2 PIYER 3:11 - Bibəl ta Sar̄

¹¹ Dan ń a nujən̄ yá̰a̰ malang i tītə̄ ń noō ní, háĺ ń kadə̄ ī-ndiīneé ní sḭḭ̄ ī-gerī majə! Majə kadə̄ háĺsí i háĺ kə́ kɔr̄ kam̄ tām̄ yā Nə́ɓā tə́ ō, i háĺ kəhɔ gō Nə́ɓā ō,

Bible sar

¹¹ Dan ń a nujən̄ yá̰a̰ malang i tītə̄ ń noō ní, háĺ ń kadə̄ ī-ndiīneé ní sḭḭ̄ ī-gerī majə! Majə kadə̄ háĺsí i háĺ kə́ kɔr̄ kam̄ tām̄ yā Nə́ɓā tə́ ō, i háĺ kəhɔ gō Nə́ɓā ō,

2 PIYER 3:11 Referans Kwoze

1 PIYER 1:15

Ba tītə̄ ń Nə́ɓā ń ɓāŕsí ní i de kə́ táĺ ní, ādī ɔ̄rī kam̄sí tām̄ yā Nə́ɓā tə́ tū yá̰a̰ rāāsí gə̄ tə́ malang ō.

PILIPƏ 1:27

Banī ādī háĺsí ń ī-ndiīneé ní, əhɔ naā kə Najə̄ kə́ Majə yā Kərist, yā kadə̄ ká ré m-āw̄ go̰ō̰sí tə́, aláa m̄-gətóo rɔ̄sí tə́ gə̄gē anī, m-ōō kadə̄ ī-raī ngan̄g ō, gír̄ yāsí i kógə̄ḿ ō, sḭḭ̄ malang ī-rɔ̄ɔ̄ī dɔ taā kem Najə̄ kə́ Majə tə́ kə kem kə́ kógə̄ḿ ō.

1 PIYER 2:12

Ādī háĺsí majə dɔ dán de kə́ ndágá gə̄ tə́. I beé tá, ká ré nin̄-tetən̄ najə̄ dɔsí tə́ na sḭḭ̄ na i ngé rāā yá̰a̰ majaĺ gə̄ gə̄gē anī, a a̰a̰n̄ yá̰á̰ kə́ majə gə̄ ń sḭḭ̄ ī-rāāī ní ō, a tɔ̄ȳn̄ Nə́ɓā ndɔ̄ ń ni-reē go̰ō̰ńdə́ tə́ ní ō.

2 PIYER 3:12

tá kadə̄ ī-ndi ī-ngóōīneé ndɔ̄ yā Nə́ɓā ō, ə́hɔīneé rɔ̄sí tɔgə ī-rāāīneé kadə̄ ndɔ̄ ní reē láẃ ō. Ndɔ̄ ngeé ń noō tə́ ní a nujən̄ dɔ rā̰ i kə horoó ō, yá̰a̰ gə̄ ń Nə́ɓā tə́ndādə́ dɔɔ́ ní kəngā hor a yḛḛ̄də́ kɔ̄ɔ́ ō.

1 TIMOTE 6:11

Ba ḭ̄ ń i deē yā Nə́ɓā ní, ā̰ȳ kɔ̄ɔ́ ta yá̰a̰ gə̄ ń noō tə́. Ba ī-sāā yá̰a̰ rāā kə́ gōtə́ ō, yá̰a̰ rāā kə́ kə gō ń Nə́ɓā ndigə ní ō, taā kem ō, tár ō, kəhɔ rɔ̄ tɔ́gə ō, háĺ kə́ sɔl̄ lɔm ō.

JAKƏ 3:13

I náa n i de kə́ kumən edə̄ ō, kə́ ger̄ yá̰a̰ ō, dɔ dáńsí tə́ ní? Ādə̄ ni-ɔjə hál dɔ sɔl̄ ō, kum kedə̄ yān ní ō kə̄ ndágá.

PILIPƏ 3:20

Banī jḭḭ̄ ɓáa jḭḭ̄ i de gə̄ kə́ ɓē yājí i dɔ rā̰ tə́, tá jə-ndi j-a jə-ngóōī i mbée ɓee kadə̄ nge kajəjí ń i Kɔ́ɔ̄ɓē Jeju Kərist ní, ḭḭ dɔ rā̰ tə́ reē ō.

IJAI 34:4

Ɓūtə̄ tə́yō̰ gə̄ malang tə́sōn̄, gájə́də́ gə̄ i dūbú. Dɔ rā̰ ɓír̄ rɔ̄n gidə naā tə́ tītə̄ makətūbə̄ beé. Yá̰á̰ kə́ dɔ rā̰ tə́ gə̄ malang urə̄n̄ tītə̄ mbī kāgə̄ nduú aláa mbī kāgə̄ kótə̄ kə́ tutə beé.

