2 PIYER 2:19 - Bibəl ta Sar̄

¹⁹ Nin̄-ənīn̄ ndūdə́ adə̄n̄də́, ədan̄də́ na a teēn̄ ɓəloó, banī nin̄ kɔ́ gə̄ i ɓəlo gə̄ yā háĺ gə̄ kə́ a aw̄n̄ kə deé a əlanən̄ ta yo tə́. Tām̄ deē i ɓəlo yā yá̰á̰ kə́ dum̄ tɔ́gən.

Bible sar

¹⁹ Nin̄-ənīn̄ ndūdə́ adə̄n̄də́, ədan̄də́ na a teēn̄ ɓəloó, banī nin̄ kɔ́ gə̄ i ɓəlo gə̄ yā háĺ gə̄ kə́ a aw̄n̄ kə deé a əlanən̄ ta yo tə́. Tām̄ deē i ɓəlo yā yá̰á̰ kə́ dum̄ tɔ́gən.

2 PIYER 2:19 Referans Kwoze

JA̰A̰ 8:34

Jeju tél ədadə́ na: Ādə̄ m-ə́dásí najə̄ kə́ bo ngá̰ý, deē ń rāā majaĺ ní i ɓəlo yā majaĺ.

GALATƏ 5:13

Sḭḭ̄ ngákó̰ó̰ḿ gə̄, Nə́ɓā ɓāŕsí i kadə̄ sḭḭ̄ i kɔ́ɔ̄ rɔ̄sí gə̄. Ɓá tā ba, ī-lōōī kun kɔ́ɔ̄ rɔ̄ɔ̄ ní kutəń gidə rɔ̄sí ba rāań yá̰á̰ ń dā̰ rɔ̄sí gḛy ní. Banī ī-rāāī kəla ādī naā kə tárá.

1 PIYER 2:16

Ī-rāāī yá̰á̰ kə́ de kə́ kɔ́ɔ̄ rɔ̄də́ gə̄ tə́. Ɓá tā ba, ī-lōōī rāā kɔ́ɔ̄ rɔ̄ yāsí ní kūbə̄ kutə̄ gidə yá̰á̰ kə́ majaĺ tə́, banī ī-rāāī yá̰á̰ kə́ de kə́ ngé kəla gə̄ yā Nə́ɓā tə́.

GALATƏ 5:1

Kərist gān̄g dɔjí i yā kadə̄ jḭḭ̄ i kɔ́ɔ̄ rɔ̄jí gə̄. Ní, ə́hɔī rɔ̄sí tɔgə ba ī-lōōī kəla dɔsí gír ɓəloó gogə́ ɓáý to̰.

TITƏ 3:3

Tɔdɔ̄ kété ní, jḭḭ̄ i de kə́ mbóo gə̄ ō, jḭḭ̄ i ngé dɔ ngan̄g gə̄ ō, tají tḭ̄ḭ̄ kɔ̄ɔ́ ō. Jḭḭ̄ i ɓəlo gə̄ yā ngur yá̰á̰ kə́ tayā tayā gə̄ ō, ɓəlo gə̄ yā yá̰á̰ kə́ tayā tayā gə̄ kə́ adə̄n̄ deē rɔ̄nel̄ ō. J-a jə-rāāī i kem ndul ō, jə-ndiī i gír rāā ɓō yá̰á̰ kə́ tayā tayā gə̄ tə́ ō. Jə-majiī aĺ ngá̰ý ō, jḭḭ̄ i ngé kim̄ naā gə̄ ō.

2 TIMOTE 2:26

Loo ń noō tə́ kumdə́ a gán̄g, adə̄ a ɔrə̄n̄ rɔ̄də́ kɔ̄ɔ́ kum gūmbə̄ yā diabəl ń əhɔdə́ adə̄ a rāān̄ i yá̰á̰ ń kemən ndigə ní tə́.

JEREMI 23:9

Jeremi ɔr̄ najə̄ dɔ ngé koō ta gə̄ tə́ əda na: Ngarā̰ kemḿ nujə ō, m̄-ndew yakə yakə ō. m̄-to tītə̄ nge kasə rāā ń kasə nduú rāān ngá̰ý noō beé, najə̄ yā Kɔ́ɔ̄ɓē tə́ ō, tām̄ najə̄ kə́ táĺ gə̄ tə́ ō.

IJAI 28:1

I yá̰á̰ kə́ to kum kaȳ aĺ kə́ ba̰ý beē tām̄ yā ɓē kə́ Samari tə́! Ɓē ń toō ń to tītə̄ jākā mbang beé ní, ngé kasə rāā gə̄ kə́ dɔ nang yā Epəraim tə́ əndan̄ gúúdə́ tāmən tə́ Ɓē ní ndi i dɔ ngōn̄ mbal̄ ń deē ra dɔ tə́ anī a̰a̰ wól loo kə́ teē kōō ngá̰ý ní. Súūn̄ ɓē ní adə̄ majə ngá̰ý. Banī ɓē ní to i tītə̄ hútə̄ yá̰á̰ kə́ tutə kə́ to dɔ de gə̄ kə́ kasə nduú rāādə́ kɔ̄ɔ́ tə́ beē.

2 PIYER 2:20

Tɔdɔ̄ ngé gə̄ ń teēn̄ kɔ̄ɔ́ kum yá̰á̰ kə́ yḛr gə̄ kə́ dɔ nang tə́, kə ta kūl̄ ger̄ Jeju Kərist ń i Kɔ́ɔ̄ɓē yājí ō, nge kajəjí ō ní, ré tél əya̰n̄ rɔ̄də́ adə̄ yá̰á̰ kə́ yḛr gə̄ ní ɓírə̄n̄də́ gogə́ ō, o̰o̰n̄ ɓē dɔdə́ tə́ gogə́ ō anī, ndidə́ kə́ ta tɔ̄l̄ ta tə́ ní majaĺ ngá̰ý tɔȳ kə́ kété ɓáý.

KƏLA RĀĀ 19:16

Ba deē ń ndíĺ kə́ majaĺ i kemən tə́ ní udə dɔdə́ tə́ rāādə́ majaĺ ngá̰ý, tɔ́gən tɔȳ yādə́ malang. Nin̄-teēn̄ kújú kə ngɔ̄dɔ̄ɔ́ rɔ̄də́ karī ō, kə do gə̄ rɔ̄də́ tə́ ō.

2 PIYER 1:4

Adə̄n̄jí yá̰á̰ kə́ majə gə̄ kə́ gātə̄də́ i ngá̰ý ń ənīn̄ ndūdə́ yā kadə̄jí ní, i kə ta kūl̄ kɔsə gɔn yān nəkɔ́ ngeé ń toō ō, kem majə yān ngeé ń toō ō, yā kadə̄ ī-ɓooī naā kə Nə́ɓāá i kə ta kūl̄ yá̰á̰ kə́ majə gə̄ ngeé ń toō. Tɔdɔ̄ ɔrə̄n̄sí kɔ̄ɔ́ jī yá̰á̰ kə́ ndum kə́ dɔ nang tə́ ń kum ndaa yá̰a̰ a ulə̄n ní tə́.

LEBI GƏ̄ 13:8

Ré nge tun̄ yá̰a̰ əndā ma̰ȳ a̰a̰ kadə̄ mo̰y ní aw̄ kum kə̄ kété anī, a əda nge mo̰y ní wáńg na ni de kə́ yḛr tɔdɔ̄ mo̰y ní i mo̰y bānjə̄.