2 PIYER 2:21 - Bibəl ta Sar̄

²¹ Kə́ só tə́ yādə́ i kadə̄ gerə̄n̄ róbə rāā yá̰á̰ kə́ gōtə́ alé, tɔȳ kadə̄ gerə̄n̄ pá tá tūrə̄n̄ gidədə́ kɔ̄ɔ́ ta gō míndə́ Nə́ɓā ń adə̄n̄də́ tə́ ní.

Bible sar

²¹ Kə́ só tə́ yādə́ i kadə̄ gerə̄n̄ róbə rāā yá̰á̰ kə́ gōtə́ alé, tɔȳ kadə̄ gerə̄n̄ pá tá tūrə̄n̄ gidədə́ kɔ̄ɔ́ ta gō míndə́ Nə́ɓā ń adə̄n̄də́ tə́ ní.

2 PIYER 2:21 Referans Kwoze

EJEKIEL 18:24

Ba ré de kə́ majə lōō gír rāā yá̰á̰ kə́ gōtə́ tə́ ba rāā yá̰á̰ kə́ majaĺ, tām̄ ni ndájə̄ yá̰a̰ rāā kə́ majaĺ ngá̰ý gə̄ malang yā de kə́ majaĺ gə̄ anī, ɔ́jiīń na a ndi kə kumneé a? I beé alé! Yá̰a̰ malang kə́ majə gə̄ ń ni-rāā ní, dɔdə́ a ndígə̄nal dɔ tə́ kɔ̄ɔ́. Ni a oy sɔɔ̄ń ra kə́ ni-ra dɔ ndūn tə́ aĺ ō, yá̰á̰ kə́ majaĺ kə́ ni-rāā ō.

JAKƏ 4:17

Adə̄ deē ń ger̄ rāā yá̰a̰ kə́ majə tá rāā aĺ ní, rāā i majaĺ.

EJEKIEL 3:20

Yá̰á̰ kə́ rang ń a rāā yá̰a̰ to̰ ní n toó: Ré de kə́ gōtə́ tūr̄ gidən kɔ̄ɔ́ ta yá̰á̰ kə́ majə tə́, ba rāā yá̰á̰ kə́ majanī, m-ā m̄-rāā kadə̄ ni a əsō kum gūmbə̄ tə́ ō, ni a oy ō. Ré ḭ̄ ī-tāān najə̄ yá̰á̰ kə́ to yo ń to kété non tə́ ní aĺ anī, ni a oy sɔɔ̄ń yá̰a̰ rāān kə́ majaĺ gə̄. M-ā m-āw̄ gíŕ yá̰a̰ rāān kə́ majə kə́ kété gə̄ tə́ to̰ alé, banī m-ā m-ə̄ndā najə̄ yon i dɔí ḭ̄ tə́.

Najə̄ kə́ Majə yā Jeju ń Luk ndang ní 12:47

Nge kəla ń ger̄ yá̰á̰ ń kɔ́ɔ̄n gḛy ní majə, banī ndi dɔ rɔ̄n tə́ aĺ ō, rāā yá̰á̰ ń kɔ́ɔ̄n gḛy ní aĺ ō ní, a ənge ndéý jī ngá̰ý.

JA̰A̰ 15:22

Nə́ngētə́ m̄-reē m-ɔ̄r̄ najə̄ sedə́ aĺ anī, majaĺ yādə́ a gətóo. Ba ngɔlaā nin̄ a asən̄ kun najə̄ dɔdə́ tə́ kɔ̄ɔ́ tām̄ majaĺ yādə́ tə́ alé.

1 TESALONIK 4:2

Tɔdɔ̄ ī-gerī yá̰á̰ ń Kɔ́ɔ̄ɓē Jeju ədají na kə j-ɔjəsí ní majə.

JA̰A̰ 9:41

Jeju tél ədadə́ na: Ré sḭḭ̄ i ngé ka̰a̰ loo aĺ gə̄ anī, majaĺ yāsí a gətóo. Banī ngɔlaā ń toō ə́daī na sḭḭ̄ na á̰a̰ī loo, ādə̄ i tāmən ń toō tə́ n majaĺ yāsí toń gotoó ní.

SOPONI 1:6

Ngé tūr̄ gidədə́ taḿ tə́ gə̄ ō, ngé sāāḿ aĺ gə̄ ō, ngé koō najə̄ kə́ taḿ tə́ aĺ gə̄ ō ní, mā Kɔ́ɔ̄ɓē, mā m̄-rāādə́ kadə̄ nin̄ a gətóon̄ kɔ̄ɔ́.

MATIYE 21:32

Tɔdɔ̄ Ja̰a̰ reē rɔ̄sí tə́ ɔjəsí róbə́ kə́ gōtə́, ba sḭḭ̄ ī-taāī kemən alé. Banī ngé táā lambóo gə̄ ō, dəyá̰ ájə́ba gə̄ ō, taān̄ kemən. Sḭḭ̄ á̰a̰ī kə kumsí gə̄gē, ba gō tə́ anī kemsí tūr̄ alé, adə̄ ī-taāī kem Ja̰a̰ alé.

