn̄ batə̄ ō a əsan̄ yá̰a̰ naā tə́, ɓɔl a əsa mu kə́ tutə tītə̄ man̄g. Lī a ul̄ rɔ̄n i kə bumbə́rú. Yá̰á̰ kə́ majaĺ, aké yá̰á̰ kə́ rāā kə dɔ́nɔ́, a to dɔ mbal̄ yāḿ kə́ táĺ tə́ to̰ alé. I mā Kɔ́ɔ̄ɓē n m-ə́da najə̄ ń noō ní.

Makətūbə̄ ń Pol ndang adə̄ Rom gə̄ ní 8:21

A gāngə̄n̄ dɔdə́, tɔdɔ̄ a ɔrə̄n̄də́ jī tɔ́gə́ kə́ nge nujə yá̰a̰ gə̄ tə́, yā kadə̄ a əngen̄ kɔsə gɔn yā ngáń Nə́ɓā gə̄ sedə́, ngán Nə́ɓā gə̄ ń nin̄ i kɔ́ɔ̄ rɔ̄də́ gə̄ ní.

2 PIYER 1:4

Adə̄n̄jí yá̰á̰ kə́ majə gə̄ kə́ gātə̄də́ i ngá̰ý ń ənīn̄ ndūdə́ yā kadə̄jí ní, i kə ta kūl̄ kɔsə gɔn yān nəkɔ́ ngeé ń toō ō, kem majə yān ngeé ń toō ō, yā kadə̄ ī-ɓooī naā kə Nə́ɓāá i kə ta kūl̄ yá̰á̰ kə́ majə gə̄ ngeé ń toō. Tɔdɔ̄ ɔrə̄n̄sí kɔ̄ɔ́ jī yá̰á̰ kə́ ndum kə́ dɔ nang tə́ ń kum ndaa yá̰a̰ a ulə̄n ní tə́.