2 PIYER 2:6 - Bibəl ta Sar̄

⁶ Nə́ɓā gān̄g sarya dɔ ɓē gə̄ kə́ Sodom tə́ ō, Gomor tə́ ō, ba nujə ɓē gə̄ ní kɔ̄ɔ́ kə horoó. I yá̰á̰ ń kadə̄ a rāā ngé kem ndul gə̄ ní n ni-rāā yá̰á̰ ń noō ɔjəńdə́ kadə̄ gerə̄n̄ ní.

Bible sar

⁶ Nə́ɓā gān̄g sarya dɔ ɓē gə̄ kə́ Sodom tə́ ō, Gomor tə́ ō, ba nujə ɓē gə̄ ní kɔ̄ɔ́ kə horoó. I yá̰á̰ ń kadə̄ a rāā ngé kem ndul gə̄ ní n ni-rāā yá̰á̰ ń noō ɔjəńdə́ kadə̄ gerə̄n̄ ní.

2 PIYER 2:6 Referans Kwoze

Makətūbə̄ ń Jud ndang ní 1:7

Ādə̄ əga kemsí dɔ ɓē kə́ Sodom tə́ ō, kə́ Gomor tə́ ō, ɓē gə̄ kə́ kadədə́ gə̄ tə́ ō. De kə́ kemeé gə̄ rāān̄ yá̰á̰ kə́ majaĺ tītə̄ yā de kə́ dɔ rā̰ tə́ gə̄ ń noō. Nin̄-ɓōkə́n̄ rɔ̄də́ tū sāā naā kə́ kə gō róbəneé aĺ tə́, adə̄ dəngam gə̄ a sāān̄ dəngam madə̄də́ gə̄ tām̄ yā rɔ̄nel̄ yādə́ tə́. Nin̄-əngen̄ ndéý kə́ tām̄ yā yá̰a̰ rāādə́ kə́ gō tə́ aĺ tə́. Ndéy yādə́ ní i hor kə́ to ngándáńg kə́ o̰o̰də́ ō, yá̰á̰ ń rāādə́ ní téĺ i tāā kə́ kumən unjə̄ ngá̰ý tām̄ yā de gə̄ malang tə́ ō.

NDŪ NAJƏ̄ 29:23

Nápar de gə̄ malang a dəjen̄ najə̄, a ədan̄ na: Kɔ́ɔ̄ɓē rāā kə ɓē ń toō yá̰á̰ kə́ beé i tām̄ rí tə́? I tām̄ rí tə́ á wōn̄g rāān ngá̰ý dɔ tə́ beé?

TƏ́DA 26:10

Dɔ nang teē tan urdə́ naā tə́ kə Kore, ndɔ̄ ń deē yā Kore gə̄ oynə̄ń malang tə́ ō, hor o̰o̰ń de gə̄ ɓú jōó kə kutə mí tə́ ō ní. Nge ń noō i kadə̄ dɔ gotə de gə̄ reēń ō, gír̄nəń yá̰a̰ ō.

1 KORḚNTƏ 10:11

Yá̰a̰ gə̄ ń noō malang teēn̄ dɔdə́ nin̄ tə́ i yā kɔjəń de kə́ rang gə̄ yá̰a̰ kadə̄ gerə̄n̄. Ba ndangən̄də́ kem makətūbūú i yā tāańjí jḭḭ̄ ń j-ugī ta ngóy ndɔ̄ gə̄ tə́ ní.

SOPONI 2:9

I beé ɓáa, mā ń i Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel ní, najə̄ ń m-ə́dá wáńg ní n toó: Tītə̄ ń m̄-ndiń kə kumḿ rɔ̄kum noó, Moab a tél yā to tītə̄ ɓē kə́ Sodom ō, Amon gə̄ a télən̄ yā to tītə̄ ɓē kə́ Gomor ō. Dɔ nang yādə́ a tél loo kə́ túpə kōn̄ gə̄ i tū tə́ ō, loo kə́ katə̄ i ngá̰ý tū tə́ ō. A nujən̄ dɔ nang yādə́ ní i kə́ njɔ́ḿ gə̄ tə́. De gə̄ kə́ dan gír deē yāḿ gə̄ tə́ ń a teēn̄ ta yo tə́ ní, a ɔyn̄ yá̰a̰ kənge yādə́ dɔ gúú tə́ ō, de kə́ dɔ nang yāḿ tə́ gə̄ ń a teēn̄ ta yo tə́ ní, a əhɔn̄də́ ō.

JEREMI 50:40

De kógə̄ḿ kə́ yā ndi ɓē loo ń noō tə́ to̰ a gətóo ō, de kə́ yā kaw̄ ndi kemeé a gətóo ō. Tītə̄ yā Sodom ō, Gomor ō, ɓē gə̄ ń ndi girə̄n̄ gidədə́ á Nə́ɓā nujəń kɔ̄ɔ́ ō ní. Najə̄ ń Kɔ́ɔ̄ɓē əda ní n noó.