IJAI 14:31

Sḭḭ̄ ta róbə gə̄ kə́ yā kudəń kə̄ kem ɓē bo gə̄ tə́, ī-nōōī! Sḭḭ̄ ɓē bo gə̄, ī-gángī kɔŕ! Tɔ́gə dɔ nang kə́ Pilistin kə taá malang ur̄ wak kɔ̄ɔ́, tām̄ sa hor kógə̄ḿ kə́ to tītə̄ kil̄ man̄ beé, ḭḭ dām̄ mbɔ́r ɓē kə́ ko̰ó̰ tə́ a reē noó. Ɓē madə̄ ba̰ā̰ gēé ɓáa, de kə́ əya̰ ɓūtə̄ ngé rɔ̄ɔ̄ gə̄ ba aw̄ sa̰y ní gətóo.

2 PIYER 1:3

Tɔdɔ̄ Nə́ɓā adə̄jí yá̰a̰ malang i kə ta kūl̄ tɔ́gəneé, yā kadə̄ jə-ndiīneé kə kumjí ō, jə-rāāīneé yá̰a̰ kə gō ń ni ndigə ní ō. Ni-rāā adə̄ jə-gerī nge ń ɓāŕjí kə ta kūl̄ kɔsə gɔn yān nəkɔ́ ō, kə ta kūl̄ kem majə yānneé ō ní.

1 TIMOTE 6:3

Ré deē kógə̄ḿ ndóō de gə̄ yá̰á̰ kə́ rang ba əya̰ najə̄ kə́ rɔ̄kum gə̄ yā Kɔ́ɔ̄ɓē yājí Jeju Kərist kɔ̄ɔ́ ō, əya̰ yá̰á̰ ndóō kə́ əhɔn̄ naā kə taā kem yājí kɔ̄ɔ́ ō anī,

1 TIMOTE 4:12

Ādə̄ deē kídī tām̄ ḭ̄ kə́ i ngōn̄ kə́ balsáá ɓáý tə́ alé. Ba ādə̄ loo kɔr̄ najə̄ tə́ ō, loo rāā yá̰á̰ tə́ ō, loo táŕ tə́ ō, loo taā kem tə́ ō, loo rāā háĺ kə́ unjə̄ njáý njáý tə́ ō ɓáa, ḭ̄ i yá̰á̰ ndájə̄ tām̄ yā ngé taā kem gə̄ tə́.

MATIYE 8:27

Ɔr kum de gə̄ ngá̰ý, adə̄ ədan̄ na: Deē nəkɔ́ ń toō i náā á nél gə̄gē, man̄ bā bo gə̄gē, oōn̄ tan beé?

PĀ GƏ̄ 75:3

Nə́ɓā əda na n-a n-gān̄g sarya kə gō róbəneé, ndɔ̄ ń n-a n-ɔjə̄ tə́ ní.

PĀ GƏ̄ 50:23

Deē ń yá̰a̰ tun̄ yān i tɔ̄ȳ ní n i deē ń ɔsə gɔnəḿ ní. Deē ń ngɔ̄m̄ hálən majə adə̄ ni i de kə́ súmūú ní, m-ā m-ɔ́jən loo kajə ń Nə́ɓā a ajə deē ní.

JAKƏ 1:24

Dan ń a̰a̰ kumən ní oy ba ɔtə aw̄ anī, kə̄ ta jī tə́ noō dɔn ndígə̄nal dɔ ta kumən ń ni-a̰a̰ tə́ ní kɔ̄ɔ́, adə̄ ni ger̄ ké ta kumən ní to i ba̰ý wa alé.

1 TIMOTE 3:16

Rɔ̄kum, yá̰á̰ kə́ to loo mundə̄ tə́ ń taā kem adə̄jí ní, i yá̰á̰ kə́ bo ngá̰ý. Kərist tél deē, ɔjəń rɔ̄n kə̄ ndágá adə̄ de gə̄ a̰a̰nən̄, Ndíl kə́ Táĺ teē kum de gə̄ dɔ tə́ kadə̄ ni i de kə́ gōtə́ ō, de kə́ dɔ rā̰ tə́ gə̄ a̰a̰nən̄ ō, de gə̄ ənīn̄ mbēr̄ najə̄ yān dan gíŕ nápar de gə̄ tə́ ō, de gə̄ taān̄ kemən dɔ nang tə́ laā ō, ɔsənən̄ kə̄ dɔɔ́ ɔsən̄neé gɔnən ō.