Gōsə̄ najə̄ gə̄ 16:31

Dɔ kə́ ndaa i jākā kɔsə gɔn kə́ majə ngá̰ý. Deē a ənge i loo rāā yá̰á̰ kə́ gōtə́ tə́.

Makətūbə̄ ń Pol ndang adə̄ Rom gə̄ ní 7:12

Adə̄ ndū najə̄ i yá̰á̰ kə́ majaĺ alé ba i yá̰á̰ kə́ táĺ ō, gō míndə i yá̰á̰ kə́ táĺ ō, kə́ gōtə́ ō, kə́ majə ō.

EJEKIEL 23:13

Mā m-á̰a̰ kadə̄ ni-tél de kə́ yḛr ō. Adə̄ ngákó̰o̰ naā kə́ dəyá̰ kə́ jōó gə̄ ní, unən̄ i róbə́ kə́ kógə̄ḿ beē.

Gōsə̄ najə̄ gə̄ 12:28

Róbə́ rāā yá̰á̰ kə́ gōtə́ i róbə ndi kə kumuú. Ré deē un anī a ndɔdə̄n̄ naā kə yoó alé.

PĀ GƏ̄ 125:5

Banī ngé gə̄ ń unən̄ róbə́ kə́ súmūú aĺ gə̄ ní Kɔ́ɔ̄ɓē, majə kadə̄ ī-tə̄ɓādə́ kɔ̄ɔ́ naā tə́ kə ngé rāā madə̄də́ gə̄ yá̰á̰ kə́ majaĺ gēé! Ādə̄ lápə́ya reē kem ɓē kə́ Israel tə́!

PĀ GƏ̄ 85:8

Kɔ́ɔ̄ɓē, ɔ́jə́jí kem majə yāí ō, ájə́jí ō.

EJEKIEL 33:13

Tītə̄ ń toō: M-ə̄nī ndūḿ m-ādə̄ de kə́ gōtə́ kadə̄ ni a ndi kə kumneé. Banī ni gír̄ kadə̄ hálən kə́ majə kə́ kété ń ni-rāā ní asə adə̄ ni udə kə̄ rɔ̄ rāā yá̰á̰ kə́ majaĺ tə́. I beé ɓá ní, yá̰a̰ rāān kə́ majə kə́ kété gə̄ ní i kə́ yā tə́da to̰ alé. Adə̄ ni a oy tām̄ yā yá̰á̰ kə́ majaĺ ń ni rāā tə́ ní.

GALATƏ 6:2

Ə̄tōī yá̰á̰ kə́ kɔȳ gə̄ kə naá, na i tītə̄ ń noō n ā ī-rāāīneé yá̰á̰ ń ndū najə̄ yā Kərist əda ní.

1 TIMOTE 6:14

Ī-rāā yá̰a̰ kə gō míndə́ Nə́ɓāá, kadə̄ ī-ndiń kanjə̄ kadə̄ majaĺ kógə̄ḿ tákī ō, kanjə̄ najə̄ kógə̄ḿ dɔí tə́ ō, bátə́ ndɔ̄ ń kadə̄ Kɔ́ɔ̄ɓē yājí Jeju Kərist a ɔjəń rɔ̄n kə̄ ndágá tə́ ní.

HEBƏRO 10:26

Tɔdɔ̄ ré jə-gerī najə̄ kə́ rɔ̄kum pá tá jə-na̰yiī kə̄ loo rāā yá̰á̰ kə́ majaĺ tə́ kə gō kem ndigə yājí anī, gotə yá̰a̰ tun̄ kə́ tām̄ majaĺ tə́ gətóo.

2 PIYER 3:2

Ādə̄ əga kemsí dɔ najə̄ gə̄ ń ngé koō ta kə́ táĺ gə̄ ədan̄ kété ní tə́ ō, dɔ gō míndə́ Kɔ́ɔ̄ɓē ō nge kajə de gə̄ ō ń ngámbang kəla yāsí gə̄ ndóōn̄sí ní tə́ ō.

Makətūbə̄ ń Jud ndang ní 1:3

Kó tár yāḿ gə̄, najə̄ kə́ dɔ kajə deē tə́ ń i najə̄ kə́ sɔɔ̄jí malang ní, m̄-gḛy ngá̰ý kadə̄ m̄-ndang makətūbūú m-ādə̄sí. M-á̰a̰ā̰ ní majə kadə̄ m̄-ndang m-ə́lań go̰ kemsí tə́, kadə̄ ī-rɔ̄ɔ̄īneé dɔ taā kem ń i yá̰á̰ kə́ Nə́ɓā adə̄ deē yān gə̄ i nja kógə̄ḿ beē ngóý ní tə́.