2 PIYER 2:14 - Bibəl ta Sar̄

¹⁴ Kumdə́ a ndəle i dəyá̰ kə́ ngé rāȳ gə̄ ō, asədə́ rāā yá̰á̰ kə́ majaĺ aĺ bátə́ ō. Nin̄-əyān̄ gūmbə̄ əhɔn̄neé de kə́ tɔ́gə́də́ gətóo gə̄ ō. Yá̰á̰ ń i rāā ta nar ní, nin̄-gerə̄n̄ ngá̰ý ō. Ndɔ̄ĺ yā Nə́ɓā i dɔdə́ tə́!

Bible sar

¹⁴ Kumdə́ a ndəle i dəyá̰ kə́ ngé rāȳ gə̄ ō, asədə́ rāā yá̰á̰ kə́ majaĺ aĺ bátə́ ō. Nin̄-əyān̄ gūmbə̄ əhɔn̄neé de kə́ tɔ́gə́də́ gətóo gə̄ ō. Yá̰á̰ ń i rāā ta nar ní, nin̄-gerə̄n̄ ngá̰ý ō. Ndɔ̄ĺ yā Nə́ɓā i dɔdə́ tə́!

2 PIYER 2:14 Referans Kwoze

2 PIYER 2:18

Najə̄ kɔr̄də́ i najə̄ kə́ to kɔjə rɔ̄ gə̄ ō, i mbóo najə̄ gə̄ ō. Yá̰á̰ kə́ majaĺ gə̄ ń ngurən i kemdə́ tə́ ní, nin̄-əyān̄ gūmbə̄ kə yá̰a̰ gə̄ ní əhɔn̄neé ngé teē jī ngé rāā yá̰a̰ gō tə́ aĺ gə̄ tə́ ngɔr ɓáý gə̄.

2 PIYER 2:3

Sɔɔ̄ń rāā ta nar kə́ kemdə́ tə́ ní, ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō, a ndóōn̄sí najə̄ kə́ tūr̄ gidə kɔ̄ɔ́ kə kum kedēé gə̄ yā kəsańsí. Banī a gāngə̄n̄ sarya dɔdə́ tə́ ngɔr ō, a nujən̄ sedə́ sák sák ngɔr ō.

EPEJƏ 2:3

Kété ní, jḭḭ̄ malang i dan de gə̄ ń noō tə́ ō. Tām̄ kété ní j-a jə-rāāī i háĺ kə́ majaĺ gə̄, adə̄ i yá̰a̰ gə̄ ń dā̰ rɔ̄jí gḛy ní ō, yá̰a̰ kə́ majaĺ gə̄ ń jə-gírī ní ō, jḭḭ̄ i ngáń ngé wōn̄g gə̄ tītə̄ yā gotə gə̄ ō.

2 PIYER 3:16

I yá̰á̰ ń toō n ni ndang kem makətūbə̄ gə̄ malang ń ni-ɔr̄ najə̄ ń toō kemeé tə́ ní. Makətūbə̄ gə̄ ń ni ndang ní, loo ger̄ kum najə̄ kə́rēý gə̄ kə́ tū tə́ ngan̄g ngá̰ý. Adə̄ de kə́ ger̄ yá̰a̰ aĺ gə̄ ō, kə́ ngəradə́ əhɔ nang aĺ gə̄ ō, tūrə̄n̄ gír kɔ̄ɔ́, tītə̄ ń nin̄ a rāān̄neé kə gotə makətūbə̄ kə́ rang gə̄ yā Nə́ɓāá ní. Nin̄-nujən̄ kə rɔ̄də́ nin̄ kɔ́ gɔ̄ɔ́ i tītə̄ ń noō.

EPEJƏ 4:14

Loo ń noō tə́ jḭḭ̄ i ngán gə̄ kə́ bəngál man̄ səlādə́ kə̄ yóō kə̄ laā to̰ aĺ ō, nél yá̰a̰ ndóō kə́ tayā tayā gə̄ dáȳ sedə́ aĺ ō, jḭḭ̄ i ngán gə̄ kə́ ngé gól̄ de gə̄ kə ngam yādə́ kadə̄ ndúmə̄n̄ ní gólə̄n̄jí aĺ ō.

Makətūbə̄ ń Pol ndang adə̄ Rom gə̄ ní 16:18

Tɔdɔ̄ de gə̄ ń noō nin̄-rāān̄ i kəla yā Kərist Kɔ́ɔ̄ɓē yājí alé, ba a rāān̄ i kəla tām̄ yā kemdə́ tə́. De gə̄ ń i kə́ kumdə́ gān̄g aĺ ní, nin̄-gólə̄n̄də́ kə najə̄ yādə́ kə́ majə gēé ō, kə́ nel̄ gēé ō.

