2 PIYER 3:1 - Bibəl ta Sar̄

¹ Kó tár gə̄, ń toō i makətūbə̄ kə́ nge ko̰ jōó n m̄-ndang m-ə́lań m-ādə̄sí toō. Ba kem makətūbə̄ gə̄ ngeé ń toō tə́ jōó mbak ní, m̄-sāā i ndól̄ gír̄ kə́ gō tə́ gə̄ ń ton̄ kemsí tə́ ní yā terə̄ń kemsí dɔ yá̰a̰ ndóō gə̄ tə́.

Bible sar

¹ Kó tár gə̄, ń toō i makətūbə̄ kə́ nge ko̰ jōó n m̄-ndang m-ə́lań m-ādə̄sí toō. Ba kem makətūbə̄ gə̄ ngeé ń toō tə́ jōó mbak ní, m̄-sāā i ndól̄ gír̄ kə́ gō tə́ gə̄ ń ton̄ kemsí tə́ ní yā terə̄ń kemsí dɔ yá̰a̰ ndóō gə̄ tə́.

2 PIYER 3:1 Referans Kwoze

2 TIMOTE 1:6

Yá̰á̰ ń Nə́ɓā adī karī dan ń m-ə̄ndań jīḿ dɔí tə́ ní, to i tītə̄ hor beé kemií tə́, adə̄ ī-tóon ādə̄ o̰o̰.

1 PIYER 1:22

Sḭḭ̄ ə́laī dɔsí gír najə̄ kə́ rɔ̄kum tə́ ī-tə́goīneé ngarān̄g kemsí adə̄ unjə̄ njáý njáý, i yā tárəń ngákó̰ó̰sí kə́ ngé taā kem gə̄ kə táŕ kə́ kanjə̄ gól̄ looó. I beé ní, ī-táriī naā kə kem kə́ ndaa tá táĺ, kanjə̄ kɔr ta tə́.

1 TIMOTE 5:22

Ī-lōō tewle kəndā jīí dɔ deē kógə̄ḿ tə́. Əla rɔ̄í dan majaĺ yā deē tə́ alé. Ī-ngɔ̄m̄ hálí īkɔ́, ādə̄ ḭ̄ i de kə́ ūnjə̄ njáý njáý.

MATIYE 5:8

Rɔ̄nel̄ i kə ngé gə̄ ń kemdə́ unjə̄ njáý njáý ní, tɔdɔ̄ a a̰a̰n̄ Nə́ɓā.

PĀ GƏ̄ 73:1

Pā yā Asap. Nə́ɓā i de kə́ majə tām̄ yā Israel tə́ rɔ̄kum. Ni i de kə́ majə tām̄ yā de gə̄ ń kemdə́ unjə̄ njáý njáý tə́ ní.

PĀ GƏ̄ 24:4

I deē ń jīn unjə̄ njáý njáý ō kemən ndaa tá táĺ ō ní. I deē ń əga rɔ̄n gidə Nə́ɓā tə́ rāań yá̰á̰ kə́ majaĺ aĺ ō, túbə yā góləń deē aĺ ō ní.

2 KORḚNTƏ 13:2

I najə̄ kə́ m-ə́dá kété kɔ̄ɔ́, dan ń m-āwń loosí nja kə́ nge ko̰ jōó ní tə́. Ba ɓōólaā ń m̄-gətóo dansí tə́ ní, m̄-téĺ m-ə́dá ngé gə̄ ń rāān̄ yá̰á̰ kə́ majaĺ ní ō, m-ə́da gotə de gə̄ malang ō, kadə̄ gerə̄n̄ pá tá, na ré m̄-tél m-āw̄ gogə́ loosí anī, m-ā m-ə́ya̰ deē kógə̄ḿ karī alé.

HEBƏRO 6:9

Ká ré j-ɔrə̄ń najə̄ beé gə̄gē anī, kó tár gə̄, jə-ger̄ mámák kadə̄ sḭḭ̄ i dɔ róbə́ kə́ majə tə́, adə̄ i nge ń a aw̄ kə deē tū kajə tə́ ní.

1 PIYER 2:11

Kó tár gə̄, sḭḭ̄ ń i mbā gə̄ ō tə̄rā gə̄ ō dɔ ɓē kə́ rang tə́ ní, m̄-dəjesí kadə̄ ī-mbātíī yá̰a̰ gə̄ ń ngurdə́ asəsí nák ní.

2 PIYER 3:8

Ɓá tā ba kó tár gə̄, yá̰á̰ kógə̄ḿ to noó kə́ majə kadə̄ dɔsí ndígə̄nal alé. Yá̰á̰ ni n toó: Tām̄ yā Kɔ́ɔ̄ɓē tə́ ɓáa ndɔ̄ kə́ kógə̄ḿ beē i tītə̄ ɓāl̄ kə́ dūbú beé ō, ɓāl̄ kə́ dūbú i tītə̄ ndɔ̄ kə́ kógə̄ḿ beē beé ō.

2 PIYER 3:14

Kó tár gə̄, i tām̄ najə̄ ń noō tə́ n majə kadə̄ ə́hɔī rɔ̄sí tɔgə kadə̄ majaĺ tákə̄sí aĺ ō, kadə̄ najə̄ gətóo dɔsí tə́ ta kum Nə́ɓā tə́ ō, kadə̄ ī-ndiī kə kem kə́ sɔl̄ lɔmɔɔ́ ō, pá tá kadə̄ ndɔ̄ ní ugə̄ ɓáý ní.

2 PIYER 3:17

Kó tár gə̄, kə́ tām̄ yāsí tə́ tā anī, ngɔlaā ní tāān̄sí kɔ̄ɔ́ ɓá. Adə̄ ī-ndiī dɔ rɔ̄sí tə́, ba ī-lōōī kəya̰ kadə̄ yá̰a̰ rāā kə́ gōtə́ aĺ gə̄ yā de kə́ usədə́ yá̰a̰ aĺ gə̄ ndúm̄ sesí ō, ī-lōōī tḭ̄ḭ̄ ta loo yāsí ń ī-raī ngan̄g tū tə́ ní ō.

Makətūbə̄ ń Jud ndang ní 1:5

Ká ré sḭḭ̄ ī-gerī yá̰á̰ ń toō kɔ̄ɔ́ majə ngá̰ý gə̄gē anī, m̄-sāā ter̄ kemsí dɔ tə́ ɓáý. Tām̄ dan ń Kɔ́ɔ̄ɓē ajə gír deē yān gə̄ kem ɓē kə́ Ejiptə tə́ ní, gō tə́ anī ni-rāā adə̄ ngé gə̄ ń taān̄ kemən aĺ ní oyn̄ kɔ̄ɔ́.