IJAI 13:19

Babilon ń i ɓē kə́ majə tɔȳ ɓē gə̄ kə́ kem ɓē ko̰o̰ tə́ ō, i yá̰á̰ súū rɔ̄ kə́ majə ngá̰ý yā de gə̄ kə́ Babilon ō ní, tām̄ yān tə́ ɓáa nujə sák sák ń a teē dɔn tə́ rétə́ gēé ní, i tītə̄ nge ń teē dɔ ɓē kə́ Sodom tə́ ō, Gomor tə́ ō ní, ɓē gə̄ ń noō ń Nə́ɓā nujəń kɔ̄ɔ́ ní.

AMOS 4:11

m̄-mbə́rē yá̰a̰ malang kə́ ɓēé loosí m̄-tə́nī kɔ̄ɔ́, tītə̄ kə́ kété kə́ Sodom tə́ ō kə́ Gomor tə́ ō. Adə̄ ī-toī i tītə̄ ta kīr̄ hor kə́ deē ɔr̄ kum hor tə́ kɔ̄ɔ́ beē. Ɓá tā banī sḭḭ̄ ī-tél ī-reēī kum kə̄ rɔ̄ḿ tə́ alé. Najə̄ ń Kɔ́ɔ̄ɓē əda ní n noó.

OJEE 11:8

Epəraim, loo kadə̄ m-ə́ya̰ī kɔ̄ɔ́ i noó a? Israel, loo kadə̄ m̄-tél gōí tə́ kɔ̄ɔ́ i noó a? Yá̰á̰ ń m̄-rāā kə ɓē kə́ Adəma ní, m-ásə rāāī a? M-ásə rāāī kadə̄ ī-to tītə̄ Seboim a? Kem nujə kɔ̄ɔ́ ō, m̄-ndew kə̄ rɔ̄ḿ gə̄ tə́ malang ō.

TA KƏLA 19:28

Ni-a̰a̰ loo kum kə̄ Sodom ō, Gomor ō, dām̄ kə́ ndágə loo tə́ ō anī, a̰a̰ sa hor kə́ tītə̄ sa hor mbō beé, əɓa tū tə́ luk luk.

Makətūbə̄ ń Jud ndang ní 1:15

yā rāań sarya kə de gēé malang ō, yā kɔsəń ngóýdə́ ō, tām̄ yā yá̰á̰ kə́ majaĺ gə̄ malang ń nin̄-rāān̄ loo ngé mbātə́ rāā yá̰a̰ kə gō ń Nə́ɓā ndigə tə́ ní ō, tām̄ yā najə̄ kə́ tōr̄ gə̄ malang ń ngé rāā majaĺ kə́ ngé ɓōĺ ndíl de gə̄ aĺ gə̄ ń noō ədan̄ dɔn tə́ ní ō.

IJAI 1:9

Ré Kɔ́ɔ̄ɓē kə́ bo kə́ tɔ́gən i ngá̰ý, əya̰ de kə́rēý gə̄ danjí tə́ adə̄ ndin̄ kə kumdə́ ɓēé loojí aĺ anī, j-a jə-toī i tītə̄ ɓē kə́ Sodom beé ō, j-a jə-teēī naā i kə ɓē kə́ Gomor ō.

MATIYE 10:15

Ādə̄ m-ə́dásí najə̄ kə́ bo ngá̰ý, ndɔ̄ sarya tə́ anī yá̰á̰ ń a reē dɔ ɓē ń noō tə́ ní, yā nang kə́ Sodom ō Gomor ō i só tə́ ngá̰ý tɔȳ yān.

MATIYE 11:23

Ba ḭ̄, ɓē kə́ Kapernaum, ɔ́jəń na ā ḭ́ḭ kum kə̄ dɔɔ́ yā kugə̄ no rā̰ tə́ a? A télən̄ seí kə̄ nang tə́ bátə́ yā kəlaī ɓádá. Tɔdɔ̄ yá̰á̰ kə yáā gə̄ ń rāān̄ yá̰a̰ looí ní ré rāān̄ yá̰a̰ i Sodom anī, ɓōólaā ń toō gə̄gē ní ɓē kə́ Sodom a ndi noó ɓáý.

Makətūbə̄ ń Pol ndang adə̄ Rom gə̄ ní 9:29

I yá̰a̰ nəkɔ́ ń toō n Ijai əda kété ɓáý to̰ ní, ni-əda na: Nə́ngētə́ Kɔ́ɔ̄ɓē kə́ bo kə́ tɔ́gən i ngá̰ý əya̰ kōōjí sḛ́ý aĺ anī, ta yājí a to tītə̄ yā Sodom ō Gomor ō.

HEBƏRO 4:11

I beé ní, adə̄ j-əhɔī rɔ̄jí ba j-udiī tū kɔr̄ koō ngeé ń toō tə́. Jə-rāāī adə̄ deē kógə̄ḿ danjí tə́ mbātə́ najə̄ tītə̄ yā kaají gə̄ alé, na sōgə́ deē ní nal̄ ta róbə́ kə́ yā kudəń tū kɔr̄ koō ní tə́.