1 KORḚNTƏ 11:19

Tɔdɔ̄ i gáŕ kadə̄ gán̄g naā to dɔ dáńsí tə́, yā kadə̄ gerə̄n̄neé ngé mbātə́ gán̄g naā gə̄.

JA̰A̰ 5:44

Sḭḭ̄ i ngé sāā kɔsə gɔn kə́ ḭḭ rɔ̄ naā tə́ gə̄, ba i ngé sāā kɔsə gɔn kə́ ḭḭ rɔ̄ Nə́ɓā tə́ ngóy aĺ ní, loo kadə̄ ā ī-taāī kem i ba̰ý?

MATIYE 12:34

Sḭḭ̄ ń i gír ɓūtə̄ lī kakə́m gə̄ ní, loo kadə̄ ā ɔ̄rī najə̄ kə́ majə dan ń sḭḭ̄ i kə́ majaĺ gə̄ ní i ba̰ý? Tɔdɔ̄ i yá̰á̰ kə́ rosə kemií ngá̰ý n a teē taí tə́ kə́ najə̄ tə́ ní.

1 JA̰A̰ 2:16

Tɔdɔ̄ yá̰á̰ kə́ dɔ nang tə́ laā gə̄ malang, adə̄ i ngur yá̰a̰ ō, ndə̄ngā yá̰a̰ ō, kɔjə rɔ̄ kə́ tām̄ yá̰a̰ kənge tə́ ō ní, ḭḭn̄ i rɔ̄ Bɔbə̄ Ngōn̄ tə́ alé, ba i dɔ nang tə́ laā.

MARK 13:22

Tām̄ Kərist kə́ rɔ̄kum aĺ gə̄ ō, ngé koō ta kə́ rɔ̄kum aĺ gə̄ ō, a ḭḭn̄, ba a rāān̄ yá̰á̰ kə́ to kɔr kum gə̄ ō, yá̰á̰ kə́ yáā gə̄ ō, yā góləń ngé gə̄ ń Nə́ɓā gə̄rādə́ ní gə̄gē.

JEREMI 13:23

De kə́ Kus asə tūr̄ ɓálən a? Kagə asə tūr̄ bḭḭ̄n a? Sḭḭ̄ de gə̄ ń rāā majaĺ ndér̄sí kɔ̄ɔ́ ní, ā ásiī rāā yá̰á̰ kə́ majə a?

JAKƏ 1:8

Tɔdɔ̄ ni i de kə́ nge kem jōó. Ni-aw̄ kə̄ kété ō, a tél kə̄ gogə́ ō tū yá̰a̰ rāān gə̄ tə́ malang.

KOLOSƏ 2:18

De gə̄ ń nel̄də́ tél kə rɔ̄də́ kə̄ nang tə́ ō, rāā kəla kadə̄ de kə́ dɔ rā̰ tə́ gə̄ ō, əhɔn̄ gō yá̰a̰ gə̄ ń nin̄ kɔ́ gə̄ a̰ā̰n̄ ō ní, ī-lōōī kadə̄ gólə̄n̄sí. De kə́ beé gə̄ ní, gír̄ najə̄ yādə́ kə́ gō yā deē ndul tə́ rāā adə̄ nin̄-ɔjən̄ rɔ̄də́ kanjə̄ kumən.

Makətūbə̄ ń Jud ndang ní 1:11

Yá̰á̰ kə́ to kum kaȳ aĺ a əsō dɔdə́ tə́ tām̄ nin̄-unən̄ i róbə́ ń Kain un ní. Nin̄-ndúmə̄n̄ tām̄ yā nar tə́ tītə̄ yā Balam ō, udən̄ kɔ̄ɔ́ sɔɔ̄ń mbātə́ najə̄ yādə́ kə́ tītə̄ yā Kore ō.

IJAI 34:5

Dɔ rā̰ tə́ ní mósə i gidə kaskar yā Kɔ́ɔ̄ɓē tə́ malang. Kaskar ní əsō dɔ Edom gə̄ tə́, əsō dɔ gír de gə̄ ń ni gḛy nujə sedə́ kɔ̄ɔ́ malang tə́ ní.

Gōsə̄ najə̄ gə̄ 6:25

Ī-ndə̄ngā mandən kemií tə́ alé, ādə̄ dɔ kumən kə́ mɔlyɔ̄ gólī alé.