1 TESALONIK 1:5

Tɔdɔ̄ kɔjə ń j-ɔjəsí Najə̄ kə́ Majə ní i kə najá ngóy alé, banī i kə tɔ́gə́ kə́ ngá̰ý ō, kə kəla rāā Ndíĺ kə́ Táĺ ō, kanjə̄ kadə̄ kemjí tɔ́sə̄jí dɔ tə́ bátə́. Ī-gerī ké jḭḭ i de kə́ ba̰ý gə̄ tām̄ yāsí tə́ dan ń jə-ndiń sesí ní.

1 TIMOTE 6:6

Rāā yá̰a̰ kə gō ń Nə́ɓā ndigə ní, i yá̰a̰ kənge kə́ ngá̰ý rɔ̄kum, ba i loo ń rɔ̄ deē ní nelə̄n tām̄ yā yá̰a̰ ń ni-ənge kɔ̄ɔ́ ní tə́ tá.

IJAI 24:19

Dɔ nang njar, ni tá̰ā̰, ni-əsō.

2 PIYER 1:6

ə́hɔī rɔ̄sí tɔgə ba ə̄ndāī tə́gā ta dɔ yá̰a̰ ger̄ tə́ ō, ə̄ndāī kəre rɔ̄ dɔ tə́gā ta tə́ ō, ə̄ndāī rāā yá̰a̰ kə gō ń Nə́ɓā ndigə ní dɔ kəre rɔ̄ tə́ ō,

HEBƏRO 13:5

Kadə̄ háĺsí i háĺ ngé rāā ta nar gə̄ alé, ba kadə̄ yá̰á̰ ń ə́ngeī ngɔlaā ní asəsí. Tɔdɔ̄ Kɔ́ɔ̄ɓē nəkɔ́ əda na: M-ā m-ə́ya̰ī kɔ̄ɔ́ aĺ ō, m-ā m̄-mbātíī aĺ ō.

2 KORḚNTƏ 1:12

Yá̰á̰ ń ɔjə kɔr ta rɔ̄ yājí ní, i najə̄ ń toō ń kemjí ɔjəjí ní. Kemjí ɔjəjí kadə̄ háĺjí ń jə-ndiń dan de kə́ dɔ nang tə́ gə̄ tə́, ba mandang ɓáa i sesí sḭḭ̄ḭ́ ní, i háĺ kə́ kanjə̄ gól̄ loo ō, kə́ unjə̄ njáý njáý ō, adə̄ i hál yā Nə́ɓā. I hál kum kedə̄ yā de gēé alé, banī i hál kem majə yā Nə́ɓā.

PĀ GƏ̄ 37:14

Ngé kem ndul gə̄ ɔrən̄ gō ga̰ gərā yādə́ gə̄ yā túrəń de kə́ nge rɔ̄ tō ndoō ō, de kə́ ndoō ō, yā tɔ̄l̄də́. Ró̰ȳn̄ kaskar yādə́ gə̄ yā tə́gań kɔ́ɔ de kə́ súmūú gə̄.

Makətūbə̄ ń Pol ndang adə̄ Rom gə̄ ní 13:11

Sḭḭ̄ kɔ́ gə̄ ī-gerī kum mbang ń jə-ndiī tū tə́ toō mbak: I kum mbang kə́ kadə̄ ī-ndólīneé dɔ ɓīī tə́ tā. Tɔdɔ̄ ɓōólaā ní, kajə i ngɔr ngá̰ý rɔ̄jí tə́ tɔȳ kə́ ndɔ̄ ń jə-taāiń kem tə́ ní.

Makətūbə̄ ń Pol ndang adə̄ Rom gə̄ ní 13:12

Dan ndɔ̄ tɔȳ kɔ̄ɔ́, adə̄ loo a rāā yā tīī ngɔr. Ní, ādə̄ j-əya̰ī kəla kə́ tilií gə̄ kɔ̄ɔ́, ba j-ɔyī yá̰a̰ rɔ̄ɔ̄ kə́ yā rɔ̄ɔ̄ń kum loo kə́ unjə̄ kow tə́ gə̄ jə-tə́laī rɔ̄jí tə́.

2 PIYER 3:10

Ndɔ̄ yā Kɔ́ɔ̄ɓē a reē i tītə̄ nge ɓogə beé. Ndɔ̄ ngeé ń noō tə́ ní, dɔ rā̰ a hində̄ lim kə kōō yá̰á̰ kógə̄ḿ kə́ ɓār̄ to ɓōĺ ngá̰ý ō, yá̰a̰ gə̄ ń Nə́ɓā əndādə́ á hor i tū tə́ ní a nujən̄ kɔ̄ɔ́ ō, dɔ nang kə yá̰a̰ malang kə́ tū tə́ a gətóo kɔ̄ɔ́ ō.