MATIYE 25:41

Gō tə́ anī, mban̄g a əda ngé gə̄ ń dɔ jī gelən tə́ ní na: Sḭḭ̄ ń Nə́ɓā ndɔ̄ĺsí ní, ɔ́tiī rɔ̄ḿ tə́ kɔ̄ɔ́, āwī kum hor kə́ a oy aĺ tə́ ń rāān̄ tām̄ yā diabəl tə́ ō, deē yān gə̄ kə́ dɔ rā̰ tə́ ō ní tə́.

MATIYE 5:28

Ba mā m-ə́dásí na deē ń a̰a̰ dəyá̰ ba ngurən rāān anī, sāān loo kaya tə́ kemən tə́ kɔ̄ɔ́ ɓá.

IJAI 65:20

Ngōn̄ kásə̄ kə́ yā ndi ndɔ̄ kóndóńg wań ngóy a koy kɔ̄ɔ́ a gətóo ō. De kə́ tɔgə kə́ yā gān̄g koy kanjə̄ tɔgə ɓə́ga a gətóo ō. De kə́ dūú tɔȳ madə̄n gə̄ a rāā ɓāl̄ ɓú tá a oy ō, de gə̄ a rāān̄ koy kə́ kanjə̄ kadə̄ ɓāl̄ deē i ɓú i ndɔ̄ĺ kə́ reē dɔ deē tə́ tə́.

IJAI 1:16

Ī-tə́goī rɔ̄sí, ī-rāāī rɔ̄sí ādī unjə̄ njáý njáý. Yá̰á̰ rāāsí kə́ majaĺ gə̄ ní, āwīiń sa̰y kɔ̄ɔ́ ta kumḿ tə́. Ādī asəsí rāā yá̰á̰ kə́ majaĺ.

Makətūbə̄ yā Job 31:9

Ré kemḿ gḛy dəyá̰ kə́rēý tām̄ majən tə́, adə̄ m̄-rā m-ūmən ta kújə yā madə̄ ɓēḿ tə́ anī,

Makətūbə̄ yā Job 31:7

Ré róbə́ ń ni njar ní njaḿ əya̰ kɔ̄ɔ́ ō, ré kemḿ un gō kumḿ ō, ré yá̰á̰ kə́ yḛr kógə̄ḿ tákə̄ jīḿ ō anī,

JEJU TEĒ KUM JA̰A̰ 12:9

Adə̄ dā̰ kə́ to ɓōĺ kə́ bo ngá̰ý ń i lī kə́ jóó ń a ɓāŕnən̄ na i diabəl ō, Sətan ō ní, ni ń i nge gól̄ de gə̄ malang kə́ dɔ nang tə́ ní, mbəre ənīnən̄ dɔ nang tə́, naā tə́ kə deē yān kə́ dɔ rā̰ tə́ gēé.

Gōsə̄ najə̄ gə̄ 5:6

Ni un róbə́ kə́ aw̄ kə deé tū ndi kumuú tə́ alé. Ni ndóm̄ kanjə̄ kadə̄ ger̄ gō.

EJEKIEL 13:18

Ə́dádə́ na najə̄ ń Kɔ́ɔ̄ɓē Nə́ɓā əda ní n toó: Yá̰á̰ kə́ to kum kaȳ aĺ a teē dɔsí tə́. Tɔdɔ̄ sḭḭ̄ ūrī ta kūbə̄ kə́ dɔ kur jī de gə̄ tə́ malang ō, ī-rāāī mandíl gə̄ kə́ ɓāl̄də́ gə̄ i tayā tayā tə́ ō, yā kadə̄ sḭḭ̄ ə́ngeīneé tɔ́gə dɔ ndi kə kumuú yādə́ tə́. Sḭḭ̄ ī-sāāī taā ndi kə kumuú yā de gə̄ kə́ dan gír deē yāḿ gə̄ tə́, banī ī-ngɔ̄mī ndi kə kumuú yāsí sḭḭ̄ kɔ́ gə̄.

MATIYE 23:14

Sḭḭ̄ ngé ndang makətūbə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Sḭḭ̄ ī-táāī yá̰a̰ yā dəyá̰ kə́ ngaa koy gə̄ jīdə́ tə́ malang kɔ̄ɔ́ ō, ī-raī dɔ tə́ noō īlī gidə rɔ̄sí kə ndɔ̄ȳ Nə́ɓā kə́ dan gān̄g aĺ yā kadə̄ de gə̄ rāān̄neésí de kə́ majə gə̄ tə́ ō. I tām̄ najə̄ ń noō tə́ n sḭḭ̄ ā ə́ngeī ndéý kə́ al̄ naā ní.